مهما كانت البدايات ورديه ثق بي عزيزي سيتشربها اللون الرمادي ... لن اقول الاسود ... ف الاسواد فخامه وراحه ولكن الرمادي اكتئاب واضح وعدم حياة.
_______________________________________
البداية :
علا صوت نغمات الموسيقى في احدى غرف الشقه الانيقه .... بينما بدأت الفتاة السمراء ذات الاعين الواسعه والملامح التي تشابه ملامح الاثيوبيات الضاجة بالانوثه تتمايل معها وهي تضع اخر اللمسات من مساحيق التجميل .
تأنقت بفستان اسود ابرز رشاقة جسدها ذا القوام الاوربي .... بينما التف حزام معدني طلي باللون الذهبي حول خصرها الضامر .
قامت بتمويج اطراف شعرها المصبوغ بلون blonde جريئ اكسبها اطلاله استثنائيه مع لونها الاسمر الغني الذي اصبح مميزا في هذه الفتره التي تتسابق فيها الفتيات لتفتيح الوان بشرتهن .
القليل من الاضاء البرونزيه على اطراف خدودها وفي ارنبة انفها اكمل الاطلاله الجذابه 🔥.
وقفت تتأمل شكلها ف المرآة قبل ان تقوم بحمل حقيبتها الصغيره ثم تهم بمغادرة الغرفه .
ما ان فتحت الباب حتى تفاجأت بزوجة اخيها التي كانت تقف منتظره في الخارج.
ابتسمت بإعجاب وهي تردف : اووووووو كشخه زي الكشخه 👌.
_ شكككككرا 😍
عاينت بشقاوه حوليها : وين احمد
اتفاجأوا بصوتو وهو طالع من اوضتو : انا هنا خير
عاين ليها بنظرات متفحصه وبعدها عاين للساعه : حدك الساعه عشره اوعك تتأخري اكتر من كدا
_ احمد ☹.... عايزه احضر الجرتق برضو
_ عششششره
_لكن الجرتق ياخ اهم شي 😭.
_ مها ... البلد دي بقت م امنه ولا مضمونه وكل يوم كفوه وبلوه جديده اسمعي الكلام عليك الله م تجننيني .... الساعه عشره معناها الساعه عشره .
سحر( زوجتو ) : احمد خليها عليك الله ساعه م فرقت ... عرس صحبتها ياخ
مها عاينت ليه بنظرات مسكنه عشان يحن عليها
احمد : شنو شنو عايزين تاكلو راسي ولا كيف
سحر : عليك الله يا احمد
مها وهي ضامه كفيها على جهة صدرها : بليييييز 👏
سكت لمسافه وهو بعاين ليهم قبل م يهز راسو بطريقه خلتهم يبتسمو الاتنين بي انتصار .
_ لا
وهنا الابتسامه زالت تدريجيا 😂 ( يا خسااااره 😂)
تابع كلامو : عشره يعني عشره .... سوقي براحه
ومشا على اتجاه المطبخ .
سحر بي ابتسامه : خلاص معليش البركه ف الساعه عشره دي 😂.
مها بصوت هامس : مستحملاه كيييف 😑
سحر بنفس النبره وهي بتهز كتافينها : بحبو اعمل شنو 😅
اتناولت مفتاح عربيتها من الكومودينه وهي ماشا على الباب وقفت بصوت اخوها : طرحتك وين يا السمحه ؟
اتلفتت عليه وهي بتعاين باستهبال : هاااااه؟ م سامعاك .
رفع حاجبو بطريقه تحذيريه وهو شايل كبايتو حقت الشاي : طرحتك
رجعت بي سرعه للاوضه : اوكي 😅
( غيرة الاخوان يا جماااااعه 🔥😂)
ختتها ف راسها وطلعت للاصانصير .... نزلت تحت وركبت عربيتها .
