وهم الحبيب ( القصه كامله )

البارت الاول

مساء الخير حبايب كلبي
شلونكم شخباركم

#🌹الكاتبه آمل الروح #🌹

اليوم راح اطرحلكم قصه حقيقيه عراقية تتحدث
عن رحمه ولمصاعب لي مرت بيه حبت رحمه تطرح
قصته حته تسمع منكم نصائح  تفيده بحياته
وشلون تتكيف مع لوضع لي هي بيه فه شاركونه
آرائكم بل لقصه وراح نعرف من خلال لبارتات
شنولي صار برحمه  وين  وصلت  وشنو كان مدى
تاثير لاوهام على حياته   وطبعا كل لاحداث حقيقية بس لأسماء من لخيال حفاظا على خصوصية لأشخاص وطلبن من قبل رحمه  اتمنالكم
قراته ممتعه وهسه صاردور رحمه تعرف نفسه

بهاي لقصه تحتاج رحمه امل الحب حته تستمر حياته

.........................

رحمة : هلو أني اسمي رحمة ماجد عمري 21
سنه بشرتي حنطاويه لون عيوني اسود
تركت لمدرسه من الثالث متوسط عائلتي تتكون من بابا اسمه ماجد وماما أميره و خمس اخوه
واخت وحده اسمه هدى ساكنه بل ناصريه
تبدا قصتي من لطفوله واصلا ما اعرف منين
ابدي خلي احجي شويه عن امي لي جانت
اكثر الاحيان احس انه تفرق بيني وبين اختي هدى
ومن أسئلة تظل تضحك عليه بس صدكوني أني
احس بهذا لشي وجاي اشوف مواقف
ادل على هذا لشي دائما تهتم بيه وبطلاباته
وأني ولا كنو موجوده وكانت تنحاز اله اغلب الاحيان
واني دائما تعاركني على ابسط لاشياء
بينما هي مهما تسوي ما تحاجيه ومن
أسئلة ماما ليش جاي تسوين بيه هيج
وطبعا دائما كان رده واني شمسويتلج
انتي جاي تحسين بهذا لشي لوحدج أني لأ
افرق ولا شي وكافي بعد بطلي هذا كلامج
ولا تعيدينه هو هذا لشي لي كنت اسمعه من ماما
وحته كانت تمنعني أنو أطلع وي صديقاتي
العب كل ما اكله اريد اطلع بره العب ما تقبل
وتعاركني وابقه ابجي بل بيت لوحدي
امل ليش أني لوحيده لي ما اطلع العب مع صديقاتي
حيل تعبت من هذا لوضع بس ما كان بيدي شي
ومن جنت ابقه بل بيت هدى ما تخليني العب
وياه واذا اريد العب وياه تضربني وتسحلني
من شعري واضل ابجي واروح حته أكل لماما عليه

ماما تعالي لهدى أريد العب وياه وما تخليني العب وياه
وظربتني راشدي وسحلتني من شعري حيل

