ابراهيم : اجي ولدي بغيت ندوي معاك
جاد : نعام الوالد
ابراهيم : كتعرف شهرزاد بنت حسن
جاد : اه مالها
ابراهيم :بغت تزوج بيها جاد : الوالد.واش واكل شحاجة انا مكتفكرش فالزواج نهار نفكر ناخد شي بنت كنبغيها
ليلى : ابراهيم ملقيت شكون غير هاذيك بغتي صحابات وسيدات المجتمع يضخكو علي يقولو. صامت. تعيات وفطرات عل جرانة اويلي حشومة ابراهيم
ابراهيم : سكتي انت بسببك خرجت عل لولد.سطحية بزاف كتقلبي غير عل لمظاهر هذا بيض هذا كحل هذا فقير را كلنا سواسية الولد غادي يتزوج بشهرزاد وبزز منو و اذا مبغاش نحرمو من الميراث انت وهو وهذا اخر كلام عندي وفالسهرة غادي نعلن عل خطوبتهم
( مشا ابراهيم وخلاهم مصدومين )
ليلى : الحاج حمق مفهاش بغا ديك كحيلة تزوج بولدي
جاد : وامي مبقاتش فهاذشي واش اخر ايامي نتزوج بزواج تقليدي بواحدة مكنعرف عليها والو. .
ليلى : اه خاصك توافق اولدي. لاجل مصلحتنا ومن بعد يحلها الف حلال
جاد : و خا اصلا لوالد راصو قاصح نشوفو هاذ الزواج فين غادي وصلنا .
عند شهرزاد للحديث لدار بين جاد.وعائلتو دار بين شهرزاد وباها
حسن : بنتي اجي بغتك
شهرزاد : نعام
حسن : جيت نخبرك بان خطوبتك غادي نعلنو عليها اليوم
شهرزاد :( بكل صدمة ) كقاش واش كتفلل علي زواج هذا ماشي لعب
حسن : وياه زواج وانا ادرى بمصلحتك منك. غادي تزوجي بجاد وهذا اخر كلام عندي سيري وجدي راسك
انا : ( مصدومة قلبي ترفرف ونفس الوقت مصدوم (ولكن واش هو لقالها ليك
حسن : امتا دراري تقرو حنا لعارفين مصلحتكم فين ولاجل مصلحتنا كاملين خاصكم تزوجو فهمتي سيري وجدي راسك مزيان للسهرة منبغسش شي غلطة ديرها
انا مرفوعة معرفتش باش تبليت زعما غادي نتزوج بحب حياتي لسنوات كنبغيه في صمت ويكون ديالي و تسد علينا دار واحدة واو انا فرحانة بزاف ( مشيت نقز فوق ناموسية من كثرة فرحة دخلات امي مشيت نعنق ونبوس)
غدا نتزوج بجاد اماما واخيرا المعجز ة تحققت
ماما : سيري وجدي راسك كوافورة جات تقاد ليك حالتك
انا : وخا نمشي ندوش قولي ليها دخل.
جات لبنت لغادي تقادني او ل حاجة دارت لي تر طيبة لشعري لمجعد باش يرطاب ودارت لي بديكير. ومنكير. ولاسيغ للحمي من بعد غسلت شعري وجبداتو لي و صبغات لي وجهي باش يضرب في الضو شوية وجبدات لي عويناتي توليت بحال فرعون هههه
وهانا وليت انثى بان في الضو شوية .
ودعاتني ومشات وبقيت نقلب عل شي غوب زوينة لبسها توالم السهرة .
جمعت شعري لفوق عل شكل شفنجة ولبست فستان احمر قصير معري من لكمام مع حذاء عالي فنفس اللون خليت شي خصلات طايحين عل وجهي .
جات الخادمة علماتني انهم تتسناونتي هبطت عندهم واتجهنا نحو السهرة ودقات قلبي تز دح فرحا .