بطلتنا مها : 23سنه ... بتقرا طب .... خريجه .... زوله انيقه وبتحب الحياة شديد وبتاعت برامج وشخصيتها مرحه شديد ...مجنونه كدا وم نصيحه وهبله 😂 لكن عادي فجأة تقلب عاقله وتحيرك شديد ...من الوصف الفوق عرفناها سمراء .... سنفوره وشعنونه كدا 😍💜 .... جسمها نحيف نوع الجماعه البطونهم فلات ديلاك 😭 ودا مسهل ليها انها تلبس اي شي 😂... شعرها نازل لي نهاية ضهرها ودايما بكون كيرلي ... ترتيبها قبل الاخير في البيت وعندها 3 اخوان اولاد واختين بنات اكبر منها ومعرسين .... الوحيد الفي السودان احمد اخوها عمرو ٣٥ سنه ومتزوج زميلتو من الجامعه اللي هي سحر وعندهم ولدين صغار والتالت جاي ف السكه .... اهلها عايشين ف سلطنة عُمان.... وهي هنا قاعده ف داخليه لانو بيت اخوها بعيد شديد من الجامعه لكن كل نهاية اسبوع بتمشي ليهم .
المهم ركبت العربيه واتحركت ... فتحت الموسيقى بي اعلى صوت وبقت تنقز قدرتها معاها 😆.
وطت الصوت لمن شافت تلفونها بيضرب ... ركبت السماعه وردت : اللهم اجعله خير
_ المهزأه 😂
_ انتي حتمسكي لي الموضوع دا طويل 😐
_ كدي اسأليني تاني ؟ 😂
_ عادي بتحصل ف ارقى الجامعات 😐
_ طبعا طبعا 😌.... عادي يعني يجي استاذ جديد وانتي تكوني نايمه لمن مريله وهو بشرح وبعدها يصحيك وتقومي مخلوعه و ..... و ....... ويطردووووووووك 😂👏👏👏👏
_ على فكره دا استاذ نتن
_ نتن ولا عشان طردوووووك 😂😭
_ ان شاء الله يا رنيم يجي يوم اشمت فيك زي م بتشمتي فيني كدا 🙂💔
•رنيم صحبة مها المقربه حلبيه كدا وطولها متوسط ودبه وطيوبه وكيوووووت😂
_ هو انتي قصرتي فيني يعني ؟ م اي شي بتمسكي لي لبانه لمن بكره نفسي لكن اهو ربك كرييييييم 😝.
_ كريم ولا ترحال هاهاهاو
_ استغفري 🙄
_ استغفر الله ... خلاص اقفلي مني فقدتيني المنطق 😑💔
_ لكن يا مها
_ اها
_ سمح مش 🙈
_منو ؟
_ دكتور راكان
_ والله م ركزت معاه لانو كابسني وطردني الوسخ .... لكن هسه راكون دا اسم يسموه ليه
_ راكان
_ راكان ولا راكون كلهم حيوانات م فرقت
_ بالعكس الاسم حلو ومميز .
_ ودكتور عبد الله حيرجع لينا تاني متين 😢
_ عبدالله شنو عليك الله خلينا نمتع بصرنا 😆
_ لا يا بنتي حراااااام .... غض البصر ولاكيف ولا شنو ؟
_ اجي 🤨....شوفو منو البيتكلم .
_ خلاص اقفلي ياخ .... كلامك كتير وانا م مركزه مع الشارع بسببك ( احب الصراحه ☺💜)
_ كدي انتي هسه وين ؟
_ انا في الشارع قربت ... وانتي ؟
_ انا قاعده من قبيل ف الصاله
_ ومالك قال جايا قبل اهل العرسان .
_ اعمل شنو يعني مجبوره 😑.... انتي لاقيه الحديد دا بتوصلي في اي وقت لكن انا لي الله 😭
رنيم فجأة سكتت وقلبها وقع لمن سمعت صوت صدام وصوت صرخة مها 💔
وقفت على حيلها بتوتر وجرت على مدخل الصاله وهي بتقول : الو ؟ الو مها سامعاني انتي ؟
شالت انفاسها بعدم تصديق لمن جاها صوت صحبتها : انا كويسه م تخافي ... كدي برجع ليك
وبعدها الخط فصل .
رب العباد ستر عليها وم جاها ولا شي لكن عربيتها من قدام اتبهدلت .
جدعت سماعتها ونزلت وهي معصبه خصوصا انها م كانت غلطانه والناس طوالي اتلمت .
نزل من العربيه التانيه شاب في نهاية العشرينات من عمرو....
ملامح وشو مرتبه اكتر من حياتنا🙂.
