#قصة_وجع_قلب
#بقلم_أنسام_الربيعي
#البارت_الحادي_عشر
#الناشربارق _العراقي
عبالك دخلت صدمه ماعرف منو الي يحبني
منو الخدعني
منو خاني
صارت كول هاي الاسئله براسي
احس نفس ثكل وعيوني صار بيهن ثكلن
باوعتله ودرت وجهي ومشيت
عفت كولشي وره ظهري
دخلت للبيت وروحي مخنوكه
شلون راح اباوع بعين فرح
وصديقت عمري اخذت زوجه وابو ابنه
شفته تعزل بالبيت وشكله تعبان
دموعي مكدرت اسيطر عليهن نزلن
شافتني اجتي تركض حظنتي
شبيج شمس صاير وياج شي
حضنته ومحجيت ولاكلمه عفته وصعدت
فوك ذبيت جنطتي على جربايه
وسديت الباب وبجيت
احس عاصفه وظربتني
صديقتي الي جنت اسوالفه صغيره وجبيره
تطلع هيج لا ماصدك
الي قهرني فرح ماله ذنب
وخلت كرم يكره بسبب تلفون تافه
وكل هذا يطلع من مريم
وتهددني
اندكت الباب كمت مسحت ادموعي واخذت نفس
فتحت الباب
علا...
شنو شسوين صارلج ساعه
شمس...
هلا يمته اجيتو
علا...
هسه ...شبيج باجيه
شمس...
لا بس حركني عيوني من الشمس
نازله اني تريدين شي
علا..
لا روحي وسدي الباب وراج
نزلت سلمت على امي وبابا
سحبتني فرح على صفحه
احجيلي شبيج
مابيه شي والله بس جنت ضايجه وكولي يمكن اشتاقيت الاهلي لان تأخرو
عابتلج شنو صغيرونه
ضحكت فرح
واني بكلبي حركه عليه
كتمت كلشي بداخلي
دخلت للمطپخ
اسوي زلاطه
اااخ ياكلبي شنو قصتك اليوم
الكلمه الي سمعته البارحه اختفت
ولافرحت بيه
اشوفه اليوم يتعارك على وحده وكدام الناس
لعد كلامه اليه معقوله كذب
علا...
الووو وين صافنه
هااا
شنو قصتج صارلج ساعه بالاخيار اذا تخلصيه صفنات
انطيني اكمل اني
لا كملت
كملت لازطه وحطيتهن بكاسات صغار
يفتح الباب كرم
فرح ..
الله يساعدك
كرم ..
هلا امي وابوي رجعوو
فرح ..
اي
صبينه الغده واتغدو اهلي اني ماتغديت لان كلش كافي
شعبت اليوم من صدمات
صعدت
رحت كعدت على جربايه فتحت جنتي شفت كلاده
اتجمع الدمع بعيني
واتذكر شلون اتلزمه وتجرجر بيه
حطيت راسي على مخده ودموعي تصب على خدي
محسيت اله الباب اندفر
فزيت بسرعه
كرم خير شكو
والنبي اذا شفتج فاكه حلكج بكلمه وتحجين
ماتلومين اله نفسج افتهمتي
ضرب الباب وراح بقيت ابجي
صيحت بصوت ناصي
شنو هاي ماصدك ودفع برجليه بالجربايه
كل هذا يطلع من مريم
لميت رجلي يم صدري واهز بنفسي
فكره تجيبني وفكره توديني
بمنو افكر ب علي لو بصديقتي الي صدمتني
اذكرت رقمه كمت بساع وتطلعت تلفوني ومسحته
ماريد شي يذكرني بيه
تستمر القصة أدناه
نمت وماعرف و باجر شضاملي
الصبح ب7ونص
كعدت متأخره
على سريع بدلت ونزلت
محد موجود بس امي
هاا هستوني ردت اصعد اكعدج
بعديش اتأخرت يله باي
لبست حذاء على سريع وطلعت
دامشي على سريع علمود الحك على دوامي
لان ب8 بعد ميستقبلون
ومدرستي شويه بعيده عن بيتنا
دامشي وتفوت سياره مظلله على السريع من يمي بحيث حركت صدريتي من السرعه
صيحت
كبر حتي كبر ناس ملطلطه
جان شويه رجعت السياره عليه
كلش خفت
وكفت يمي السياره ونزل الجامه
تفاجئات هذا عمر
يا فشلتي فد استحيت لا وانوب وياه ام احمد (صديقه امي)
ام أحمد..
