زواج_تقليدي
كل بارتين سوى
1/2
ا
لحمد لله والشكر ماما طلعت ناجحه طلعت النتيجه مالتي فرحانه كلش اجواء كلهه فرح والتبريكات تتراكع عليه 😍
رح اسولفلكم قصتي اول شي اعرف عن نفسي
رانيه مواليد 1992 خريجة تربيه تاريخ
اعيش ويه اهلي اعرفكم بعائلتي متكونه من 7 نفرات امي وابويه عندي 2 اخوان و2 اخوات واني الصغيره الكعده
اخواني واخواتي متزوجين كلهم واحد من اخواني ويانه بالبيت والثاني طالع وكلش مستقرين الحمد لله بابا ضابط اتقاعد قبل سقوط النظام ب5 سنوات امي ربة بيت اخواتي خريجات وحده موظفه بعقد بمصرف والثانيه مدرسة عربي بمدرسة بنات
جنت كلش احب المدرسه والصديقات وطبيعتي اجتماعيه كلش بحيث المدرسه كلهن يعرفني واني تقريبا مشاكسه وكحه بحدود ماتخطه حدودي اتربيت ع نظام بالبيت الصح صح والخطأ خطأ ماكو نقاش اتخرجت من السادس وطلعت معدل زين فرحت واهلي فرحولي وصديقاتي لازم ارتب الانسيابيه حتى اقدم فه محد اتفرغلي ايساعدني ماكو غير ابن خالي عمار
عمار .. اني مواليد 1985خريج هندسه ميكانيك موظف بوزارة الشباب طبعا بواسطه مو بشهادتي بيوم العصر دك تليفوني رقم فتحت خط
عمار.. الوو
الووو هلو عمار شلونك
عمار .. اهلا منوو اتفضلي
اني رانيه بنت عمتك
هلا هلا رانيه شلونج عمتي الولد شلونهم عموو شلونه
رانيه.. الحمد لله زينين اريد اتساعدني بالانسيابيه كلش خايفه واني مااعرف
عمار.. ليش تخافين شنو السالفه تدللين اجيج لو تجينا بكيفج بالخدمه اني
رانيه .. لااا ماريد اتعبك فد شويه اجي
اوك باي .. باي
رانيه.. رحت واني متفائله خير وحتى ماكو ابالي اي كليه ولا احب اخلي براسي شي محدد وبالتالي انصدم كلت اخليهه ع الله وبنفس الوقت اريد شي ايناسب معدلي لان حرامات
وصلنا اني وامي لبيت خالي الي جانو يمنه نفس المنطقه (بالبلديات)
سلمنه وكعدنه اجه عمار وبده ايساعدني حتى ارتب الاستماره جان معدلي 77
عمار.. ي رانيه شنو تحبين اول شي نخلي اي كليه اي جامعه شنو ابالج
رانيه.. بصراحه مااحب ولا ابالي شي
عمار.. خبله معدلج زين وحلوو يعني حتى متتندمين اذا ابالج كليه انخليهه اول شي
رانيه.. بكيفك عمار
بدينا نلزك الاسماء مال الكليات عالاستماره وحسيت بعمار يصفن عليه طبعا اني اشوف ولد خالي اخواني واصدقائي وحتى همه نفس الشي محسيت يوم نظره لو حركه شي لان تقريبا رابين سوه بس ليش هيج عمار يباوع بهيج نظرات المهم غلست
كملنا
عمار.. بنت عمتي كبرت وصارت بالجامعه ابتسمت وهوه هم ابتسم
كملنا ورحنا للبيت واتواصل ويه صديقاتي حسيت بشعور الفرح واني بعد تعب الدراسه نجحت وبقيت انتظر القبولات تطلع
عمار كل فتره يتصل يسلم يسال وحسيت مهتم اني هم شعندي قابل ابن خالي مو غريب
عمار... حسيت بشي يجذبني ب رانيه
عبالك ذاك اليوم واني اساعدهه بالانسيابيه اتحركت شويه مشاعري لفتت انتباهي جمالهه وبرائتهه الي تدخل الكلب عفويتهه شلون تسولف عبالك طفله بقيت اصفن عليهه حسيت بيهه ناضجه كبرانه وعقلهه جبير واعيه وخجوله كمت اباوع ع وجهه وهيه متعجبه شلون اصفن عليهه انتبهت لروحي وكملنه بقيت كل فتره اخابرلهه ومرات ادزلهه مسجات اندردش
طلعت القبولات
خابرتني عمار فدوه طلعت القبولات البنات كالولي شلون شسوي
عمار.. ضحكت ولج شبيج تره انتي مو بمحكمه وتخافين من الحكم
رانيه. . ضحكت ي هم صدك
عمار.. باجر انروح الصبح لمكان التسجيل وانشوف جهزي نفسج ب8 نروح حتى الحك لان اخذ اجازه زمنيه
صار الصبح
لبست وتبت نفسي خليت شويه كحل ومسكاره لان ميلوكلي المكياج 😂 فديتني محححح اصلا بدون مكياج حلوه شكوو الطش واصبغ جذب اصلا مااعرف اخلي 😢
دك التليفون
عمار .. صباح الورد جاهزه
صباح النور ي كملت طالعه
اخذت فلوس من امي وطلعت منطلقه اضحك فرحانه
عمار .. يمه جنه الشمس الساعه ب6 الصبح