شعرو خيلي فاااااحم وقاجي كدا لفوق 😌.... لونو حنطي 🔥.... عيونو واسعه ورموشو كثيفه لدرجه بتلفت الانظار وعدساتو سوداء مميزه ..... ومن فوقها حواجب طويله ورفيعه ...كان نحيف و عضلاتو بارزة من التيشيرت الاسود اللابسو ومكفف يدينو .... كان ف وشم بي حروف صينيه في بداية يدو المليانه عروق وفيها شعر . ( حتى لو حلو حراااااام 🔥... شايفاك يالبتقلب ف عويناتك والفكره عجبتك 🙄 ....اووووعا 🐼)
مشا يدو في دقنو المرتب و اعتذر بطريقه مهذبه وهو بعاين للعربيه حقتها عشان يقيم الضرر السببو .
ربعت يدينها وهي بتعاين ليه بإستخفاف : راكون 😯 ؟
رفع حاجبو ونظرتو اتحولت من العربيه ليها .
م اخد وقت طويل عشان يتذكرها .
قال ليها بصوت رجولي خشن و مبحوح ( وووووب علي ) : دكتور راكان
زمت شفايفها بابتسامه اتعمدت تكون وقحه : لا دكتور دي هناك ف الجامعه م هنا .
عيونو ضاقت باستياء من اسلوبها .
عاينت وراها واشرت على عربيها : انا عندي عرس ... ومستحيل امشي بي العربيه دي كدا
_ حصلحها ليك
_ هسسسسه دي
شال انفاسو بغيظ: م تتكلمي معاي بي اسلوب الاوامر .... واحترمي نفسك شويه .
عاينت ليه من فوق لي تحت ومشت على عربيتها وهنا الناس خلاص اتفرقت وخلتهم .
كان مراقبها وهي قاعده ف الكرسي ومدنقره راسها وبتكتب .
قامت تاني ومشت عليهو وادتو ورقه : دا رقمي اول م تخلص منها تضرب لي .
ارتمست ملامح الدهشه ف وشو لدرجه خلتو واقف بذهول من دون م يحرك ساكن لمن ختت مفتاح عربيتها ف يدو ومشت على عربيتو بكل ثقه وقبل م تركب قالت ليه : صالة ال .... جيب لي my car هناك يااااا راكون .
وقفلت الباب واتحركت .
وهي سايقه اتذكرت الحصل الصباح ...
كانت وكالعاده نايمه لمن هو جا داخل وسلم عليهم وقال ليهم انو جا بدل دكتور عبدلله وعرف ليهم نفسو .... بدا يشرح وهو ماري بين البنشات فشافها نايمه وقومها بي صرامه وسألها المحاضره كانت عن شنو .... طبعا هي م ناقشه حنانها .... فقال ليها ببرود : شيلي حاجاتك واطلعي بره .
وصلت الصاله وركنت العربيه ونزلت .
لقت رنيم واقفه بره .
اول م شافتها جات جاريه عليها : مهااااا 😭
حصل ليك شنو انتي كويسه ؟
_ كويسه كويسه الحمدلله جات سليمه
_ صدمتي عربيه صح
_ لا هو الصدمني .... اتخيلي هو منو 😃
_ منو ?
_راكون
_ راكون شنو ؟
_ الاستاذ
_ دكتور راكان ؟
_ اي
_ وعملتي شنو ؟
_ ولا شي بس شلت عربيتو وخليت ليه عربيتي يصلحها
_ مها انتي جاده ؟
_ اي والله
_وب علي م بسألك لكن .... بالغتي
_ بالغت ف شنو ؟
_ كيف يعني تعملي كدا ؟
_ عادي ... يصلح حقتي وبرجع ليه حقتو ... بعدين برستيجي حيكون شنو قدام الناس وانا جايا بعربيه مكسره من قدام .
_ لكن تشيلي عربية استاذك يا بت امي 😑
عضت ضفرها ببرائه : يعني غلطانه ؟
_ طبعا ... وين احترام الاساتذه ؟!
_ طيب انا قلت ليه راكون بدل راكان 👈🏼👉🏼.
رنيم بابتسامه هبله وهي بتسلم عليها : مبروك عليك شلتي السنه ... عن اذنك
مها : واي فيها شيل 😃💔...
عاينت لي صحبتها الدخلت خلتها : هييي رنيم انتظريني 😭.
