الثلاث بنات
الحلقه الثامنه
في المشفي
ميدو طفل ف العاشره لديه انيميا البحر المتوسط ياتي شهريا لتغيير الدم ومع ذلك طفل لذيد ويعمل كديلفري للمرضي ياتي لهم بالطلبات من الخارج
ميدو:ابله احلام مش عاوزه حاجه من تحت
احلام:ياميدو ياحبيبي ريح نفسك انت بتيجي تتعب نفسك هنا اوي انت بتحب تساعدهم لكن علي حساب نفسك
ميدو:انا ببقي مبسوط كده مابحبش الرقده
تحتضنه احلام وتقبله ربنا يشفيك ياروحي وتفضل تتنطط كده علي طول
د.باسم:انتي طيبه وحنينه جدا يااحلام فعلا ملاك رحمه مش زي الباقيين فيسمعو صوت سعاد ممرضه اخري تتخانق مع المرضي
د.باسم:مش زي سعاد بتاكل المرضي
احلام:ههههههه لا والله يادكتور دي غلبانه
د.باسم:غلبانه ايه دا انا بسلك المرضي من زورها
احلام:هههههههه
د.باسم:يلا بينا نخطف ساعتين ف العياده ونيجي
ويذهبان سويا للعياده
وعند الانتهاء تبدا في مساعدته في خلع البالطو
د.باسم:بقالك كتير معايا وكل اما تساعديني ف لبس البالطو او خلعه تبقي مكسوفه كده
احلام:لا ابدا يادكتور مش مكسوفه ولا حاجه
د.باسم:انا عاوز افاتحك ف موضوع من فتره
انا حقيقي معجب بيكي جدا ماكدبش عليكي هو مش حب بس اعجاب
بس انا حاسس انتي اللي هتريحيني انا بطبعي ملتزم وهادي وماحبش الجدال والنقاش كتير وحاسس انك زيي هاديه وطيبه وف حالك
لان انتي عارفه طبيعه شغلي عاوز ارجع بيتي احس براحه مش واحده تقعد تتخانق وماتقدرش طبيعه شغلي حتي لو دكتوره انا معايا كتير اللي مغروره ومتكبره واللي بتجادل كتير واللي مستواها عالي وشايفه نفسها
انا يمكن مش رومانسي بس راجل عقلاني
احلام:بس صعب يادكتور واهلك عمرهم ماهيوافقو
د.باسم:احنا ناس ملتزمين ومش اغنياء متوسطين والدي موظف يمكن بدرجه مدير بس موظف
يعني الحال من بعضه
سيبيها علي الله انا هبقي افاتحهم وابلغك
وينزلان سويا يلا اوصلك الوقت اتاخر
احلام:مالوش لزوم هاخد تاكسي
وليد:عيب كده اسيبك ف الوقت ده تروحي لوحدك هوصلك لاول شارعكو تبقي ف امان وامشي
وفعلا يوصلها الي اول الشارع وتنزل وهو يتبعها ليطمان عليها وقد نزلت بالقرب من ورشه محمود
لتجد شاب مسطول:ايه ياقمر يعني مالناش نصيب ولة ايه
ويحاول امساكها فينزل باسم مسرعا
باسم:عيب كده ياحضرت دي بنت حتتك
المسطول:وانت مال اهلك ويخرج مطواه ويغزه بجنبه ويهرب ويتركه غارقا في دماءه وتنادي علي محمود ان ياتي اليها فقد راي الحدث وهم ان ياتي بالفعل
احلام :سوق العربيه وننقله ع المستشفي
محمود:يلا بينا ياابله احلام وانا هجيبلك امه مسيره هيرجع الحاره وهسلمه بنفسي
احلام :تسلم يامحمود كتر خيرك
باسم:ماتقلقوش مش جرح غاءر هو سطحي نوعا ما
ويذهبان الي المشفي ويتلقاه الدكاتره علي العمليات وتظل منتظره حتي يخرح
ويرجع محمود ليطمانهم ف البيت عن ما حدث
.........................
في الكليه
نهي:الرساله اهي انجز بقي وراجعها خلينا نقدمها المجلس الجاي
وليد:انجز في واحده تقول لدكتورها انجز وخداني مقاوله فحت وردم
بس سيبك انت وحشني ياقمر
ماتيجي نراجعها بعد الكليه ويغمز بعينه
نهي:وليد اتلم ومش كل شويه تفكرني بلاش ترخم عليا
وليد:تصدقي فصلتيني انتي محبطه لما تلاقي الغزاله رايقه كده ماتكبتنيش دي مشاعر واحاسيس مدفونه من زمن ماصدقنا تطلع
المهم هنجلكو امتي
نهي:قلت لمامتك
وليد :ايوه ياسيتي خلصي هنجلكو امتي
نهي:انا كلمت بابا ورحب تشرفو ف اي وقت
وليد:خلاص خير البر عاجله نيجي انهارده
نهي :هبلغه سلام وماتنساش الرساله
وليد:مصلحجيه
...........ياتي الموعد المحدد
وياتي وليد وامه وتجلس نهي بجانبه
ام وليد:دا احنا ركنا العربيه ف اول الشارع بعيد ماعرفناش ندخل بيها الشارع مكسر ومبهدل وتعبنا علي ماوصلنا
نهي :تميل علي وليد:لم امك بدل ماهقتلك انت وامك
يميل وليد:هظبطهالك دلوقت
وليد:المهم وصلنا ياست الحبايب
ويشرفني ياعمي اني اطلب ايد نهي
وبدا في سرد امكانياته ولديه شقه غير فيلا والدته
لكن احنا مش هنعمل حاجه رسمي الا بعد نهي اما تاخد الماجستير لان لو اتعرف هيشلوني من الاشراف عشان مانعطلهاش
وقراو الفاتحه الي ان تاخذ الماجستير ويتم الباقي
أنت تقرأ
الثلاث بنات
Romanceثلاث بنات اخوات لكل واحده قصه شيقه تختلف عن الاخري تعالو نتعرف ماذا سيحدث لكل واحده منهن
