مشيت لبست لبس ديال لبحر وهبطت عندو دغيا لقتو وقف لباخرة. فوسط البحر وتتسنا في
اتا : واو يلا المياه تناديني منقدرش نقاوم رغبتي فالسباحة مرت اعوام معمت
جاد : لهلا يحوجك كتعرفي تعومي ولا لا اذا مكنتيش تعرفي نعلمك
انا ::( كنشوف فيه بتحدي )كنعرف اجي نديرو سباق ونشوفو شكون رابح
جاد : اوكي ( حيد تشورت ولاحو وشد ايدي داني واحد الواجهة )
مستعدة يلا 1.2.3
نقزنا البحر غير نقزت جاتني لمياه باردة بقيت كنتر عد ابوحدي جاد انطلق وخلاني وراه .
جاد تقلب عليها واش لاحقا عليه لقاها دار لقاها مزال فبلاصتها رجع عندها هو تفرنس
جاد : ياك قلت غدا تسبقني فين مشات هاذ الزعامة
انا : لما بارد بزاف خفت ليخرج القرش بحال الافلام يلا انطلعو عفاك
جاد : ( تشوف فهاذ شهرزاد القديمة ) اوكي دبا اش بغتي بابضبك
انا : و الو غير. نطلعو ونديرو بحال طيطانيك غير منموتوش
جاد : حمقة وصافي يلا زيدي قدامي
انا : ( كنشوف فيه ببراءة) وهزني ابنادم بحال افلام كمل الرومانسية من عندك
جاد : ياك هههع وخا اكبيدة ( هزني من لبحر. وطلعني الباخرة وحطني فواحد الكرسي تما )
يلا تمتعي لي مع راسك هالبحر امامك هالحبيب امامك
اانا: هههه اه يلا جيب لي عصير واجي نتمنظرو
جاد :( خنزر في ) عاودي اش قلت
انا : جيب لي عصير مقلتش شحاجة غريبة
جاد : نوضي الحبيبة جيبي لينا عصير انت وشكاطو ولا شكلاط والا لوحك للبحر
انا : ياك حشومة عليك وديك ساعة جيب خدامة اففف
جاد : انت غادي تخدمني اليوم انا هو السلطان
انا : انت حقير كنكرهك
جاد : هههه وانا كمان يلا سيري متعطليش وغمزني
مشيت وانا معصبة جبت عصير وشي شكلاط عطتهم ليه بالنفخة
انا : هكا تاكل فيهم جغديد
جاد : هههه مرسي حياتي عارفك كتحبيني وبزاف
انا : منين انا نبغيك انت انت كتحلم اخياتي
جاد : ممممم تحدايني
انا ؛ اه نتحداك ونشوف فيك بكل قو ة ونقول كنكرهك
جاد :( تم جاي عندي ونظراتو مكتفسرش تقابل معاها و هزها وهي كتركل ليه )
اوا اش كنت كتقولي قبيلا
انا : كنكرهك يلا حطني دبا
جاد : لا غادي لوحك للقرش يلا استعدي وشهدي
انا : جاد حرام عليك حطني عفاك
جاد : انت كتكرهيني ياك
انا : لا شكون الغبية لقالتها ليك انا كنحبك ونعشق وكنموت عل التراب لكتمشي عليه
جاد : (تفرنس تبانو سننانتو لبيضين )
اححح اقلبي وقوليها من الصباح ضروري نخدم معاك العنف
( حطها الارض )
انا :( كنعت ليه بصبعي ) انت غادي ندمك
جاد ؛ ههه هانا حداك ندميني الحبيبة
انا ::( كنضحك فخاطري ) ماشي دبا. ممسالياش ليك يلا خليني نشوف ونسقي عويناتي
جاد : وسقي عويناتك في واش اتا جايبك تشوفي في ولا فالبحر شوفي في وعتقني لوجه الله
انا : مالني رابطاك نوض تهز. تنعس راك بديتي تخرف
جاد : او كي نيت عيت( هزها وتم غادي) يلا نيت عيت
انا وحطني وانا مالي اش بغتي في
جاد : جاد وشهرزاد واحد اذا نعست نعسي واذا فقت خاصك تفيقي فهمت
تسريع الاحداث
بعد عشر ايام
الابطال تستئنفو حياتهم الطبيعية جاد لكل ساعة يتصل بشهرزاد يطمئن عليه يوميا تسهرو. والحب لي بيناتهم تتعمق كثر. ولا تفكر فشي حاجة كثر باش يربطها حداه للابد
جالس فلبيرو ديالو تفكر فشهرزاد والحب لي تولد فقلبو وكفاش رجعات ليه بعدما فقدها وعاش عل ذكراها
كاين شي اخطاء صعاب بزاف وصعيب لواحد يسامح بسهولة من ببن هاته الاخطاء الخيانة انك تشوفي راجلك فاحضان مرة ثانية تلمسها وتقبلها مثلما تقبلك وتلمسك ونفس الكلام لتقولو ليك تقولو ليها والابشع في فراشك الفراش لشهد عل حبكم منظر مستحيل تقبلو شي مراة وانها تنساه