بعد دقائق وصلنا الحفلة لكانت عامرة. برجال الاعمال
شديت ايد والد والوالدة ودخلنا للسهرة
جاد ترقص مع ندى قلبي تهز من بلاصتو تعرض لينا عمي ابراهيم
ايراهيم اهلا بعروستنا نهار كبير لنورتنا
انا : الله ينورك
ليلى :( كتعوج فمها) اهلين لابس عليكم
ماما وي اليلى انت لغبرت مكتسولي موالو
ليلى انت جالسا غير دار ماشي بحالي انا لمشاريع والمؤتمرات عذريني الحبيبة وبنتك المصون. اش كدير
انا : خدامة مع لوالد
ماما : خضر ة وغادي طول عمرك ممتعرفيش دوي
ليلى: مالني اش قلت تانت زدت فيه
ابر اهيم : بلا نكير كتلقاو خاصكم ضاربو اليوم نهار خاص خاصنا نحتفلو بيه حد الصحافة هنا
انا مثوثرة بزاف
ابراهيم وحسن مشاو الساحة وخداو لميكرو
ابراهيم : سيداتي انساتي مرحبا بيكم عندنا بهاذ لمناسبة السعيدة
خسن : كلكم كتسائلو السر
ابراهيم : من صغرنا وعائلاتنا مرتبطين ببعض عمرنا تفارفنا ولهذا
حسن : جينا نكملو. هاذ العلاقة لمغادي تكمل حتا نلاقو عائلاتتا
ابراهيم _: لذا فهاذ السهرة كنعلن خطوبة جاد وشهرزاد
جاد :( تقدم لي وهاز واحد لخاتم فايدو وطاح عل ركابيه)
تزوجي. بي
انا :(دموعي خرجو معرفت نبكي و لا نضحك حدي قلت )
اه اه موافقة (،عنقني )
والكل تصفق لينا وتبارك كاين لفرحان كاين لي غيران
كفاش الشاب الوسيم يتزوج بالفتاة القبيحة هذا هو كلامهم
الكبار. تعرفو مصلحة. الصغار لكن واش الصغار. تعرفو مصلحتهم واش يقدرو لهم فيها اكيد لا حتا تفوت الفوت
جاد الشاب المستهتر لمتهمو. حد وشهرزاد الفتاة الطموحة لحبها هو نقطة ضعغها واش قلوبهم غادي يتاحدو ❓❓
تزوجو وعاشو في فيلا ديالهم شهىزاد دفنات طموحها وبقات تفكر غير بقلبها كان جاد نقطة ضعفها لي بغاها هي لكدير انعزلات عل العالم وبقات في مملكتها بوحدها مملكة هي اميرة. فيها وجاد هو السلطان الامر الناهي وهي امرك مولاي كانت مثل شهرزاد للشهريار كل ليلة كتقول غادي قتلها ظنات انها نجات ونسات ان شهريار اذا لقا لبديل يقتلها بلا هوادة .
ليلى المراة المادية العنصرية مخلات تاموقف الا مجرحاتها فيه كانت كتخجل من لونها.
جاد كان كثير. الانشغالات الشركة والبورصة والنساء.
هنا شهرزاد بدا الشك يزلزل كيانها لماذا تزوجني هل انا جارية علاش متبغنش مخليت مدر ت عليه علاش
تز وجني❓
انا شهرزاد بنت الحسب والنسب ممنوع علي حضور. الحفلات والسهرات ممنو ع ممنوع ممنوع
دورها ان تبقا سجينة القصر.
هنا كان لازم تتصل بنت عمها تجي تجلس معاها تؤنس وحدتها وتحكي ليها همها
دخلات النار. الى بيتها بلا متحس.
شكون يقدر يشو ف جاد وميتمناهش عندو الجاه والمال والجمال والدلال وشهرزاد خدات كلشي صحيح انها ماشي زوينة لكن عندها الثروة لتصنع الجمال
بدات المشاكل شهرزاد بداو عينها يتحلو بدات تشوف انشغالات جاد لكثيرة ومكاين تامكان بسيط ليها فقلبو
جاد فلسانو انت لبغتي نت لبغيتي مليت هاذ لحياة هزيت حوايجي مشيت ارتاح نشوف هاذ السفينة.فين غدا بي
الام صبري زواج تضحية وصبر.
