#قصة_وجع_قلب
#بقلم_أنسام_الربيعي
#البارت_الاخيرر
#الناشربارق_العراقي
...السلام عليكم هذا بيت علي ال****
...اي هذا هو منو اكوله ...
... كوليله ابو خطاب يسلم عليك ...
...يوصل...
سديت الباب دخلت للمطبخ اسوي الغده على ماتجي عمتي طلعت اوراق العنب وكعدت اسوي حشوه الدولمه ...
كملته وحطيته على نار اجتي عمتي مسوكه وشايل الغراض وياه مؤمل (اخو علي) اخذت من يمه الغراض كعدت على كرسي كالت ...يمه مي نشف ريكي ..
فتحت الثلاجه طلعت مي وانطيته بكلاس شربت كالت ...شكالولج من رحتي لدكتوره ...
...طلعت حامل...
...يااا صلوات على نبي الف مبروك بنيتي ...
اجتي نور وكفت ...مبروك جان كلتيلي ترى منحسد...
...كلت من تجي عمتي احجي ...اخذت المسواك عزلنه وحطيته بالثلاجه ...
للعصر اجه علي وجهه مطحون من الشمس اتلكته عمتي
...مبروك يمه يتربه بعزك انشالله ... اجه باس راسه ..
...الله يخليج الي ...
...هيج الي عمر وشوف جهالك ...
...عمرج طولي انشالله يمه ...
رحت حضرتله الحمام ... ونزلت اصب الغده على ما يخلص..
حطينه الصينه ونزل لابس فانيله تعلاكه ينشف براسه ...
شفت نور تباوعله بعده مانزل البايه الاخيره بساع رحت وكفت كباله ...ليش نازل هيج ...
...شنو???
...ماكو تنزل هيج وبنت عمك كاعده يمنه ...
...تغارين ...
...لا بس عيب هشكل ....
... اهااا ... وخرني من كدامه وكعد يتغده كمت اخزر بيه
ولا يمه رحت كعدت يمه وهمستله ...مو داحجي وياك اني ...
يأكل ولاجني احجي وياه مطنش الوضوع كام يغسل رحت وراه شفت السجين على الكاونتر اخذته وكفت يمه ...
التفت عليه وهو ينشف وجهه بساع حطيته على ركبته بسجين بقه صافن بوجهي ...
...هاي شسوين ...
... الي ميسمع كلام هيج يصير وياه ... رفع حاجبه وابتسم
...صايره تشتغلين بسجين...
...من عاشر قوم اربعين يوم صار منهم ...
... خرب بعقلج لهسه مطبوعه براسج ...
...يله فوك لاتغير الموضوع ...
... لعد تعاي صعدي وراي خلي اعلمج خبرتج بعده ممكتمله
بقيت ساكته واباوع بعيونه اخذ السجين من ايدي اتقرب من يمي ودخل نور وخر من يمي كال ...شمس حضريلي جاي ...
تستمر القصة أدناه
صعد علي فوك حطيت الجاي على النار وجاي احظر بالكلاسات حجت نور ... متكولي شلون خليتي هيج قافل عليج...
أنت تقرأ
قصة وجع قلب بقلم أنسام الربيعي الناشربارق العراقي
Romanceقصة_حقيقيه_بعنوان_وجع_قلب 💔 #بقلم_انسام_الربيعي #الناشربارق العراقي عندما تزرع امل بأحد وبعدها تترك علامه اثر توجع له وانت لم تكن المقصود بذالك الوجع لكن الظروف كانت اقؤى من ذلك الامل أما اذ كان القدر قد اختار لك حياه غير خيارك ... تأمل بان تكون ا...