وجرت دخلت بوراها .
بي هناك راكان ساق عربيتها ومشا بيها لي ورشة صحبو .
صحبو اول ما شافو قال ليه باستغراب : مالك صاريها كدا
اتكل على العربيه وهو بعاين قدامو : قافله معاي .... اشتغل بس بدون م تتكلم .
ضحك وهو بلزو : خلاص كدي زح لي من هنا .
__________________________________
بي هناك ف العرس الحفله كانت راااابه بالجدي 💃🏻
مها ورنيم كانو قاعدين جمب بعض .
مها وهي بتهز ف كتفها : قومي نرقص
_ لا لا لا
_ ياخ قومي عليك الله الحفلات بتجينا مره ف السنه
_ مها انتي عارفاني رقيص وكلام زي دا م بنفع معاي ... خليني قومي ارقصي انتي .... بعدين الدفعه كلها هنا هسه يشوفوني يقولو خفيفه ورشيقه .
شويه كدا اشتغلت الغنيه بتاعت الشو شو الكتاحه قالت شو 🔥
مها وهي بتقوم : لا لا كدا انا م حقدر .
مسكت رنيم من يدها وقومتها معاها .
رنيم : لا لا لا ياخ 😭
_ خمسه دقايق بس يا حماره 😑
مشو محل الدايره حقت اصحابهم المعاهم ف جامعه .
مها وهي بترقص بقت بتتلفت حواليها ...
عشان رنيم فجأه اختفت منها .
تعاين وتعاين بس تلقى ليك زولتك هناااااك ف الدايره مع العرسان وحاتاهو حت شديد .
ضحكت وجرت عليها .
رنيم بترقص لمن مها زهجت
اشرت ليها : خلاص كفايه ارح
جاتها طالعه من نص الدايره وكتافينها شغاله هزاز : اها اها اها جب جب جب 👏👏👏
مها بخلعه : اججججججي 🙀
_ كدي زحي
مشت الدايره حقت دفعتهم وخشت في النص وشغاله حت شديد ( الاعمى المسكوه العكاز 😂 ).
مها وهي بتخت يدها ف وشها : هي ووووووب علي .
ورنيم لافه ف الدايره وتتنفض قدرتها .
مها وهي بتأشر لرنيم: اهدي اهدي م تفضحينا
لمن الغنيه خلصت حتن الاخت هدت وراقت
رنيم وهي بتشيل انفاسها : انا كنت عايزه اصفق بس والله.
_ عاد هو صفيق ساي ؟
_ لكن كيف معاك عليك الله ؟
مها وهي بتعاين للساعه ف تلفونها : رهيبه..... وااااااي
_ مالك 🙄
_ الساعه 10 ونص 🙀
_ اها يا ساندريلا 😐
_ الليله احمد حيمعطني زحي زحي خليني اطلع
_ طيب براحه جزمتك م تقع 😆
قبلت وراها : م وقت ظرافتك ... ارح سريع قدميني ... وعليك الله جيبي لي الزيت حق الجرتق 😭
_ انتي جاده يعني راجعه ؟
_ اي ياخ ..... احمد قال لي حدك الساعه عشره .
_ بالغ ياخ
_ امشي م تأخريني اكتر من كدا
جرت سرعه ع الباب مع رنيم مشو اتجاه العربيه وفجأه وقفو الاتنين لمن لقو دكتور راكان مكتف يدينو ومتكل على عربيتو .
بقو بعاينو ليه 🙄
رنيم وهي بترفع يدها بتردد وبي ابتسامه متوتره : ازيك يا دكتور .
عاين ليها وهز راسو : اهلا
اتوجه بنظراتو لي مها ... مد ليها مفتاح عربيتها : your car جاهزه
مدت يدها عشان تشيل المفتاح ... لكن باغتها ورجع يدو وهو بقول : بالمناسبه انتي لو كنت ولد انا م كنت حرحمك .... انا اسمي راكان بما انك قلتي دكتور دي هناك ف الجامعه ... راكان وليس راكون ..... ومن هسه عايز انبهك طول م انا موجود ف الجامعه دي صدقيني م حتتخرجي ...
شال مفتاحو من يدها وختا مفتاحها ومشا على عربيتو .
