وفه وماقصر بعشكي

لم أعتقد اني في يوم سالين

كعدت الصبح لكيت نفسي نايمه بالمنشفه وراسي موتني من الألم حيل ديئذيني بالكوه كمت لبست اي شي اشوفه كدامي واتصلت بعلي لأن ماكدر اطلع حيل تعبانه وماشفته بالغرفة

-الو .....
-زهراء
-انته وين
-بالمطبخ
-تعال بسرعه بس لتحسس أحد

جنت كاعد بالمطبخ أريد افتهم من حسناء ليش زهراء تكرهني وجانت تحجيلي

-أم فهد اني آسف البارحه عليت صوتي عليج وتصرفت غلط بس اعذريني والله جنت عبالي محمد وزهراء يجمعهم ماضي وخاصه انو زهراء ماصححت الموقف وبقت ساكته
-علي اني لو ماعرف انته شنو مستحيل أقبل انو تكون زوج لاختي صح انته مثلا اخويه واحترمك بس مصلحة اختي فوق كل شي لذالك خلي بالك لو ادري بيك كده مجان حاولت بكل الطرق تكون وياك
-أني اشكرج حسناء انتي مانطيتي بيه كدام امي وابويه وجنتي تدرين اني مقصر ودائماً دافعيلي
-لأن اعتبرك أخ صدكني
-زين أم فهد بداعه فهد وايه أريدج جاوبيني بكل صراحة وضوح
-خير علي شكو
-زهراء شوكت حبتني وليش حبتني اني ماذكره اصلا بعدين اذا جانت تحبني ليش كرهتني
-راح احجيلك بس بداعه امك وابوك ماريد تعرف زهراء اني الي حجيتلك حتى لو درت انته تعرف ماضية لتكوله حسناء كالت
-أخذيه كلمه زلم ماحجي اله كولي
-أني من جنت اني وأحمد بالجامعه مره انته اجيت ويه وأحمد للجامعة
-أي أذكر
-هاي اول مره تشوفك بيه زهراء لأن جانت ويايه جايه علمود التسجيل ومنا بدت قصة حبه الك
-بس أني ماذكر عرفتيني على اختج
-هههههه تذكر البنيه الي جانت تبجي بالحديقه وانته كتله (خير شبيج تبجين أحد مضوجج أحد مسمعج احجايه. ...كولي ليش ساكته ترى حرام هاي العيون تبجي )

من كالت حسناء هيج اذكرت ذيج العيون الي مستحيل أنساها وإني اكول ليش هيج اصفن بعيون زهراء كتله
-أي ذكرته جانت زهراء نفسه موو
-آي هيه جانت تبجي لأن جانت تريد طب بشري وانقبلت صيدلة وجانت تبجي متريد تدرسه
-أي وبعدين
-وراها سافرت لألمانيا حتى تدرس الطب البشري وجنت كل ماحجي وياها تسألني عنك ههههه حتى قبل مننخطب اني وأحمد جانت تكولي حماج أبو عيون حلوه شلونه
-ههه وبعدين
-بعدين صارت الخطبة بوكته انته اجيت لبيتنه وهم شافتك زهراء جانت راجعة من الصالون ومن نازله من سيارته حتى تفوت اكو واحد مسمعه حجي ومتحرش بيه وانته ضاربه ومرزله
-دقيقه اني أذكر هذا الموقف البنيه جانت لابسه صايه خليجه وحجاب وزهراء سافره
-هية نفسه زهراء جانت لابسه هيج لأن راجعة من صالون ...وضلت طول الليل تحجي شكد حمايه أبو عيون حلوه شهم وصاحب أخلاق ومن هل سوالف جنت متوكع من حلكه 24 ساعه تمدح بيك بوكته عرفت زهراء معجبه بيك ....والخطأ مني مجنت امنعه من هاي المشاعر لأن مجنت اعرف اكو أحد بحياتك وخلال فترة خطوبتنه جنت دائما احجيله عنك وشلون هيه صفاتك وطباعك طبعا اني مجنت اعرف علي الثاني اني اعرف علي الهادىء علي الرقيق الي يهمه كل شخص داير مدايره مو علي الي عرفته بعدين