انا : عيت اماما خليت كلشي عل قبلو محلتي ليه لا لمو تقهرت والله
ماما : هذا هو زواج ابنتي مو. خضر مهم هو صبري معاه
انا : صبري صبر ي وانا شكون يصبر معايا شكون يدير لي خاطري عيت
جلست ايام نفس الهدرة ونفس لكلام قررت نرجع باش نصلح زواجي وخا عمرو جا بشوفني
اتجهت نحو لقصر فرحانة باغا ندير عشاء عل ضو الشموع وليلة حمرا نجدد زواجي
لكن لقيت مفاجاة كتسناني لقيت راجلي تخوني مع بنت خالي متحملتش طحت غيبت
الاب ديالي قوم الدنيا عليه كفاش يكرفص بنتي الوحيدة ويخونها
ابراهيم طرد والدو خارج المغرب
كانت عداو ة بين العائلات لكن سرعان مارجعت المياه لمجاريها بعد مطلقنا انا فجهة وجاد فجهة وابراهيم وحسن رجعو صداقتهم لكن سرعان ممات عمي تبعو الاب ديالي وخلاو الحقد تنهش في نهش .
الزمن الحاضر.
شهرزاد حطا رجليها فوق المكتب
اووف حرت والله خاصني شي طريقة لنطيحو بها كفاش ندير ❓
خاصو هو. يجي عندي ويتقرب مني .
شوية دخل عمر عندي
انا :( بففف هذا مالو لصقة بقالي غير هو ولكن علاش ميكونش هاذشي فصالحي )
عمر. : شهرزاد صافا
انا : اهلين وانت كدير العمل كاين شي مشكل
عمر : نو بتانا جيت نعرض عليك اش قلت
انا : اوو. وخا لكن انا لنختار. المكان
عمر : مرحبا لكن ندي لوطو
ديالي
انا : اوكي ندير تلفون وهانا معاك
الو احمد صفط بي لعنوان فمساج
هزيت حقيبتي ومشينا ريسطو لاختاريت .هههه
دخلنا ريسطو لكتطل عل لبحر
انا : كجيتك دوقي فريد من نوعو
عمر : وي معندي منتسالك
تميت داخلا شديت فايد عمر وداخلا بكل ثقة مكنشوف لا ليمين لا يسار واتجهت نحو واحد طابلة شدا كاع الاتجاهات .
اتقابلت مع عدوي اللدود لجالس مع واحد لمونيكة
اكيد عرفتوه.
عمر : اش بغتي
انا : بغيت ناكل عل ذوقك نشوف واش اذواقنا كتشابه
تقابلت معاه كنسبل ليه بعويناتي منزلتش عيني عليه هو مشفش في هههع
عمر : شهرزاد سمحلي نسولك
انا : اه تفضل
عمر : كنحس بيك انت ماشي هي انت بحالا انت واحدة اخرى شهرزاد القوية ماشي هي شهرزاد الحقيقية
انا : هههه ضحكتتي كتعرف علم النفس
عمر : وي شوية معرفتش علاش عندي احساس انك طفلة فداخلك
انا : ( حيث مدوزتيش لدوزت ) غير جيتك سمحلي نمشي لطواليك نصيب لكحل ونجي
مشيت او هربت من اسئلتو انا نفسي مرجعتش الماضي خايفا رجع ونبقا حبيسة ليه كنتفاداه وكنتفادا حتا نفسي .
صيبت مكياجي تميت خارجا وانا نتصطاح مع شحد هزيت نفسي وانا نتصدم
انا : ( بكل عجرفة) انت مكتشوفش
جاد : هانا.كنشوف انت لوقيلا مغيبة شكون واخد عقلك
انا : ماشي شغلك بعد من طريقي
جاد : لا بغيت نقول ليك جوج كلمات ونمشي
انا : شنو هما
جاد : انت مزال كتبغني ياك
انا : ههه ضحكتني شتي هاذ الغرور ديالك شنهار يخرج عليك
جاد : تخدايتي
انا :( بكل تصميم) اه نتحداك
جاد ::غادي نقبلك الا ضعفت راك كتبغني اذا قاومت را العكس
انا :( الحظ واقف معايا واخيرا )اوكي ( دفعتو مع الحيط وقبلتوو بحرارة
وي كنبغيك هانت تاكدتي ( غمزتو وخليتو مفاهم والو ورجعت طابلة ديالي .
