فتحت التلفون و لقيت غسان ضارب لي ل اول مرة بعد الأربعة سنوات فتحت الخط قال لي ريم انا عايز اشوفيك قولت ليهو انا قال لي اي قولت ليهو انحنا شغالين مع بعض بكرا حشوفك قال لي لا حسي عايز اتكلم معاكي قولت ليهو ف شنو فال لي لمن اشوفك قولت ليهو انا م فاضية و قفلت الخط تاني ضرب م اشتغلت بيهو كتير قمت قولت ي ربي عايز شنو الشمار حرقني شديد ف قمت ضربت ليهو قولت ليهو اشوفك وين قال بعد شوية حجي عليك قولت ليهو طيب قمت لبست لي عباية ضرب لي قال لي انا برا قولت ل امي ماشة ل رهف اتشاكلت مع راجلها قالت لي م تتأخري قولت ليها طيب (م ملاحظين بعد محمد مشا يادوب بقينا نتنفس شوية )
بعداك طلعت لقيتو واقف لي مشيت ليهو بعداك مشينا نفس الحتا الاعترف لي فيها بحبو مشينا قولت ليهو خلص عايز شنو قال لي ريم انا عايز نرجع ل بعض و اعرسك و امي موافقة ع زواجنا و انا ي ريم بحبك شديد وانتي عارفة الحاجة دي عيوني دمعو قولت ليهو ي غسان انا م بقدر أوافق انا خايفة قال لي خايفة من شنو قولت ليهو خايفة من انك تخليني و تمشي زي م عملت زمان انا م حقدر ي غسان قال لي ي ريم انا لمن خليتك كان ل سبب قاطعتو و قلت ليهو من فظلك ي غسان افهمني قال لي خلاص مدام انتي عايزة كدا ف انسي و انسيني و انا راجع الإمارات و تاني أوعدك م تشوفيني قولت ليهو بليز ي غسان م تمشي عشان امك و عشان اهلك و الشركة حتخليها ل منو قال لي امي و حتكلم معاها و الشركة م تخافي حتصرف و مشى ركب العربية و انا جيت ركبت و طول السكة وأنا ببكي و صلنا جمب البيت قال لي ممكن تضحكي ل اخر مرة ابتسمت ليه وقلت ليهو مع السلامة غسان و الوقت دا كان نفسي احضنو و اقول ليهو م تمشي و تخليني بس ف حاجة كانت مانعاني و نزلت و انا بقول ليهو خلي بالك من نفسك لقيتو بدمع طوالي دخلت البيت و انا ببكي و م عارفة انا ليه ببكي وانا كان ممكن أقول ليهو م تمشي لكن خايفة انو ف يوم يخليني و يمشي زي م عمل رجعت بقيت ببكي لقايت نومت .
عاااارفة انو الأجزاء بسيطة 🌚👊🏾
