فِـــي لِــيـبــيــا

فِـــي لِــيـبــيــا ( 10 )

علي : أني طالع تبو شي

نجاح : سلامتك

علي : وصال نجم

وصال ونجم : انعم

علي : ردبالكم علي أمكم وماتنسوش أحلامكم

شفنا لبعض وقلنا : ماتوصيش حريص

طلع بابا وكانت فيه سيارة تلاحق فيه وبعد اشوي اطلقوا عليه الرصاص بابا فقد السيطرة على السيارة 😭 كان بابا في حالة مايعلم بيها إلاربي جاء يونس ولد عمي فرج ورفعنا للمستشفى شفت حالة بابا وقعدت انعيط كان يونس ايهدي فيا من اهني وأمي اتعزي من اهني نجم المسكين كان في حالة صدمة دمعة مانزلت منه وشوي طاح علي ماننسا هذا اليوم ماعشت قعدت انعيط ورفعوه دارولا تغدية ولاكن من صدمة ماطلعش أما عن بابا كان في العناية وبعد وقت طلع الدكتور قال حالته خطيرة ولازم اتسافروا يحتاج لعلاج والعلاج مش عندنا في ليبيا هذا ماتوقعته آخر شي منك ياليييا عمي فرج دار اتصالاته وفي الصبح رفعوه لمصر مر إسبوع عل صار لباب ولاكن ميزال في غيبوبة كنا في حالة إني وأمي ونجم مزرية يونس ماقصر معانا كان واقف معانا مر شهر واتنين وثلاثة وبابا قاعد في غيبوبة

ياليبيا علاش هكي بس........

متت من القهر متت كل يوم ألف موته الثانوية معاد نمشيلها لأني قررت مانقرأ حتى بابا اينوض أمانجم كمل قرايته أما اني كنت مسكرا راسي شي مانقرا كلمتني ماما ونجم حتى يونس كلمني حتى صفو حبيبتي كلمتني ولاكن سكرت راسي وماننسى وقفتها معاي وفي يوم جتني صفاء

صفاء : وصال شن حالك توا

وصال : مش باهي

صفاء : أذكري ربك يا وصال

وصال : نبيش انعيش اهنى ياصفاء

صفاء : الله غالب ؛ وصال نبي انقولك هالكلام وماتقاطعيني وصال إنتي أختي ومش بس صاحبتي نبي مصلحتك ونبيك تسمعيني إنتي اليوم اموقفة قرايتك ولاكن هل عمي علي ناض تصحصح بلعكس ياوصال حيزعل منك أكثر و وأكثر لأنك واقفة عن قرايتك تسحابيه بيرضى لما اينوض ويشوفك بهاذي الحالة وصال تعرفي عمي علي كان حلمه ايشوفك دكثورة ماعندك حق ياوصال ادمري حلم بوك بهادي السهولة المفروض ايكون عندك أمل ولو الشوي وصال اسمعي مني وانوضي توضي وصلي وأقري القرآن ادعي لربي يلي انسيتيه وصدقيني حترتاحي وصال قبل مانمشي وعارفة هذا مش في وقت وليد حبك من زمان وإلي اليوم ايحبك وهذي رسالة منا لازم تقريها ؛ باي

وصال : باي

كريمة : ألو مصطفي

مصطفى : شن تبي

كريمة : حبيت نطمن عليك ؛ كيف ماتعلم بوك في مصر وداير

قاطعها مصطفى

مصطفى : نعلم بكل شي ومعاد تتصلي بي اتوجعي راسي يلي فيا كافي

وسكر مصطفي التلفون ماجيت إلا على شهقات ماما عرفتها انها تبكي على مصطفي هديتها وخليتها ترقد ورجعت فكرت في كلام وصال اذكرت رسالة وليد وفتحتها كان كاتب