تفكر جاد نهار لشفتو معا ندى تحسر عل غلطتو معاها وكفاش هرب حيث مقدرش يشوف ليها فعينها يشوف دموعها وانكسارها كلما كانت هي كضحي هو تخون وتبعد عليها كانت ضعيفة مكتقولش لا اذا غلط كتسامحو وكتعتذر. هي عوض متربيه شي اخطاء بعدو جاد عليها .لان جاد تبقا راجل والراجل تبغي التجديد في العلاقة تبغي المراة القوية. لكن ماشي ديما قوية مراة قوية مرة ضعيفة حتا القسوة كتنفع احيانا .
حسام دخل عل جاد لقاه شارد في الماضي
حسام : جاد مالك مني جيتي من فرنسا وانت مغيب
جاد : وي بغيت ندير. شي مفاجاة لشهرزاد شنو رايك نعاود نطلب ادها ويكون قدام الملا
حسام: فكرة زوينة انا نتكلف بغيتكم ترجعو انتوما ثنائي واعر بزاف كان غلط كبير انكم بعدتم الكبار عرفو يلاقوكم لكن انتوما فشلتو
جاد : كنت صغير ومعلرفش شنو زواج جابو لي شهرزاد قالو لي تزوحها ولا نحرموك من الميراث تزوجتها وخا ممنتش كنحس بوالو جهتها لكن بعد اشهر قدرات تخليني نبغيها بحبها لي واهتمامها تصور مني كنمرض كلقاها عند راسي كتبكي علي مكنعرفش واش انا لمريض ولا هي كانت كتبغني بشكل جنوني كلما كتزيد فمحبتها كنت كنبعد عليها يممن حيث اتا بطبعي عزيز علي تجديد ولا كنت كنوهم راسي اني مكنبغهاش ولا شنو
حسام : خطئت خطا كبير اصاحبي معرفتش كفاش حصلتي عل اقل كون مشتي بعيد
جاد :؛ مكنتش ناوي اصاحبي را هي لبدات دور. بي وشهرزاد مشات لدار باها تما بديت نخطا حتا طحت و حصلت ولباقي را كتعرفو شهرزاد مرضات وانا هربت باش نخليها تعيش مرتاحة حبها لهي كان جنون
المهم بغتك اليوم توجد لي المفاجاة وبغيت الصحافة يكونو حاضرين
حسام : اوكي كون هاني مع تسعة يكون كولشي حاضر
جاد هز تلفون تتصل بشهرزاد لخط مشغول حط تلفو ن وخدم عل شي دواصا تا وصل العشية تصل بها مكتجاوبش
مالها مكتجاوبش فما نتصل بها لخط مشغول
عند شهرزاد
لجالسا فلبيرو دايرة تلفون عل وصعية مشغول وهي كتضحك بسخرية
ههععع جاد قريب تصدم وتدوق من نفس الكاس لذوقتتي منها
تقابلات مع النافذة كتطل عل الشارع وكتفكر فجاد وكتسنا داك النهار لغادي برد قلبها وترتاح من هاذ الحقد
قريب احاد تشوف شهرزاد الضعيفة اش غادي دير فيك وكفاش غادي تلذذ باناقامها وكتشوف فيك بكل غرور وانت كتضيع فالعتمة هههع
سارحا مع حقدها حتا سمعات شحد دخل وردخ الباب شافت جاد تبسمات ليه كبداية لتحقيق متسميه حقدها الدفين لي قريب او بالاحرى ساعات من الان غادي تحققو
جاد : مال تلفونك طلفي كنتصل بيك والو واش كنت كدوي مع شحد
انا : لا كان عندي اجتماع وطفتو
جاد : ( مشا عندها وتشم فشعرها )متبقايش طفيه صفطي مساج لي سمعتي انا كنتشوش عليك
انا : دغيا توحشتيني ياك كنت معاك غير. صباح
جاد : ههعع واتا معاك كنتوحشك عندي ليك مفاجاة زوينة غادي تعجبك بغتك تخلي اشغالك ونديك لواحد الصالون تقادي
انا : علاش اش عندنا فلعشية
جاد : معروضين واحد لمناسبة يلا معندناش الوقت يلا تجهزي فالوقت
انا : اوكي
داني لواحد صالون وصاهم علي ومشا وانا معارفاش شنو لمفاجاة
مهم دارو لي مكياج مثير وجبدو ليك الشعر لولا مسبسب عاد داروه مموج دارو لي مساحيق تجميل توليت بيضى شوية ودارو لي كحل وبينو تولاو عوينااي كبار واحمر شفاه وفراجو لوليت مزنكة وعطاوني واحد فستان لبسو قالو لي خلاه جاد هزيتو ولبستو .
