وهم الحبيب ( القصه كامله )

البارت الثاني

مساء الخير حبايب كلبي

الحلوين ........

#🌹الكاتبه آمل الروح 🌹#

الحب في بعض الاحيان  يكون
دمار لصاحبه لإن يقوده الى لهلاك
وفعل اشياء كثيرة خطا وخصوصا اذا كان
حب لمراهقه واذا كان لشخص لا يوجد
احد يرشده الى الطريق لصحيح
وأحيانا يودي الى أن نفقد حياتنا ونفقد لامل
بكل شي يا ترى
ماذا يحدث إذا كان هذا الحب من طرف واحد
هل ينجح هذا الحب ام يفشل هل يستمر
ام يكون واهم وخيال نعيش فيه
وهل من المعقول أن يمتد هذا الحب
معنا طوال الحياة ...
واذا كان هي مشاعر عابره لماذا لا تترك افكارنا
وخيالنا .....

رحمة : مرت الايام وأني يزيد تعلقي بي ما اعرف شنو
لسبب معقوله لأن أني فاقده لحنان وجاي
ابحث
عنه بكل شي يمر كدام وجهي وبكل شخص
احس منه تعامل حلو وياي

بنات أني أحب استاذ احمد حيل
و ما اعرف شسوي حته يعرف بيه إني
احبه

نور  : حبيبتي رحمه أنتي جاي تخطيا بهذا لشي
شنو هذا لي جاي تسوينه كافي بطلي هذا
الحجي أذا أحد سمع هذا كلامج من اهلج
حياتج تنتهي واحنه بعدنه صغار مو مال
حب وهاي لخرابيط ....مريم ما تكولين شي

مريم : أي صح كلامج نور رحمه أنتي لازم
تنسين هذا لموضوع ولا تفكرين بعد بيه
وخلي نترك هاي لسوالف لمن نكمل دراسه وبعدين
يله نفكر بيه وبعدين واذا حبيته شنو يعني
تره ما يصير شي بس إنتي راح تتاذين
من هذا لموضوع محد غيرج

رحمة : مرت الايام وأني ابد ما افكر بي شي
بس باستاذ احمد وما همني كلام نور ومريم
ومره صارت عطله يومين أني حسيت راح
اموت لان ما اشوف استاذ احمد حيل تعبت
من خلصت ولا كنو يومين مرن عليه تكول
سنتين ما عولي يخلصن حته ارجع للدوام
بس من خلصن أمي ما قبلت اداوم وغيبتني
من لدوام لان جايين اخوالي انه على لغده
أني حيل نقهرت وضليت ابجي وامي ضلت
تصيح عليه حته اساعده بل مطبخ كملت
شغل وي أمي بل مطبخ حظرنه لأكل كله
ورحت انظف لبيت وارتبه وأني كل فكري
يمته يخلص هذا اليوم حته يجي باجر
واشوف استاذ احمد ياريت هو يحس بيه
ولو شويه  ....... وخلصت لسنه الدراسه
والحمد لله نجحت من لاول ورحت للثاني
بس شلون مرت عليه لعطله صارت جحيم
عليه حيل تعبت نفسيتي ضليت حته اكل
ما اكل بس الحمد لله اكو شيء تغير وهو
امي شويه حسيت بيه خايفه عليه ما اعرف شسوي
وشنو لي جاي يصير وياي ما أدري ليش
هيج وقررت انو لازم اشل استاذ احمد من
بالي لان حيل تعبت وما كو نتيجه من وره هذا لحب
بس لتعب ولقهر .....

بس من بده لدوام رجعت لنفس وضعي
قبل ما اعرف ليش من اشوفه يصير بيه
هيج حيل تعبت ومليت من هذا لوضع
اختي هدى صارت بل رابع اعدادي بس أبد
ما احجي وياه بهذا لشي لاهي ولا أمي
بس اسولف لنور ومريم وهنه دائما ينصحني
بان اترك هذا لموضوع بس أني ولا كنو واحد
يحجي وياي بس شنو صار بيه ضليت حته
بل لاحلام اشوفه وين ما اروح اشوفه كدامي
  ومرت هاي السنه على خير ......
وكانت هاي اول مرة افرح بعد كل هاي لفترة طويلة
من نجت من لثاني للثالث أمي جابتلي هديه وهاي
كانت أول هديه منه كانت ساعة لهذا لوقت
اني محتفظه بيه لونه اسود كلش حلوة
......