علي : السلام عليكم
المدير : وعليكم السلام أووو علي أمتى رجعت من مصر
علي : قبل أمس
المدير : الحمد لله ع السلامة
علي : الله ايسلمك
والله ياخوي جاي انحط اولادي عندكم ايكملوا قرايتهم بنتي في ثالثة اعدادي وولدي في ثانية اعدادي.
المدير : أها تفضل وهذيما كيف اصغاري وهما في الحفظ والصون
علي : شكرا وبارك الله فيك وسامحنا ياخوي
المدير : لالا عادي هذا واجبي
علي : رد بالك عليهم ؛ هي السلام عليكم
المدير : من غدوة إنتي وياه تلتزموا بزي المدرسة وأنت الحركات والسراويل هذيما ممنوع وشعرك نقص منا وأنتي سراويل الضيقة ممنوع وملابس المدرسة لازم تجو بيهم مفهوم الكلام
وصال ونجم : ايه حاضر ياأستاذ
المدير : أبلة حليمة تعالي أرفعيهم لفصولهم
~~~~~~~~~~~~~~~~~~~~~~~~~~~~
عند صفاء
أبلة : قو أاوت صفاء ( ماهوا أبلة انجليزي وعارفين عاد تفلفيسهن 😂)
صفاء : علاش يا أبلة
أبلة : لوحي يلي في فمك إنتي طالعة وبعدين غدوة انقولك اعلاش
صفاء : والله ياأبلة انسيتها
ابلة : انسيتي فطورك
صفاء : باهي
ولما فتحت الباب القيت قدامي بنت قمحية وعيونها عسليات ولكنها حلوة وشكلها جديدة
وصال : أول ماوصلت فم باب الفصل فتحت ابنية الباب وكانت حلوة
وصال : السلام عليكم
صفاء : وعليكم السلام ؛ وطلعت من غير مانزيد حرف
وصال : خشيت وهي طلعت
أبلة حليمة : هذي طالبة جديدة
الأبلة : امم باهي به
أبلة حليمة : أسفة علي الإزعاج
الأبلة : لالا عادي
~~~~~~~~~~~~~~~~~~~~~~~~~~~~
عند أحمد
سناء : أحمد أسرع ياأحمد أسرع
أحمد : تي باهي خيرك
سناء : متأخرين قرب الحصة التانية
هناء : عادي ولو خيرك توا إنتي وهكي أحسن تفكينا حتى من الحصة الأولى
سناء : قوليه لروحك هذا الكلام ماينطبق علي
أحمد : هيا وصلنا انزلوا
أنت تقرأ
فِـــي لِــيـبــيــا
Fiction généraleقصة ثلات أشخاص عانوا في ليبيا شافوا في حياتهم واجد شافوا الحزن والغدر والخيانة من أقرب الناس ليهم ولاكن مع كل هذا كان عندهم أمل وكانوا يحلموا بأحلام كبيرة ولاكن ياترى هل أحلام تقدر تحقق في ليبيا؟
