فتحت عيوني و براحة لقيت غسان و رشا واقفين جنبي دموعي جرت واتزكرت ابوي
بقيت بكبي وأقول ل رشا ابوي وينو ي رشا ابوي وين
قالت لي خلاص اهدي ي بت ابوي بقا كويس بس جاهو هبوط شديد عشان عندو سكري
قولتا ليها وينو حسي قالت لي حسي أمي ومحمد و مجد معاهو قولت ليها الحمد لله انا عايزة اشوفو
قالت طيب وطلعنا مشيت شوفتو حضنتو وقولت خوفتني عليك قال لي انا كويس الحمد لله بس انتو كبرتو الموضوع وبعدين تعالي هنا انا مش قولت ليكي م تحضنيني لانو امك بتغار علي 😂😂👊🏾
قولت ليهو انا زاتي غلطانا امي قالت ل غسان شكرا شديد ي ولدي م قصرت من قبيل اقف معانا لكن م سألتك انت منو قلت ليها دا ود خال رهف قالت اها شكرا والله قال ليها ولو العفو ي خالتي و محمد و مجد شكرهو
بعداك طلعنا وركبنا ف عربية محمد ومشينا فتحنا الباب رنا قالت كنتو وين دا كلو قلقتوني عليكم و من قبيل بضرب ليكم ياخ م بتردو بقا فيها خيانات آه كلكم مع بعض كدا قولت ليها حتى لو عملنا خيانات انتي منو عشان تجي معانا 😒قالت لي انا بتكلم مع امي
امي قالت ليها عليك الله زحي من وشي براي مصدعة بقيت بغيظها😜😜
ودخلناو عمار جا من الشغل وجاب جوري و إياد معاهو لمن مشا شفتهم لقا مرة الجيران قاعدة مع جوري وإياد ورتو انو رشا مشت المستشفى ل ابوها وكدا
اتغدينا و مشيت عايزة انوم اتذكرت غسان قومت مشيت اسأل رشا منو الجابني المستشفى لمن انا دخت
قالت لي بعد انا دخت غسان شال التلفون مني وأتكلم معاها و ورتو المستشفى و شالني و جابتي
بعداك اتزكرت أني م شكرتو كنت عايزة اضرب ليهو م لقيت رقمو ضربت ل رهف وحكيت ليها الحصل واني عايزة رقم غسان
قالت لي واي عمو عثمان كيف قلتا ليها الحمد لله قالت لي بكرا حيجو مع البنات يسلمو عليهو قولت ليها ماف داعي هو اصلا بس هبوط قالت لي انتي ماف زول سالك انا جاية عشان عمو عثمان😂👊🏾
رسلت لي رقم غسان ضربت ليهو م رد ختيت التلفون و مشيت اصلي و جيت لقيت مكالمة من غسان رجعت ليهو رد لي السلام عليكم منو معاي قولت ليهو البت البتحب الورود ضحك و قال لي ريم قولت ليهو اي قولت لي آسفة قبيل م شكرتك و شكرا شديد ليك قال لي لا شكرا ع واجب اي زول غيري كان حيسوي كداو قال لي لو بالجد عايزاني اقبل شكرك عازمك الأسبوع الجاي وقولت ليهو اوكي اتونس معاي و قفلت وقدت نومت وانا بفكر فيهو
الصباح كان يوم الجمعة مشيت وبديت امسح وأنظف وانا بمسح مجد جا ماشي ردحت ليهو ياخ بالجد الحركة دي بايخةماف زول بيفهمها غيرناو ولعت بخور و رشا جات هي وراجلها وعملنا الفطور و رنا نظفت بعد الفطور مشيت الدكان عشان اسوي كيك بالشوكلاتة لقيت عاطف بتاع الدكان سلمت عليهو وقلت ليهو الشمارات شنو وراني اي وحدة طلقوها واي واحدة حيخطبوها واي واحدة راجلها دقاها 😂😂بعد شلت حاجتي اديتو القروش الباقي كان جنية بقا يعاين لي قولتا ليهو أديني باقيني قال لي كما هي جنية واحدة قولت ليهو برضو رجعو رجعها ومشيت وانا ماشة خبط باب ناس فطوم فتح لي امير اخو فطوم الكبير سلم علي ودخلت ل فطوم قولت ليها اخوكي دا مالو سمح كدا🌚🌚ضحكت و وريتها البنات جايني قالت
حتجي و بعداك طلعت ومشيت البيت
