الليلة كان الأحد صحيت و و لبست اسكيرت اسود و بلوزة
رمادي و جكت اسود و طرحة رمادي و صندل رمادي ومشيت
الشركة
سلمت ع بيان طبعا انا وهي شغالين مع بعض قالت لي المدير الجديد
جاي الليلة قولت ليها اها اوك اتونسنا ومشيت مكتبي (طبعا مكتبي و مكتب المدير ف نفس الحتا يعني انا مكتبي برا حقو و اي زول عايز يتكلم معاهو الا يتكلم معاي اول عشان ادخلو ليهو)
عندي ورود كدا ف مكتبي بقيت بعاين ليهم و بشمهم و ببتسم
وانا ببتسم كدا حسيت بريحة عطر غسان نفس الريحة هي زاتها وانا بعاين للورد ف زول بوراي قال لي ريم بنفس البحة
طوالي عاينت بواري لقيتو واقف
اي هو نفسو غسان شكلو متغير دقنو بقا كتير شويه و حالق شعرو
وبقا ضعيف شوية و نفس الوقفة البخت يدو ف جيبو ولابس بدلتو
بقيت مصدومة وهو زاتو مصدوم بقاو واقف طوالي مشا دخل المكتب
مشيت الحمام بقيت ابكي اتزكرت كلامو كلو اتزكرت اي حاجة
بعد ساعة مسحت دموعي و طلعت بيان جاتني قالت لي شوفتي
غسان الببقى ل رهف المز داك هو ولد المدير اتفاجات شديد
وقولت ليها انا ماشة البيت مصدعة شديد
قالت لي اوك حبيتي لمن تصلي اضربي لي قولتا ليها طيب
مشيت البيت رقدت نمت و صحيت صليت مشيت نومت تاني
و حاولت أنسى
تاني يوم مشيت الشركة وانا بدعي اني م اشوفو و فجاة جا داخل
مكتبوبو ولا عاينت ليهو سويت نفسي مشغولة
تاني جا قال لي عايز بيانات عن الموظفين كلهم
شلتا البيانات و مترددة بين ادخل ليهو و لا لا اتوكلت و دخلت اديتو الملف وجيت عايزة اطلع قال لي م اتغيرتي شديد طنشتو وطلعت
مشيت ل بيان اتونست شوية و رجعت مكتبي
جا طالع عاين لي جوا عيوني و حتى انا عاينت ليهو جوا عيونو
م عارفة الشجاعة دي جاتني من وين زمان كنت بخجل أعاين ليهو
ومشا خلصت دوام و مشيت البيت ...
ناس امي بدو يجهزو للعرس و كدا و بدو يغيرو اثاث البيت
تاني يوم مشيت الشركة بس بقيت ادعي اني م اشوفو لكن هو
جا قال لي تعالي المكتب مشيت معاهو قال لي جهزي لي مواعيد
مع الأرقام ألفي الورقة دي شلت الورقة قال لي لمتين م حتتكلمي معاي عايزة اطلع جا قفل الباب قولتا ليهو زح من الباب قال لي وإذا
م زحيت قولت ليهو زح من الباب انتا عايز شنو مني ياخ قال
لي عايز اتكلم معاكي قولتا ليهو مافي حاجة نتكلم فيها ومش
دا كان كلامك قبل٤ سنين قال لي انتي م عارفة حاجة ي ريم قولت ليهو بالجد انا الوقت داك كنت م عارفة اي حاجة عن قزارت الناس
لكن حسي عرفت اي حاجة و زح لي من الباب وإلا حصرخ
زح من الباب و مشيت المكتب حقي
طوالي مشيت البيت
