وفه وماقصر بعشكي

2

اجه الوقت الي لازم تعرفوني بيه اني زهراء الدكتوره زهراء أي اني نفسي الي جنت اعالج علي اني عمري 27 سنه كملت طب بشري بألمانيا طولي 160 ورشيقه جسمي حلو عيوني عسليات كبار وشفايفي مليانه ورموشي حيل كثيفه وشعري اسود ليل واصل لركبتي اني عندي اختي الجبيره حسناء موزجه عن حب ازوجت بالبصره رغم جنه مقابلين مو لأن الولد أو أهله بيهم شي لا أبد والنعم منهم بس احنه عائله منفتحه والي عرفته من حسناء انو أحمد حيل يغار عليه وطبعا ميحب تطلع سافره وحجبه إجباري اني بالنسبه الي ماعندي مشكله بالحجاب بس مشكلتي ما أحب أحد يفرض عليه شي أو يجبرني جنت أبد ماروح لبيت عيال حسناء خاصه اني مصارلي هواي من رجعت للعراق اعرف عده حموين ثنين علي ومحمد محمد أعرفه انسان فوق الرائع مثقف واعي وكلش لطيف جان ويايه بألمانيا بنفس الجامعه مثل ما واحد يكول صح أخو خيته فمن كالتلي حسناء انو تريد تخطبني لحماها وافقت وكل ضني العريس محمد لأن اني اصلا مشفته ولا حجيت وياه والعقد أبويه صار وكيلي فماعرفت عرفت اسمه ومن متواصلت وياه جنت منطيته عذر هو دراسته صعبه وبوكته جانت متحانات الغاينل واصلا اني ادري حسناء تعرف شكد أكره علي حماها لأن بعرسهم هيه وأحمد جنت لابسه فستان بيه دلعه جبيره ورزلني رزاله بعمري مسامعته ونزع سترته وخلاها عليه وكلي بيت أبوج تصلخي مو يمي اني بوكته حيل كرهته اصلا بعده ماشفته وجانت حسناء تحجي وتكول شكد عصبي وشرس ومينحمل وفوك هذا كله ضابط يعني رقم واحد بالعلاقات والشرب والملاهي والخيانه عنده مثل شربه كلاص مي المهم اليوم عرسي جنت طالعه مثل الملاك هيج كلولي اجنن واخبل وهنايله الي أخذني كالو طب العريس من شفته هذا علي طبعا علي صح واحلا واحد بخوته وهيبه وشكله فخامة بس ياناس أكرهه من شفته كمت بسرعه وباوعت على حسناء هو كال انتي الضاهر مجان يعرف منو العروس

اني من شفته هاي الدكتوره زهراء يعني أبويه حرمني من كتله الحب والحنان حتى يزوجني كتله حقاره وسم انوب شوهاي مدري شبيه من شافتني أمه واخواته بس يريدن يسكتنه اني الكل ينتضر أجيب العروس لحظه قررت اعوفه واطلع بس خطيه سمعه بنيه ولا مو اني الي أفشل أبويه بس جنت قريب منه وسمعت تكل لحسناء ولج محمد وين هذا شيسوي هنانه اني زوجي محمد ماهذا اني هنانه نصدمت ذكرت من محمد جان متواعد ويه حبيبته بالمول وإني شفت زهراء ومحمد ماقبل يحضر عرسي وسافر معقوله أخذت حبيبه اخويه منه اسمع حسناء تكله زهراء لتفضحينه العالم اتباوع فكري بابوج واخوج شويه ودخل اخوها سلم عليه واخذته وطلعنه بالسيارة اني جنت أسوق من صرنه وحدنه بالسيارة كتله

-اني مجنت اعرف انتي حبيبه محمد ومستحيل يصير شي بيني وبينج وإني اصلا مجبور عليج أحب وحده ومستحيل أفكر بغيرها واطمئني وره فتره اطلكج وارجعج لمحمد مو اني الي يخاذ حبيبه أخوه