صباحوو عموري متريك ي وانتي اني اكلت شويه من الفرحه مااشتهي
عمار .. باوعت خبله ياربي مو البارحه خايفه وتبجين
رانيه .. والله مااعرف ليش خفت
عمار .. هسه لو اكو كليه ابالج جان كلت خاف تطلع غيرهه
نضحك ونمشي لحد موكفنه تكسي
وصلنا لمكان التسجيل جان هوووسه كلش وحاره وهيه خدودهه صارن طماطه وشفتهه تعبت ومنتظرين
وجان يطلع قبولهه قانون واسط
كلش ضجت وهيه ضاجت وانقهرت
رانيه.. عمار شنو هاي ليش هيج شامريني حتى واسط ممخلين بالبدايه
عمار..ميخالف رنوو لتضوجين نكدر نحول
رجعنا واني مقهوره ومااتغديت ولا كعدت يم اهلي
خابرني عمار رانيه عيوني لتضوجين هسه نكدر انحول من قانون جامعة وسط لجامعة بغداد لو مستنصريه بس كليه كون اقل من القانون وحتى اذا مرهمت انقدم مباشر فنون جميله لو تربيه رياضيه لو مسائي لو اهليه بس لتكطعين الامل
اوك عمار الله كريم سديت التليفون ونمت
عمار.. كلش انقهرت عليهه وحسيت مالهه واهس بعد اشتغلت ع شغلة التحويل ونقلنا من واسط لبغداد تربيه تاريخ
فرحت رانيه
رانيه.. فرحت وجنت مامهتمه للقسم عادي هم احب التاريخ وشويه احس احسن من غير قسم
خابروني صديقاتي والدوام جان قريب
جهزت للدوام اشتريت ملابس قبل يوم من الدوام ردت واحد من اهلي يروح ويايه كالعاده محد متفرغلي وبابا مريض مو مال ياخذني وامي هم خطيه مفاصلهه ماعندي غير عمار امري لله ولو ابتله الولد بيه
خابرته
رانيه . هلو عمار
هلا رانيه شلونج مشتاقلج
رانيه الحمد لله مستحيه منك لان انت ابتليت بيه 😔
عمار .. شنو هالحجي خبله كولي
رانيه ..مممم باجر اول يوم اروح ومااعرف ولا اندل وحدي تكدر توصلني
عمار... طبعا وتدللين جهزي نغسج الصبح اجي وياج اوك
باي.. باااي
عمار..طبعا بداخلي فرحت لان حسيت حبيتهه ردت اي شي ايقربني منهه
رانيه .. ارتاحيت وحسيت عمار قريب مني صار الليل ودك عمار يسالني اذا انروح وبقينه انسولف تقريبا ساعه ونمت
صار الصبح جهزت نفسي لبست زي تنوره شويه قصيره رصاصي وقميص ابيض ورتبت شعري
كملت طلعت انتظر اجه عمار
طلعنا وصلنه الكليه
جبيره وحلوه وارتاحت نفسيتي صح جان تعب بس اتونست اول يوم وطلاب وطالبات خبصه وهوسه
عمار ويايه ماتركني ويعلمني ويدليني كلش فرحانه
عمار.. حسيت بيهه فرحانه ومتونسه بس ضجت من ملابسهه تنوره قصيره شويه رجليهه طالعه وشعرهه يتطاير وهيه حليوه وشكره وهيه بدون كلشي تجذب النظر متحملت كلتلهه رانيه اني اخاف عليج لبسج ضوجني
رانيه .. عزه شلابسه😨 اباوع ع نفسي تره قميص وتنوره ماكو شي نشاز
عمار.. اكو رنووو لتضوجين من خوفي عليج والشباب دتشوفين عيونهم
رانيه.. كلش نرفزني عمار لان مشفت شي هدومي عاديات بس مبينت كلتله ميخالف
عمار فدوه للبنيات يمه تسمع الكلام بسرعه بدون متعاند كلش احب طبعج تدرين
رجعت هلكانه من التعب
اكلت ونمت
دبرت خط الحمد لله اروح مرتاحه اتعرفت ع صديقات واصدقاء
عمار.. جنت اتمنى تطلب مني شي لو تحتاجني بشغله
كمت ليل ونهار افكر بيهه فكرت صار لازم احجي وياهه ليش باجر يجي واحد غيري غير اموت😡
رانيه دك تليفوني عمار يخابر
هلا عمارشلونك اخبارك
عمار.. هلا رنوونتي عمري شلونج
رانيه .. سمعت عمري😳 وغلست
الحمد لله
عمار.. اريد اشوفج واحجي وياج بموضوع
رانيه .. كلبي حس ممم اوك باجر تجي للكليه
عمار.. ي ان شاء الله من اوصل اخابرج بقينا نحجي ساعه ونص ونسولف ونضحك حسيت كلبي ايريد يطلع من الفرحه كلش حبيتهه دخلت كلبي متروح من بالي
اجه عمار التقيت بي بالكافتريا
كال اني مااعرف شكول المهم رح احجي كبل وانتي طولي بالج عليه
رانيه.. اكيد احجي وياك اني
عمار.. رانيه اني كلش اتعلقت بيج وكمت احس يومي ميكمل اذا مو وياج
رانيه .. اني خجلت بس هم حسيت بشي اتجاه عمار لان مهتم بيه وخايف عليه وقريب مني
كلتله يعني شنو كال يعني فكري واريد جوابج