مها وهي منطره عيونها : وب علي يا رنيم ....هو قال لي م حتتخرجي ولا انا بتهيأ لي .
رنيم : لا لا م بتتهيأ ليك
اتكلت على العربيه الجمبها : الحقيني هبطت
رنيم بصوت عالي : مها ... هي مالك ... حتهبطي عشان شلتي ماده ؟
مها وهي بتضربها : اها ...اها افضحيني وري الشارع كلو بالحيحصل ....بعدين انا لسا م شلت ياخ 😭
رنيم وهي بتهز راسها : عايني عايني انتي بعد بكره تمشي وتعتذري ليه .... وان شاء الله يتراجع عن قرارو دا .
مها : ان شاء الله ان شاء الله ياخ 💔
_ لكن صراحه انتي قليلة ادب وتستاهلي 🙂
_ يا رنيم ياخ م وقت الكلام دا .
_ طيب طيب .... مع السلامه وسوقي براحه
ودعت رنيم وركبت عربيتها واتحركت على البيت .
لمن وصلت كانت حداشر وعشره دقايق .
لقت احمد واقف ف البلكونه .
بركنت العربيه وهي بتقول سترك يارب
جرت بي سرعه وركبت الاصانصير .
اول م ختت يدها ف الجرس الباب فتح .
ابتسمت بتوتر لمن شافتو 😅
عاين للساعه ف تلفونو : ممممم حداشر واتناشر دقيقه
_الشوارع كانت زحمه وكدا ... انت عارف يوم الخميس
عاين ليها مسافه قبل م يقول ليها بابتسامه : اها هججتي ؟
ردت عليه وهي بتشيل انفاسها بضحكه : يعني م شديد 😂.
_ طيب تصبحي على خير حمشي انوم كنت منتظرك.
_ وانت من اهله ☺
مشا على اوضتو وهي مشت الاوضه البتنوم فيها لمن تجيهم .
قفلت الباب شالت تلفونها ووصلتو بسماعتها حقت البلوتوث.
اشتغلت موسيقى هادئه ....
جابت مناديل ومسحت الميكب حقها .... طلعت الاكسسوارات اللابساها وختتها ف البوكس الخشبي الصغير .... مسكت شعرها لورا ودخلت الحمام اخدت ليها دش وبعدها جات لفت شعرها كعكتين وعملت كريم مرطب لوشها وجسمها .
رقدت ف السرير ومسكت تلفونها ...
كانت عايزه تضرب لي رنيم تشمشر منها حصل شنو ف الجرتق لكن النوم باغتها ونااااامت .
صحت صباح اليوم التالي بصوت جمال وجلال اولاد اخوها وهم بيتشاكلو .
ختت المخده ف وشها واتقلبت ع الجهة التانيه .
جا جمال صاحب الخمسه سنوات عليها وهو بيبكي : عمتو مهاااااع 😭😭😭😭....قول ليهو يديني العب شويه .
رفعت راسها بكسل : جلاااااال اديهو يلعب معاك 😑
جلال (٨سنوات ) : أ بببببب ي ت 😛 ( الشفع المسلطين ديلك 😑💔)
مها حمدت ربها لمن امهم جات داخله وشالت التاب من جلال ادتو لي جمال وهي بتقول : انت انا مش قلت ليك تمشي تكتب واجباتك 😒؟ امشي سريع ادخل الصالون .
مها وهي بترفع يدينها : ثانكيو سو ماتش يا سحر🙏🏻
قعدت جمبها : جلال دا حيجنني ف يوم 😑
_ م براكي انا برضو معاك
_ كدي اها احكي لي العرس امبارح كان كيف
مها وهي بتقعد وبتمسح ع وشها : حلو شديد والله لكن بس في شي كدا م ظريف حصل
_ اللهم اجعله خير ؟
_ كدي خلين اقوم اتسوك واصلي وبجيك ... الساعه كم ؟
_ الساعه ١٠
قامت من سريرها ودخلت الحمام وبعد جات طالعه صلت ومشت المطبخ لي سحر
قعدو في الصفره الصغيره الفي نص المطبخ .... مها كانت بتشرب ف شاييها بينما سحر كانت بتقطع في خضار .
_ اها احكي
حكت الحصل لي سحر من م صدمها لحدي م شال مفتاحو واداها مفتاحها .