شلونج شموسه حبيبتي
شمس..
الحمدالله خاله
ام احمد...
شعجب متأخره على دوام
شمس..
اخذتني نومه
عمر...
واضح من اعصابج
شمس...
اسفه مو قصدي ترى
عمر ...
ولايهمج معذوره تعاي اوصلج بطريقنه
شمس..
لا شكرأ ميحتاج
احجي ويه نفسي وين اصعد وياك تريد اتجنزني
ام احمد ..
شنو ميحتاج امشي اصعدي
شمس..
احتريت شنو اجاوبه
التفت على جهه اليسار شفت علي ديمشي وبيده علاكه صمون شافني وفتح عيونه ومال راسه
باوعتله ودرت ؤجهي
وسويت نفسي اضحك على اساس ويه عمر
ماشي خاله
وصعدت وياهم
وكلبي يدك خايفه من السويته بس كل هذا علمود احرك كلبه لان اعرفه ميحب عمر
عمر ...
وين صايره مدرستج
شمس...
يحجي وياي فد مستحيه
هياته من هذا الشارع
عمر...
هاي مو
شمس..
اي
ام احمد. ..
سلميلي على امج
شمس...
الله يسلمج يوصل
باوعت على عمر يباوعلي بتسامه خفيفه
باوعتله وابتسمت
شكرآ
ولو يدللو
دخلت للمدرسه وصادفتني مريم معبرته عفته ومشيت
هي بقت تباوعلي
دخلت للصف اجتي وراي
شمس شنو مراح تحجين
طلعت كتاب من الجنته ومباوعتله وكعد بالرحله
ياريت تعوفيني اراجع
راح اعوفج بس كولي زعلانه مني
باوعتله وأشرتله والقلم بأيدي
انتي بذات مراح اسامحج
ورجعت عيني بالكتاب
هي باوعتلي وخلت وطلعت
ذبيت القلم وراه واحطيت ايديه على وجهي
كملت دوامي ومحجيت ويه مريم ابدآ
بعض صديقاتنه حسن اكو شي بيناتنه بس كلتلهن انو ماكو شي عادي
طلعت من المدرسه جان اشوف علي واكف كبال المدرسه
ومتجي على سياره ومجتف اديه
والبنات تروح وتجي من يمه عبالك قروده
منطيته اهتمام عفته ومشيت
اجه وراي
امشي وياي
محجيت شي كملت مشي
جرني من زندي
علي هاي شدسوي
لعد امشي احسلج
عوفني علي البنات ديباوعن علينه
لعد احترمي نفسج وامشي اصعدي
ماشي عوفني جريت ايدي من يمه
امشي كدامي
افتهمنه
مشيت كدامه والبنات المدرسه ديباوعن علينه
صعدت اجه صعد
وشخط السياره وطلع على سريع
علي شنو اتخبل شبيك
لا بعدني
شنو هل التصرفات
زاد السرعه حطيت ايدي الشباك
نزلني علي داحجي وياك +
بقى يمشي لحدما وصلنه مكان اول مره اشوفه
اشويه وكف السياره ونزل وضرب باب السياره قوي اباوع شارع فارغ بس بساتين
فتح الباب انزلي
انته وين جايبني
جرني ونزلني من السياره
وسد الباب ومشه كدامي جان اشوف اسلاحه بخصره
كلشي بيه كام يرجف بس بساتين ماعرف شنو هذا المكان
أنت تقرأ
قصة وجع قلب بقلم أنسام الربيعي الناشربارق العراقي
Romanceقصة_حقيقيه_بعنوان_وجع_قلب 💔 #بقلم_انسام_الربيعي #الناشربارق العراقي عندما تزرع امل بأحد وبعدها تترك علامه اثر توجع له وانت لم تكن المقصود بذالك الوجع لكن الظروف كانت اقؤى من ذلك الامل أما اذ كان القدر قد اختار لك حياه غير خيارك ... تأمل بان تكون ا...