الفستان طويل مر بوط بخيوط وفيه فتحة فالجوانب لبستو جا تحمق علي ودرت اكسسورات لي عل شكل سنسلة ديال الالماس مع خاتمها بعد بر هة جات عندي البنت تعلمني ان جاد وصل خرجت عندو. لقيتو مانتك تبان تحمق لابس كوستيم زرق مع لافست ديالو وقميجتو. وحداء كلاص مرجع شعرو لور ولحيتو محسنها خلاها خفيفة جا كيوت شافني وشفتو بقنا مدة خمس دقائق كنشوفو فبعضباتتا حتا تقدم لي
جاد :( باس لي ادي ) شكلاطتي جيتي كتحمقي يلا نمشو
انا :( حدرت ليه راسي زعما موافقة)
قبطني من ادي وركبني فلوطو طول الطريق هو تتغزل في حتا وصلنا واحد الحفلة .
مسك لي ايدي ودخلنا لقنا عاپلاتنا تما وخالتي وصحابنا وزملائنا والاغرب الصحافة. دخلت مفهمت والو ديالمن هاذ السهرة
جاد : حبببة هاذي هي لمفاجاة السعادة متحلاش الا اذا كانت العائلة مجتمعة
انا : مفهمت والو شنو هاذشي فهمني
جاد : غدا تفهمي كلشي دبا دقيقة هانا راحع
مشا خدا ميكرو. وانا مصدو مة
جاد : الكل يشوف في كلكم كتسائلو علاش جبتكم منهم حبيبتي شهرزاد لي مند سنوات كنا مزوجين و طلقنا معرفتش قيمتها وهاهو القدر عاود جمعنا ورجع الحب ينمو فقلوبنا وقدامكم وقدام الحضور كنطلب منها تسمحلي ( جاد تقرب لشهرزاد وتدوي وهي عينيها تغرغىو بالدموع)
وانا كنطلب منها تزوح بي وكنوعدها نكون نعم الزوج
ليلى : ( مصدومة وغدا تحماق )
جاد : حبيبة قولي شحاجة
شهرزاد ( مرفوعة لكن كتفكر تقنبل هاذ الخفلة )
بدات كتضحك بجنون
انا : هههه جاد ضحكتني واش انا حمقة نقبل واحد بخالك انت خنتني ولختتي ودبا جاي تطلب سماحة علاش غادي تطلب
ايها الحضور سمعو اخر اللخبار جاد جا يطلب السماحة مني انا ترى علاش ههععع
واش انا نقبل زواج بواحد كنكرهو انت غبي ومغرور عمرني مبغتك ولا غادي نبغيك معرفتش كفاش فكرت اني نقدر نسا الماضي انا شهرزاد ديال دبا ماشي ديال لبارح انا عمرني نسمح عليك دبا نقدر نقول اني فشيت غليلي منك ونزيدكم عرسي قريب مع الممثل التركي ايزيل ( دارت للخضور باي وخرجات وخلات الصحافة كتصور. فجاد وفيها
غادي بانو فصفحة المشاهير.
لي قرا شي جزء جيم
