يوم الجمعة الساعة 10كدا صحيت لقيت رنا قاعدة هي وامي و ابوي ومحمد بيتونسو و مجد نايم واتسوكت و استحميت و صليت و سرحت شعري جيت اتونس معاهم وشربت الشاي والساعة١٢كدا الباب خبطت امي قالت لي افتحي الباب قولت ليها ليه افتحو انا رنا م تفتحو😒محمد قال لي م تردي ع امك و أداني نظرة خلتني عايزة أبول (الحوار دا كلو والباب بيخبط🌚) مشيت افتح الباب القى ليك جوري بت رشا بتصرخ وبتقول خالتو قولت ليها جوري ياخ مشتاقون❤️و دخلت جرت ع امي وبتقول ليها حبوبة وسلمت ع رشا قولت ليها رشوية ياخ مشتاقين شديد عمار راجلها قال لي وانحنا م بيشتاقو لينا قولت ليهو عليك الله الجمعة الفاتت كنتو معانا👊🏾قال لي برضوياخ سلمت عليهو و ع إياد ولد رشا الصغير وبوستو بقا يمشي شوية دخلنا اتونسنا ومجد يادوب صحا قال ياخ م بتخلو الزول ينوم🐸ابوي قال ليهو انت امشي اتسوك لأني عندي معاك كلام😅
المهم مشا اتسوك الرجال طلعو صلاة الجمعة امي كانت عاملة ويكة بقراصة الرجال بعد جو اكلنا و اتونسنا و والعصر فطوم بت جيرانا وقرينا مع بعض ضربت لي قالت لي تعالي عاملة كيكة شوكولاتة قولت ليها طوالي بجي لبست توب امي و قلت ل امي ماشة ل فطوم قالت لي طيب سوقت معاي جوري ومشينا اتونسنا وشربنا شاي المغرب و جوري كانت بتلعب مع اخت فطوم الصغيرة و طلعنا بعد المغرب بشوية سلمت عليهم وشربو شاي المغرب ناس رشا بايتين معانا 😀
تلفوني ضرب (اصلا هو بضرب مرا ف السنة 🐸)مشيت اشوفو لقيت رهف عاملة مكالمة جماعية المهم قولنا ليها خير لانو م بنضرب مكالمة جماعية الا لمن يكون ف اجتماع مهم🐸وقالت لينا انو هي حيخطبوها من حسن حبيبها السبت الجاي كلنا صرخنا وقولنا ليها انحنا م جاهزين قالت لينا انتو مالكم 🌚ويعدين انا زاتي كلمت حسن لكن قال هو مستعجل واتفقنا بكرا نمشي السوق كلنا و تاني يوم محمد اداني قروش ومشيينا السوق واشترينا فساتين وجينا راجعين
عدة أسبوع رهف م كانت بتجي كتير و يوم الجمعة طلبت مني أجي عندهم كلمت امي ومشيت ف بيتهم يوم السبت البنات جونا و نظفنا معاهم البيت ومشينا الكوفير و رجعنا رهف لبست فستان فضي ب بنفسجي و فاكة شعرها كانت قمرررر😍 زي دا👇🏾
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
انا كنت لابسة فستان اسود هادئ م كنت عايزة اهيج🌚👇🏾
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لكن طقمتو ب اصفر حلقان كبيرة اصفر و كعب عالي اصفر والبنات كمان كانو مزز وعملو الخطوبة وكانت حاجة كدا بسيطة وكانو الأهل القريبن وأصحاب العريس وصاحبات العروس وهم طبعا ناس رهف يعني ناس مروقين وكدا وفرحنا ب رهف وحددو العرس بعد شهر كان يوم جميل أمها حلفتني ابيت معاهم بيت و مشيت الصباح و كام يوم الأحد وم مشينا الجامعة رجعت البيت وحكيت ل أمي عن الخطوبة وكدا رنا كانت ف الشغل و مجد ف الجامعة ومحمد وأبوي شغالين نومتا 😴😴😴 مرت الأيام و وبقينا مشغولين ب رهف وم كانت بتجي كتير كنا بنمشي معاها السوق وكدا
وفضل للعرس أسبوع اشتريت حاجاتي يوم العرس: من الصباح مشينا الكوفير رهف كانت لابسة 👇🏾
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وانحنا الشباين👇🏾
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
العريس لمن شافة قال ليها حاجة ف اضانة لمن بكت والناس بدو يصفرو ليهم اريتو حالي🙃مشينا الصالة و رقصنا رقيص قايتو الحفلة كانت ب طه سليمان الجرتق بدا مشينا نلبس العروس خالتو سوسن ام رهف قالت لي عليك الله امشي جيبي لي شبطتي عشان كراعها بتوجعها قولت ليها حاضر وانا ماشة ضربت زول لمن اتضربت ف جبهتي أعاين كدا القى ليك زول كدا ما شاء الله تقول هارب من الجنة معظل وطويل و عيونو واسعة و السكسوكة حتاكل منو حتا والشعر والبدلة فجاة كدا ريحة عطرو دخلت ف انفي (كنت عايزة اكتب ف نخرتي لكن قولتة احترم نفسي🐸😂) عطرو حاجة كدا بتجزبك و بتخليك تسالو بتستعمل ياتو عطر اعتزرت منو قال لي وانا برضو بعتزر لانو كنت ماشي بسرعة عاد انت ي هناي كنت عايزة أسالك بتستعمل ياتو بحة 🌚بحتو عجيبة) قولت ليهو م مشكلة ومشيت وانا لسه بفكر فيهو اسوي شنو بايرة🙃جيت ل خالتو سوسن الشبط ومشيت عملو الجرتق لمن رهف جات تودع أهلها بالجد بكينا كلنا (اها يعني وانا متين حيبكو لي🐸
