وفه وماقصر بعشكي

هذا لست انا انا لا أتصرف هكذا

طلعت من المطعم  وراه بسرعه  فتح باب السياره وصعد صعدت وياه  كال
-انزلي اذا بقيتي راح اذذيج
-سوي الي اتريده  مانزل 

بعدني ماكملت كلامي طلع يسوق بسرعه مثل الوحش الشارع مليان سيارت وهو يتخيل نفسه وحده بالشارع  يمكن بيومه شفته على حقيقته وحش بحق وحقيق  جان يثور ثور يضرب السترين كل قوته  يسب ويغلط  على روحه وشلون عاف نرجس تروح منه وتاليته ويه هاي  من جان يحجي ولا عبالك اني كاعده  وكأني ماكو  بس نرجس منو شويه وعرفت هاي الي يكول عنه روحه  يريد يقتل روحه لأن عافه  وخلاها   تنمد الادين عليها  وازوج وحده  مثلي  (اني وحده بله تربيه بلا أخلاق  صاحبه ملاهي  يمكن حتى فاتحه بيت دعارة  هيج اني اشوف روحي وياه  )  اول مره اعرف اني أكبر غلطة بحياته كل ضني جان مبتعد عني بسبب اعتقاده أن اني وأخوه محمد بينه شي بس اليوم عرفت شي ثاني  هو اصلا مجان رايدني  يعني اني الدكتوره زهراء  بكل هيبتي وفخامتي  مفروضة عليه وجايني مجبور  خليته يمكل كلامه  بحريته بعد مراد يسوي حادث أكثر من ميت مره

وصلنه لشقه فتحه ودخل وهو يمكن حتى النفس كام  يأخذه بالف يا الله   دخل كال

-راح اغير ملابسي واجي اوديج لبيت أهلج وكولشي يخلص بينه واطلكج احنه اصلا بس عقد سيد لا محكمه ولا شي

بعد الموقف الي صار مستحيل ابقيه على ذمتي اني وهيبتي ومكانتي مرتي تشتكي عليه  وتريد تسجني جنت قافل عليه مستحيل ابقيه يمي دقيقه جنت احاول بكل الطرق  ماحتك بيه لأن واكف على شعرايه وياها واقتله خلاص  بس من بدلت ملابسي وطلعت ماشفته جان حذاءه وسترته مشمورات بالصاله اتجه للمطبخ لكيته مخليه رأسه جوه الحنفية مال المي كتله شدسوين

من كلي اطلكج وإنهي كولشي حسيت كلبي نقبض اني وافقت عليه علمود أهلي امي ابوويه تاليته شهر واطلك غير أبويه ينجلط ضليت حايره شسوي لاكدر أعيش ويه هيج بشر ولاكدر أتركه خاصه بعد الكلام الي كاله مزوجني جبر اني اعلمج حسناء تدرين بيه ميريدني ليش خليتني أقبل ليش غشيتيني وانتي اختي  ضليت الوب الف فكره براسي وماعرف شلون اتخذت هل قرار من سألني شدسوين اندرت عليه وكتله

-احنه مطلكين بكل الأحوال بس اكيد مو هسه اني وافقت عليك بس لخاطر سمعتي فشراح تحجي الناس شهر وطلكت
-والله يطبج مرض اني مستحيل ابقه عايش ويه وحده مثلج
-اوكي لتعيش ويايه بس هم لطلكني منا لفترة

الصراحه جنت قافل عليه ومستحيل ابقيه ويايه بس أهلي وأهله اكيد راح ينضرون من هذا القرار وخاصة والدي سوه المستحيل علمود هذا الزواج لذالك كتله ماشي بس بشروطي
-قابله
-أولا اسمعيهن
-كتلك قابله 
-ماشي لعد تلبسين حجاب ولبس مستور ودوام بعد ماكو طلعه وطبه ماكو حتى إذا تردين تموتين لازم اعرف قبل متموتين  وتعيشين بالبصره مو هنانه
-كتلك قابله