سحر بي صدمه : اصصصصصلو م بصدق يا مها ... بالغتي عديل كدا ف حركتك .
ختت يدينها ف راسها : هي لكن انا فاكه شعري ولابسه اسود جاتني ثقه اكتر من اللازم ف نفسي عشان كدا اتهورت 😩
_ تهورك تهور عنيف زاتو م اي تهور .
_ عارفه 😭💔... خلاص م توجعي لي قلبي اكتر من كدا .
_ وهسه حتعملي شنو ؟
_ قلت امشي بكره اعتذر ليهو ... شنو رايك .
_ م عارفه ... م نفسي احبطك لكن م اعتقد يمشيها ليك .
_ الله يطمنك
_ غايتو انتي امشي للضمان وان شاء الله يااااااااااارب يتجاوز العملتيه دا .
_ ادعي لي يا سحر انتي زوله صالحه 😢
_طيب طيب بدعي ليك .... بس كان سامحك تديني البياض 😌
_ حتى انتي بتستغلي حوجتي ليكي ؟
ف اللحظات دي احمد جاهم داخل .
جرا كرسي وقعد فيه وهو بعاين لي مها : بالمناسبه .... امبارح انتي نايمه والموسيقى شغاله
_ اي صح فتحتها ونسيتها
_ م صح الكلام دا .... ماف داعي للاغاني والموسيقى انصاص الليالي .... اعملي حسابك
_ ان شاء الله
قام على حيلو ومشا اتجاه البويلر عشان يعمل ليه شاي ( شفتو الذوق والادب دا كيف 🌚.... بيخدم نفسو بنفسو م اي حاجه على المدام ولا اختك يا عديمي الدم والاحساس)
سخن المويه وكبا سكر ف كبايتو ورما التيباق وجا راجع تاني قعد معاهم : انتي م ممكن تقعدي معانا بما انو داخليتك القاعده فيها حتتقفل ؟
_ والله يا احمد ماف طريقه .... بيتكم بعيد شديييييييييييد من الجامعه يعني انا لو عندي محاضره الساعه ٨ معناها م ححضرها اساسا .
_ لحدي هسه بفتش وم لقيت اي داخليه فاضيه .
_ ممكن تأجر لي شقه ستيديو صغيره
قاطعها : طبعا لا ... مستحيل ... شقه الله وروحك ؟
_عادي م بيحصل شي
_ لا لا شيلي الفكره من راسك .... حفتش ليك ف الداخليات لحدي م القى واحده كويسه ... اديني بس الاسبوع دا .
_ طيب ربنا يسهل ان شاء الله.
مضا يوم الجمعه بسرعه وجا يوم السبت .
كان بدايات شتاء والجو بدا يبقا بااارد ❄❄❄
نزلت من عربيتها وفركت يدينها عشان تدفى وبي سرعه دخلت الجامعه .
كان عندها محاضره واحده من 10لي 12
وبعد وصلت الجامعه حتن عرفت انها اتلغت 😐.
سلمت على شلتها وجرت رنيم على جمب : رنيم
_ اها
_ انا امبارح م نمت يا رنيم... انا بضيع يا رنيم
_ انتي اصلا ضعتي وانتهيتي يا ماما
_ م وقت كلامك وسغالتك دي يا سلبيه .
رنيم وهي بتقرب كفينها من وشها : شوفي يا مها يا بتي ... انتي استحملي نتيجة غلطك .... يعني عملتي نفسك رهيبه استحملي نتيجة الرهابه للنهايه .
_ والله م كان قصدييييييع 😭
_ البكاء لا حيفيدك ولا حيفديك
_ مممممم لا حيفيدني ولا حيفيدني متأكده انتي ؟ 🧐
_ شفتي يلا اللماضه وطولة اللسان دي ياها عملتا فيك وبركه وبركه وتستاهلي
_ بتشمتي فيا اه ؟
_ اه
_ كويس يا سمينه
_ سمينه احسن برضو من ربع متر 😆(الوتر الحساس).... شوفي شوفي وراك 😯
مها قبلت وراها .... كان دكتور راكان .... لابس بلوفر كحلي ظاهر تحتو قميص ابيض .... وبنطلون جينز اسود وجزمة جلديه سوداء..... كان شايل شنطه رجاليه بنيه ومعاها ساعه رجاليه بنفس اللون .... لابس نضاره وشايل ف يدو كباية حقت شاي البوخ حقها طالع بالفتحه الصغيره الفوق .... كان ماشي بسرعه ورافع راسو بشموخ .... في اللحظات البعاينو ليه فيه الطلبه بي اعجاب .
