الثلاث بنات
الحلقه الرابعه
نزلت مني لتشتري اشياء لوالدتها وفي طريقها يوجد ورشه حوده فلمحها وطار اليها
حوده:ايه اللي انتي لبساه ده مش قلتلك ميت مره اللبس ده ماتنزليش بيه
مني:دا لحد السوبر ماركت اللي ف اول الشارع بس واجي بسرعه واحنا ف حتتنا
حوده:يعني هي ام الحته دي مافيهاش رجاله ماهو مترشقين اهم يمين وشمال وبيبصو عليكي ولا انتي غاويه تفوري دمي مش هتهمدي الا اما اصورلك قتيل قدامك
امشي روحي غيري
مني:هي تحكمات وخلاص ياحوده مانا ف الشارع اهو اجيب الحاجه وارجع جري
حوده:طب يمين طلاق لانتي طالعه مغيره ومش هتقفي ثانيه كمان بيه بدل ماشيلك هيلا بيلا واطلعك واقطعهولك بايدي
وعلي ايه تعالي ويجرها حوده من يدها ويدخلها البيت
ام احلام:في ايه يا ولاد مالكو
حوده:طب والله يامني لو شفتك ولا محت طرفك تحت بيه تاني لهجيب خبرك
ايه مش هعرف امشي كلامي علي مراتي
انتي مش هتتهدي الا اما ارتكب جنايه
وابقي المحك تاني بالشكل ده
ام احلام:يابني عيله وعاوزه محايله
حوده:حايلتها بدل المره عشره مافيش فايده عاوزه تفور دمي عارفه اني مابطقش حد يبصلها غيري ولا حد يشوفها كده غيري وبتتعمد تستفزني
احلام:معلش بتدلع عليك وتشوف غلاوتها عندك
حوده:ماهو مش كده بردك الست لازم تعرف جوزها بيحب ايه وتعمله ومابيحبش ايه وماتعملوش هي مش شيفاني راجل ولا ايه عشان تكسر كلامي
حوده يعلي صوته ليصلها وهي بالداخل
انا قاعدلك تحت واما اشوف اخرتها معاكي يامني
علي اخر الزمن مراتي تكسر كلامي
......................
مني ف الداخل تضحك ههههههه
نهي:انتي هبله ابت الواد طالع عينه لما صوته اتنبح من الزعيق وانتي بتضحكي
مني:اصلي بحب انرفزه واشعوطه كده واشوفه متعصب يالهوي عليه بيبقي قمر
نهي:انتي عبيطه ولا ايه
والفضايح اللي عملتوها دي
عجبك وهو مجرجرك زي الدبيحه وقاعد يزعق
مني:اه يا اوختشي وهو ساحبني كده يالهوي عليه
بموووت فيه
ده انا بتعمد.البس كده عشان اشوفه لسه بيحبني وبيغير عليا ولا لاء
نهي:ايه الحب المتخلف بتاعكو ده
مني:بس انا زعلانه منه
نهي:ليه يااختي
مني:عشان حلف عليا بالطلاق
نهي:ياريته كان طلقك وخلصت من ارفكو انتو الجوز
مني:تفي من بؤك بعد الشر ياغلاويه
نهي:يااختي ايكش تولعي انتي وهو
مني:بعد الشر انتي سوسه وحقوده
وسعي بقي اماالبس واروح اطيب خاطره
نهي:يارب صبرني ع العالم المتخلفه دي
يارب يقتلك ويخش السجن وارتاح منك ومنه يابعيده
بدل الفضايح اللي بتعملوها دي
ونزلت مني ولمحها حوده ايوه كده لازم تفوري دمي يعني
مني:يعني بلاش ادلع عليك انا زعلانه منك
بقي عاوز تطلقني
حوده :دا يتقطع لساني قبل مااعملها دا كلام ساعه غضب وانا اقدر ابعد عنك اجميل ده انت الحب كله
.............
في الكليه
وليد:عاوزين نقعد يوم سوا نرسم خطه الرساله اللي هنشتغل فيها ونوضح الخطوط العريضه بتاعتها
نهي:هقعد انهارده احاول اعملها واجبها بكره بعد امانخلص شغل ف الكليه هجبها لحضرتك المكتب
وليد:بكره عندي معاد مع خطيبتي خليها يوم تاني
نهي:اوك مافيش مشكله حتي يبقي عندي وقت
وليد:تمام سلام
.................
وجاء موعد زفاف مني وحوده
وتالقت مني والفرح والسعاده علي وجهها فلطالما انتظرت هذا اليوم وكذلك حوده واخذ العريس عروسه لشقتهما التي تعبا في تاسيسها
وحمل العريس عروسه الي حجرتيهما ليبدان حياه جديده
أنت تقرأ
الثلاث بنات
Romanceثلاث بنات اخوات لكل واحده قصه شيقه تختلف عن الاخري تعالو نتعرف ماذا سيحدث لكل واحده منهن