هيه بقت ساكته ماحجت شي أخذته ورحنه للمطار ودعناهم وسافرنه

اني بعد ماعرفت منو العريس جنت ناويه اترك العرس واطلع والي يصير يصير بس حجي امي وحسناء وابوج واخوج وسمعتنه سكتني بس أني أريد أحرك البيت فوك روسهم من صعدنه بالسيارة الأفندي عباله اني أحب محمد وبينه علاقه ومن اجيت أوضحله السالفة كال اني أحب وحده لذالك ضليت ساكته تفقنه فتره ونطلك سافرنه لبنان هو بمكان وإني بالثاني مبين عليه صاحب سهر وليلي حمر يعني ضني بمكانه من رجعنه للعراق رحنه للبصره اول موصلنه ذبايح وعزايم وناس والبيت هوسه هو جنه مدرسه موبيت اني صعدت كبل انام مالي خلك المجاملة والاساله البايخه دخلت سبحت وبدلت لبست تراك نيلي وبيه دوائر حمر ونمت للعصر حسيت أحد يكعد بيه فتحت عيوني شفته علي كتله
-هاا (بنعس وصوت خدران )
-اكعدي انزلي جوه الكل يسأل عل عروس
-تعبانه ومالي خلك الدراما الي راح تصير
-اسمعيني مادامج على ذمتي حترميني
-ليش اني شمسويه
-لعد شيسمونه تصرفج العالم جايه شوفج وانتي ضاربه الكل بعرض الحايط ونايمه احتراما الي نزلي سلمي
-اوكي بس ابدل وأنزل
-زهراء البسي شي مستور وحجاب
-عفوا
- مادامج على ذمتي اتحجبي ومن نفترق سوي الي يعجبج وترى الحجاب مراح يأكل منج قطعه ولا ينقص طولج بالعكس يزيدج جمال

كاله وطلع اني صدك نفذت كلامه بله مجادله ومناقشة أولا مالي خلك تعبانه وبعدين قنعني بكلامه لبست فستان ابيض خليجي وحجاب ابيض وخليت مكياج خفيف لأن اصلا اني ماحب المكياج من نزلت هو صفن عليه سويت روحي مامهتمه لنضراته سلمت عل كل وعرفوني باقربائهم هو طلع مابقه وراها اجتي مره وبنيه سلمت عليه بس أحس بيه تريد تكتلني وتباوعلي بحقد هاي شبيه كبر حتى كبر

اني من رجعنه من السفر دخلت للاستقبال أسلم على عمامي وخوالي وأصدقائي والكرايب وراها تغديت وصعدت للغرفة لكيت هاي البلوه نايمه على بطنه وشامره كل ايد ورجل بصفحه ادري زغيرونه هيج نايمه الصراحه منضرهه يجذب النضر بس بسرعه ابتعدت هاي حلال اخوي موالي وراها بدلت وسبحت وكعدته اووووف شهل عذاب شلون ترد بنعاس جنت ناوي اعيط واصيح بس من صوته النعسان سكتت حجيت وياها ونزلت وجنت خايف لا متسوي الي كتله عليه بس من نزلت طالعه جنه ملاك ابيض ضليت صافن عليه بعدين انتبهت على روحي وصار محمد بين عيوني من ضوجتي عفتهم وطلعت ضليت افتر بسيارتي شهل البلاء ياربي أحب وحده غيره وأكرهه وفوك هذا كله هيه حبيبه اخوي ورغم كل هذا ماكدر اشيل عيني عنه رجعت الساعه ب 12:00 باليل جان الكل نايم صعدت وياريت ماصعدت لكيته لابسه شورت وتعلاكه زروره البيض كله طالعه وصدره شبه مغطه متربعه عل جربايه والابتوب بحضنه هاي شلون راح تخلص وياها من طبيت هيه مانتبهت من طبيت لذالك سديت الباب قوي جان تجفل كتله

-هنانه ماكدر انام بغير مكان لأن أهلي اهنانه ولازم انام وياج بنفس الغرفه
-ليش منو كلك نام بغير غرفه ترى ميهمني وين تنام
-اوكي بس سوال
-كول
-ترى لبسج اووفر يعني عيب
-محد يمنه بالغرفة هذا أولا وثانيا منين عيب منك هههههه ترى يكولون انته زوجي وبعدين ترى لا اني ولا انته نطيق وإني ماعرف انام ولابسه ملابس هوايه يعني اضوج من الملابس لا تفكر داسويلك اغراء آخر همي انته
-علساس كاتل روحي عليج
-عفيه عليك هو هذا المطلوب
-ممكن تحجين عدل لا ...
-عوف التهديد مالتك شابعه منه اكعد عندي موضوع مهم
-الي هو
-اني ماعيش اهنانه
-شنو
-ماعندي أي مشكله مع المكان أو أهله بس
-بس شنو
-دوامي يعني وضيفتي
-اهاا اوكي ... بأجر نروح لبغداد انته شوفي اهلج وإني ادور بيت
-ماحاجه عندي بيت قريب عل مستشفى
-اسمعي زين صح اني وانتي حبر على ورق بس من توصل لواجباتي اني كله اسويه ماني حي الله واحد وكعد بيت مرتي بأجر الكالج أحسن بيت وبافضل مكان
-اوكي