اني علي عمري 30 سنه ضابط برتبة رائد من محافظه البصرة جنوب العراق أبويه عميد بالجيش بس متقاعد اني عندي أخوه ثنين الجبير احمد مهندس مزوج وعنده ولد وبنيه بالابتدائيه هو لازم كل أعمال العائله الحمد لله احنه وضعنه فوق الممتاز وعندي اخوي الزغير محمد هذا يدرس طب بألمانيا يجي شهر بالسنة ويرجع اني طولي 185 وجسمي عضلات ومرتب عيوني خضر وبشرتي موكلش بيضه حنطي وشعري اسود اني واخواني نحترم امي وابويه بشكل موطبيعي بحيث إذا كالو لوحدنه موت يموت أني أحب نرجس بت عمي من حنه ازغار وإني أحبه احسه هيه الهوى الي اتنفسه صح أهلي ميحبوهه بس ماجنت متوقع انو أبويه مستعد يتبره مني اذا أخذته بوكته جنت بالدوام وجانت أحداث الموصل وداعش بقمه رعبه والموت يأخذ الناس بالجملة جنت من احجي ويه نرجس تكضيه بجي وتخاف عليه بيوم توني خلصت واجبي أريد انام ساعه جان ينفجر صهريج مال بانزين بسبب صاروخ من الدواعش الكل كال الرائد علي مات لأن جان كلش قريب عليه بس الله كاتبلي شي ثاني وياريته أخذ عمري ضليت شهر بالمستشفى وأكل لأمي وابويه اني بالدوام وحتى نرجس متدري لأن اذا عرفو امي تروح بيه لأن هيه تحبني بشكل مو طبيعي اتكلي يمه ريحتك تسوه الدنيا المهم نقلوني لمستشفى بغداد وبقيت شهر طبعا الدكتوره المسوؤله عليه بكل حياتي ماشفت بشر بحقارته مو بنيه لا كتله حقد وكره كرهتني بكل شي بالحياة بهل شهر اني أحس روحي شايفه مدري وين والمصيبة تشبه حسناء مرت أحمد اخويه بس هاي احلا طبعا حسناء شايله لطافه وأخلاق واحنيه اتعتدل حقارته وشر وسم هاي الدكتوره بيوم جنت تعبان كلش وأريد اطلع من الغرفه أتنفس هو توني أريد اكوم جان طب وكل عاده كلامه يخبلني بس هل مره صار بيه حيل اكوم قررت اليوم اسحله سحل وخلي أفصله عشائريا وقانونيا المهم افوخ نار كلبي بيه طبت جان تكول
-خير سلامات وين رايح
-دكتوراه صارلي سبوعين متحملج بس والخلق الخلق اذا متروحين من يمي لاسحلج بكل شبر بالمستشفى
-هههههههههه ليش انته بيك حيل شيل ايدك حتى تسحل
-شوفي ترى اني ساكتلج لأن مره واله والله ثم والله جان شوفتج شسوي
-بله هل كلام الفارغ ...إذا تريد تتحرك كلي لأن أي حركه عشوائية تخسرك هواي ....وخليه بالك انته معجزة عايش هاي أولا وثانيا خطر وضعك بمعنى الكلمه خطر
-شلون يعني خطر
-شوف حضرت الرائد عمودك الفقري متاذي لذالك اذا نيتك تنشل أو تفقد رجولتك سوي الي تريده أما إذا لا تسوي الي اني أريده
- لهل درجه خطر وضعي
-اكيد لا جنت اشاقه وياك هههههههه
اجتي هاي المسمومه وخلتني اموت بدمي شنو انشل شنو أفقد رجولتي حرت شكول شحجي حتى حسيت روحي دخت انوب طلعت ااحقيره تشاقه كالته وضحكت وطلعت ياربي صبرني الصبر يارب وره كم يوم كلت لصديقي يشوف ادراه المستشفى لازم اطلع طلعت روحي كايله اله أسبوع ثاني حتى يتاكدون باليل حسيت روحي بردان وبنفس الوقت عركان صحت للممرضه اجتي تركض هيه وممرض جان يكله
-منو من الأطباء اليوم خفر
-الدكتور حيدر
-هذا لويموت ميعوف نومته ويجي يشوف المريض
أنت تقرأ
وفه وماقصر بعشكي
Romanceتدور الأحداث حول ضابط عصبي شرس كان يعشق إحداهن حد الجنون لكن في ليليه وضحاها يصبح زوج لأخرى جبل الجليد كما كان يسميها جبل الجليد التي تشعل النيران داخله وتتركه
