(2010 )
عند وصال
بابا : نجاح
ماما :نعم
بابا : هي وتو روحكم نمشوا انشوفو بوي وخوي قبل مانسافروا
ماما : خمس دقايق ان نلبس وصال ونجم ونطلعوا
بابا :نستنا فيك ؛ وين مصطفى
ماما : قالي بنشوف إصحابي وبدير دورة
بابا : إنشاء الله خير
ماما :وصال وصال تعالي جاي
وصال : ماما نعم
ماما :هي ألبسي بنمشوا البيت جدك
وصال : حق ماما
ماما : ايه حبيبتي
وصال : نجم هيا بنمشو
نجم : وين
وصال : لبيت جدي
نجم :الله
ولبسنا أنا ونجم ولبست ماما عبايتها وطلعنا إلقينا بابا يستنا فينا في سيارة ركبنا ومشينا لبيت جدي شوفنا جدي وإلقينا معاه عمي فرج وإصغارة كان الجو حلو هلبا إلعبنا لين قلنا بس
وبعدين روحنا وفي طريق
وصال : نبي إنشوف صفاء قبل مانسافر
بابا : توا يابنتي ماهوش وقت عارفتها إنتي ساعة كم
وصال :إيه توا بنمشي إنشاء الله ساعة واحد وتوا هي ساعة عشرة
بابا : لا
وصال : من غير مانشوف صفاء مش حنسافر
وبعد بكاء وعياط طويل في سيارة رضا السيد بابا ايسوقني لصفاء مسحت دموعي ورديت البسمة علي وجهي وصلنا لبيتهم وخبطت أمي
أم صفاء : هلا
ماما :أهلين حبيبتي سامحينا خيتي ولاكن كيف ماتعرفي غدوة مسافرين وصال قالت مانروح إلا لما انشوف صفاء
أم صفاء : لالا عادي تفضلي في أي وقت وبعدين وصال ابنية وحيدة وصفاء كيف اوخيتها
ماما : بارك الله فيك
وصال : عمتي وين صفاء
عمتي كريمة : صفاء تعالي وصال اهني
صفاء : وصااال 😍
وجتني صفاء طيارة 😂 شدتني من يدي وساقتني لدارها
وصال : صفاء خيرك قدام عينك مجروحة
صفاء : الحيوان محمد حدف فيا القلم 😑
وصال : ولد عمك إسماعيل
صفاء : اي وتعارك ماما ومرت عمي بعد ماما كلمت محمد مرت عمي زعلت ودارت فيلم هندي وبعدين تحول الكلام لعراك بالايدين وبابا وعمي جو وفكوهن ومرت عمي ماتحشمت من بابا وكانت ميزال تبي تضرب ماما وعمي ساكت وما كانش وماتكلم ومرت عمي قالت لماما أنا لانعرفك ولاتعرفيني اليا يوم الدين وصغاري وصغارك مايعرفوش بعضهم من اليوم.وكلا وكان عمي ساكت وماباش يتكلم حتى بعد مرت عمي نهت علاقتها معانا.
أنت تقرأ
فِـــي لِــيـبــيــا
Ficción Generalقصة ثلات أشخاص عانوا في ليبيا شافوا في حياتهم واجد شافوا الحزن والغدر والخيانة من أقرب الناس ليهم ولاكن مع كل هذا كان عندهم أمل وكانوا يحلموا بأحلام كبيرة ولاكن ياترى هل أحلام تقدر تحقق في ليبيا؟
