فِـــي لِــيـبــيــا

فِـــي لِــيـبــيــا (1)

( 2019 )

أحمد: صفاء صفاء

صفاء:نعم

أحمد : وين وصال

صفاء : قالت شوي ونوصل

أحمد : أها

بعد ٣٠دقيقة

أحمد :وينها طولت

صفاء :اي حق والله

أحمد :نتصل عليها من امبكري وماتبيش اترد واتصلت علي البيت وقالولي من صبح طالعة

صفاء :ترا انجرب عليها من جديد

صفاء وكانت تتصل بوصال طوط طوط طوط

صفاء :أحمد ايرن التلفون ومافيه حد ايرد

أحمد :انشاء الله حالها باهي ومش صاير معها شي
صفاء :اصبر خنزيد انرن عليها

أحمد : خفت عليها راهو

صفاء :طوط طوط أهو ردت

ألو ألو ألو وصال وصال ردي علي وصال

وصال: ص ص صف صفا بنموت

صفاء :شن اتقولي انتي انتي وين

وصال : دررت ح حادت

صفاء بخوف وغرقانة بالدموع :ان انتي وين

أحمد :خيرها وصال ياصفاء خيرها صفاء ردي علي

صفاء بخوف وتوتر وهي تبكي:اصبر خنفهم وصال انتي وين

وصال : في ....

سلام كيف الحال

أنا صفاء
وأنا وصال مواليد 2000 وهذي صفاء صاحبات من لما كنا نقروا أول انحبها اكتر من روحي الفرخة هذي حبها في قلبي أكثر من أي حد تاني
ياسرك ياوصال دوري توا
أنا صفاء زي ماقالت وصال وماقصرت 😂
اني وياها صاحبات من لما كنا اصغار انحبها وهي تعنيلي كل شي في حياتي رببي يحفظها ليا إنشاءالله نسيت 😂
انعرفكم عن نفسي
إسمي صفاء مواليد 2000ابنية احليوة وسمحة يعني طرف من لاخير ماتقولوا علي مغرورة ولاكن هضا مايقولوا فيه عني 😎شكلي بيضاء شعري أصفر وطويل اعيوني قهويات مش طويلة ولاني قصيرة 😁 يعني متوسطة 😂 شفايفي حمر يعني كأني امدايرة روج 😄 حياتي عبارة عن ضحك وفرح كل شي عندي ضحكة وكل شي عندي امشيت بالجو والبصارة و...هذا كله ياسرك دوري خلاص هيا
أنا وصال زي ماقلتلكم مواليد 2000 ابنية بسيطة حليوة أقصر من صفاء بشوية بس 😀 شكلي ، لوني قمحية شعري قهوي وطويل عيوني عسليات وعيلتي هما بابا وماما خوي الكبير وخوي الصغير يعني أني الوسطانية
بابا علي وماما نجاح وخوي الكبير مصطفى مواليد 90 شخصية وعقل كبير من لما كان صغير وهو احنين علي وخوي الصغير نجم الدين مواليد 2001 يعني هو أصغر مني بسنة شخصية احليوة ايتبع في الموضة طويل وشعر ايربي فيه وعيونة زي لون اعيوني بوي عند خو واحد بس وهو عمي فرج ومرت سامية ولد يونس مواليد 90 ولد وسام مواليد 95 وبنت نهى مواليد 2000 وابتسام مواليد 2003 وكوثر مواليد 2006 حناي ماتت الله يرحمها 😢 وجدي حي ربي يحفظ وطول في عمره
صفاء :كملتي ياوصال 😂
وصال : ايه 😒
صفاء : المهم وين وصلنا ماخلتنيش الحيوانة وصال انكمل 😂 عيلتي هما بابا علي ☺ وماما كريمة بابا عنده أخت وحدة يلي هي عمتي نجاة راجلها ميت وماتجوزت بعده وعمامي زوز عمي علاء مش متزوج مواليد 89 وعمي إسماعيل متزوج وعند ولد وحيد مواليد 92 وبنت مروة مواليد 2002 أما عنا احني 3 بنات و ولد مشاء الله ☺ أختي الكبيرة وفاء وأختي مجد مواليد 94 وبعدها ايجي خوي الصقع 😂 وليييييد 💃 مواليد 98 طرف من لاخير ماعندي كيف نوصف غزال واسم الله عليه ولاكن مش أحلى مني 😒 المهم شاب طويل وعيونة سود حواجبة هلبا وشعر قهوي داكن وكثيف وفيه غمازات وبعدين إتجيه وراه ملكة الجمال والأناقة أميرة البسمة والفرفشة أحلى بنت في الكون الغزالة جلالة الملكة صفاااااااااء 😂😂😂

غير ياسرك حي حي معقولة انسيتوني من الصبح نستنا غير من يذكرني 😏😔

وصال وصفاء : وفيه من ينسا أهم حد في حياته توا إنعرفوهم عنك

.... لا لا توا انعرف عن نفسي

أحمد مواليد 96 طويل شعري أسود أبيض المهم منحبش نتكلم عن نفسي هلبا
صفاء :إحم إحم ☺
وصال : خليه ايكمل 😂قالك بنعرف بروحي
صفاء :أسكت توا أني نتكلم 😜
إحميدة
أحمد :صفااء 😡
صفاء : خلاص والله خلاص 😂
وصال : إسكتي لاأنتي ولاهو أني بنتكلم 😀

إسم أحمد مواليد 96 شاب طويل أبيض نقش حلو وفيه فطزة في لحيته مش عادية عيونة ملونات لونهم ماتعرفش اتحدد شنو عايش مع أمه وخواته وخوه هو الأخ الكبير بوه متوفي وأمه عائشة خوه يلي بعده محمد مواليد 2001 أخته هناء وسناء وهما توأم مواليد 2003.

~~~~~~~~~~~~~~~~~ლ

يتبع ....