رنيم : وااااي منو شفتي الانا شفتو😍🔥
_وحاتك غير الF الحاخدها م شفت ولاااااا شي
_ قبلك وقبالك
_ يا رنيم حرام عليك حسي بي 😭... حيسقطني والله حيسقطني 💔
ف اللحظات دي جاهم زميلهم حازم ...
عاين لي مها وهو بقول : مهويه صحي السمعتو
مها نظراتها اتحولت لي رنيم : انتي سيحتي لي ولا شنو 😯
رنيم : 😅
حازم : عايني عايني اوريك طريقه الموضوع م خطير شديد
_ م خطير كيف يا حازم قال لي م حتتخرجي 😩
_انتي كدي اسكتي واسمعي كلامي .
_اها
_حتعملي كالاتي تمشي المقصف وتشيلي كبايتين نسكافيه وبعدها تمشي ليه ف مكتبو ... تختي ليه كباية النسكافيه وبدلع كدا ودلال وانوثه اعتذري ليه 😉
رنيم : انت بتجرجرها للرزيله كدا يا اخ حازم دا شنو البتقول فيه دا
_ دا الحل الوحيد .... صدقيني حيضعف قدامك ويتقبل اعتذارك ويا دااااار م دخلك شر .
مها طوالي اتحركت على المقصف جابت النسكافيه وجات سألت من مكتبو ...وصفوه ليها ومشت عليه ... دقت الباب لمن قال ليها : اتفضل
شالت انفاسها ودخلت
كان خاتي لابتوب قدامو ومرجع كبير .
عاين ليها مسافه ورجع بي انتباهو لي لابتوبو .
مها : احم ... يا دكتور انا عايزه اعتذر ليك .
رفع حاجبو وهو مايل بوشو لليمين شويه ولسا بعاين للابتوب : دكتور ؟
ختت ليه كباية النسكافيه : انا اسفه والله .... معليش لاني اتصرفت بي طريقه غير لائقه 😔
_ يا دكتوره انتي عكستي نفسك بي تصرفك الامس وعلى العموم بما انك جيتي واعتذرتي فهو مقبول لكن برضو م حتنجحي .
_ يا دكتور انا السنه دي خريجه كيف الكلام دا
_ كدا ... عشان تبقى ليك توبه وعظه لاخر يوم ليك
غلبها الرد سكتت وبقت بتعاين ليه قبل م تقول ليه باندفاع وبدون تفكير : آ آ انا عندي انفصام احم بجيني بعد المغرب وكدا يعني عشان كدا م بعي لي تصرفاتي ... فأرجوك تمشي لي تصرفي دا 😢.
قال ليها بطريقه قاسيه وهو بضرب طرف المكتب بيدو : عندك انفصام تمشي تتعالجي بعيد مني لانو دي م مشكلتي انا ... وبعدين انتي متأكده انك دكتوره وحتتخرجي السنه دي ؟ حركاتك الغبيه والغير مسؤوله دي تلميذة اساس م بتعملها ...انا عندي شغل م تلخميني بالله ... اتفضلي .
حست بي احراج شديد وقبلت عشان تطلع وهي بتحاول تمسك دموعها ... بس وقفت لمن قال ليها ثواني
قبلت وراها وعيونها ف الارض .
اشر ليها بطرف صباعو : شيلي الكبايه الجيتي بيها دي معاك ( حسبي الله عليك يا حازم )
شالت الكبايه وطلعت وقفلت وراها الباب .
دموعها جات جاريه عشره عشره ولمن نفسها قام .... بس تشيل وتمسح فيها بي طرف طرحتها .
لمن طلعت بره لقت اصحابها منتظرنها بي توتر .
بس اول م قربت منهم بقت بتبكي وتتنهق .
وهم طوالي قدرو يستنتجو الحصل .
قعدت في اقرب مدرج وكملت بكاها وهم بحاولو يهدو فيها .
__________
نهاية الحلقة الاولى
