الثلاث بنات
الحلقه التانيه
وفعلا تحدث محمود مع عم ابراهيم
محمود:انا عاوز اجيلك خمسه كده البيت انهارده بخصوص مني
عم محمد:تشرف يابني اهلا وسهلا البيت بيتك
وفعلا ع المغرب جرس الباب رن
ففتح عم محمد وادخل محمود
محمود:من غير لف ولا دوران انا جاي اخطب الانسه مني
وانت عارف اني راجل كسيب ومجدع وصاحب صاحبه والاشيه معدن والحمد لله ودخلي من الورشه لوز اللوز يفتح بيت وزياده وانا بدور علي شقه ملك نواحينا ع المحاره ونشطبها علي زوقنا
وهجبلها شبكه محترمه وهكتبلها قايمتها والعفش اللي تجبوه واللي اجيبه وتدبر ان شاء الله
عم محمد:والله يابني كلام جميل وعداك العيب
محمود:بس انا احب ادخل واخرج وهي علي زمتي يعني اكتب علي طول ماحبش انا نظام الخطوبه دي عشان اما اقول الكلمه ماتنيهاش ليا
خلاص يابني انا هناديلها ونشوف رايها واللي فيه الخير يقدمه ربنا
عم محمد:ياام احلام اندهي مني
وتدخل مني متالقه كعادتها
محمود:بسم الله ماشاء الله
ايه رايك ياعروسه
مني:اللي تشوفه يابابا
عم محمد:علي بركه الله
الشربات ياام احلام
ونقرا الفاتحه
وفعلا تم الاتفاق علي موعد محدد
...........................
في الكليه المعيد:انا كنت بقول ايه ياانسه نهي دلوقت
نهي :بتتكلم ف .كذا و....... يا دكتور
المعيد:تمام اتفضلي
وبعد انتهاء السكشن
نهي:ياساتر ع الرخامه دا ماله ومالي ده حاططني ف دماغه كده ليه دي سنه مش معديه باينها
رخم رخم فحت يعني
............................
ف المشفي
ف النبطشيه
احلام:نعملك شاي معانا يادكتور
د.باسم:ياريت يااحلام والله دماغي هتفجر اعمليلي معاكي وهاتيهم نشربهم سوا عشان هنمر بعدهم
لحسن شكلي هنام منكو خلاص مش قادر
احلام:حاضر يادكتور
وفعلا اتت بالشاي
وجلست معه متحفظه حتي لا يتكلم عليهااحد ولكن
بناء علي طلبه وهي تعلم اخلاقه وانه دكتور ملتزم
د.باسم:انتي مالك مكسوفه عشان هتشربيه معايا والله عشان حد يصححني لو محرجه ممكن تروحي حجره التمريض انا قلت بدل مااناديلك تاني
احلام:لا يادكتور مافيش حاجه حضرتك الكل يعرفك ويشيد باخلاقك
د.باسم :الحمد لله هذا من فضل ربي
ابقي فكريني عاوز اكلمك ف موضوع بعد المرور لحسن بنسي
احلام:حاضر يادكتور
د.باسم:يلا بينا نمر
.............................
في اجازه نصف العام تم كتب كتاب مني وكان بسيط في قاعه بسيطه تضم الاهل للعروسين واهل المنطقه واستمتع الجميع
................
في بيت عم محمد
محمود :انا لقيت شقه ع المخاره تخبل عاوزك تيجي تشوفيها عشان اخلص فيها قبل ماتتاخد
مني :خلاص هقول لابويا ونروح
وقعلا استاذنت من والدها وارتدت ثيابها وخرجت لمحمود
محمود:ايه ده ان شاء الله انتي هتخرجي معايا كده روحي غيري اللبس ده
مني:بعد ده كله هغيره مش مغيراه ياحوده
محمود:ماهو ده كله مايلزمنيش انا راجل دمه حامي وبغير علي اهل بيتي امال كتبت الكتاب ليه عشان اما اقولك كلمه ماتكسرهاش بقولك ع المحاره وعمال داخله وخارجه وتلبسي اللبس ده يقعدو يفصصو فيكي امشي خشي غيريه
تدخل مني بزهق وتطلع كده ينفع
محمود:ماكان م الاول لازم الشخط والنتر
مني:بس انا زعلانه منك لسه ما دخلناش وتشخط فيا ياحوده
محمود:وانا اقدر يتقطع لساني
ماهو انتي اللي مابسمعيش الكلام امنمنتي
مني :طب يلا عشان نشوفها ف النور
محمود:يلا ياعسل يامدوخني
اموت انا واعيد السنه
مني :بيئة اوي ياحوده الكلام ده
محمود:هو في احلي من كده
.............................
في الكليه تسمع نهي عن خطوبه وليد
نهي:الله يكون ف عونها ودا حد يعاشره دي اكيد امهاداعيه عليها دي انتصت ف نظرها ولا ايه
دا لو جالي وفوقيه مليون جنيه هديه ماارضي بيه
عبير :ماهو خد الدكتوراه بقي علي وش العروسه وخطب ربنا يسهله
نهي:يارب يخلعني من نفوخه ويخف عليا
لحسن اروح اشتكيه لخطبته المره الجايه
عبير:جباره وتعمليها مش كفايه اللي عملتيه لما رحتي لدكتور الماده وتخطتيه
نهي:ماهو اللي يستاهل عشان اتاخرت شويه ياخدني غياب
..........................
في المشفي
د.باسم:شوفتي نسيتيني اكلمك ف الموضوع بكره بقي عشان ابقي فايق وانا بكلمك لحسن هنام ف نص الموضوع
احلام:هههههه ماشي يادكتور
أنت تقرأ
الثلاث بنات
Romanceثلاث بنات اخوات لكل واحده قصه شيقه تختلف عن الاخري تعالو نتعرف ماذا سيحدث لكل واحده منهن