أميره : أنتي وكحه وما تكعدين وما تحترمين
وعادي واذا هي اختج لكبيرة واذا ضربتج

رحمة : بس ماما والله ما سويت شي غلط بس
اريد العب وياه لأن انتي ما تقبلين اطلع العب وي
صديقاتي 😭😭😭😭😢😢😢 طبعا كان دائما
هيج تكلي أنو أني السبب بل مشكله مرات يجيني
شعور انو إني مو بته ظل أكره وكرهت حته اختي
من وره هذا لشي لي جاي يصير
ومرت الأيام وهم نفس الشي أبد ما تغير لوضع
كانت هدى اكبر مني بسنتين أني صرت بل
مدرسة بل لأول ابتدائي وي صديقاتي
لمفضلات لي رافقني مسيرت حياتي
لي هنه مريم ونور وطبعا هنه جيرانه
ونور هي بت عمي وصديقتي  كان بيتهم
قريب علينه بنفس لمنطقة ساكنين و مرت الايام
كانت لمعلمه لي درسنه حبابه حيل وتحبني
وحته جانت هي أغلب الأحيان تشترينه
أني وصديقاتي حيل حبيته وتعلقت بيه
جانت تعامني كنو بته لكيت بيه لحنان لي
محتاجته من زمان لي ما لكيته من اقرب لناس
الي لي هي امي لي دمرت حياتي ومرت الأيام
وامي نفس الشي تشتري ملابس كل سنه لهدى
وملاعيب بس طبعا أني لا بس خطيه بابا ما كان ناسيني ابد كان دائما هو لي يشتريلي ملابس
وملاعيب طبعا بابا موظف وماما ربت بيت
ومرت السنين وأني نفس لمعانات وي امي ما
تغير شي وكنت انجح كل سنه بس أبد ولا مره
فرحت بنجاحي ولا جابتلي هديه بس هدى لا
كله اله حيل كانت تفرح اله وكل سنة تنجح
تجيبله هديه وكل ما اسئله
ليش ماما بس لهدى تجيبين وأني لا
ونفس لجواب لأن ختج لكبيرة
هسه أني وصلت للاول متوسط وهنا راح تبدي
قصتي ومعاناتي من جديد
داومت وكان عدنه استاذ اسمه احمد حباب
حيل وشكله حلو وأني بمرحله لمراهقه
ضليت ما اعرف شيصير بيه من اشوفه
يضل كلبي يدك حيل وافرح  احته من اسمع
صوته من بعيد 💕💕💕😍😍😍😍💑💑💑💓💓💓💓💓💓
وكنت اسولف كلشي لصديقاتي مريم ونور
هدى صارت بل ثالث متوسط وامي وين
ما تطلع تاخذه وياه ومن غير لملابس
لي تشتريه والمكياج لي تخليه من تروح
للمدرسه واذا تصير عدنه مناسبه
بينما إني كل هذا لشي ممنوع عليه
اي ما يصير ومرت الأيام وأني يزيد تعلقي
بستاذ احمد وصارت كل سالفتي بيه
انام اكعد ما على لساني غير اسمه ما كنت
اعرف أنو راح تدمر حياتي من وره هذا لشي
شيعرفني أني بعدني مراهقة ومحد تنصحني
أنو هذا لشي خطا او صح
فه يوم بعد يوم يزيد تعلقي بي وحبي اي
حبيته حيل  وكنت من تصير عدنه عطله
اظوج حيل حته لو يوم واحد هم ما عولي
يخلص هذا اليوم وارجع للدوام واشوفه
من وره هذا لشي هملت حته دراستي
وكعت بكم ماده وهنا صارت أمي كلش
ليسمعه يكول مكابلتني وكاعده ظلت تصيح
عليه وتضربني وتكلي أنو نور ومريم احسن منج
انتي ضلين دوم هيج ما بيج أي فائده
وهي اصلا عمره ما تسلني شلون هم محتاجه
شي ابد كنت حيل اغار مرات من اشوف
مريم ونور شلون امهاتهن مهتمات بيهن
ودائما اسئل نفسي ليش أني أمي مو هيج
محد كان يهتم بيه غير بابا خو خواني
سالفتهم سالفه كل وأحد يكول يا روحي
كنت كلشي ما احصل منهم بس شيء وأحد
لضرب على ابسط لاشياء يضربوني

وطبعا كل ما اكبر تكبر وياي معاناتي بعائلتي
من وصلت لاول ضلت امي تكعدني من
النوم من لصبح حته اشتغل وانضف
واطبخ اكدر اسوي ريوك لخواني و بابا حته
يطلعون للشغل اكمل لريوك اغسل لماعين وبعدين
انضف لمطبخ و أسوي غده بحيث يخلص
اليوم وأني ميته من لتعب حته مرات ما الحك
اقره ادروسي بس درس استاذ احمد كنت
احضره كان يجينه بل لإحياء هو حيل احب
درسه وحيل شاطره عده كنت اعوف
تحاظيري كله بس ماده لإحياء اقراه
وهو دائما كان يشجعني لأن شاطره عده
ما يعرف بيه باقي لمواد مصخمه 😁😁😁😀
وطبعا كان هذا روتيني كل يوم من اكمل
شغل اركض لمادة لأحياء. لان من اقراه
افرح حيل وانسه كل تعبي واني اقره اتخيل
حبيبي احمد شلون كأن يشرح لماده وأني مستمتعه
بهذا لشي .....😍😍😍😍😍😘😘😘😍😍
آه احبه

هذا لبارت فقط بدايه تعريفية برحمه وبعض لمواقف
لي مرت بيه

يتبع

#🌹الكاتبه آمل الروح #🌹

اتمنه شاركوني آرائكم بل لقصه قصه حقيقيه
جديدة 💕💕💕💕💕💕💕💕💕💕💕💕💕💕💕💕💕💕💕💕💕💕💕💕💕