قصة وجع قلب بقلم أنسام الربيعي الناشربارق العراقي

البارت الثالث عشر والرابع عشر

#قصة_وجع_قلب
#بقلم_أنسام_الربيعي
#البارت_الثالث_عشر
#الناشربارق _العراقي

دنحجي ونسمع صوت شخط سياره
عرفت انو علي هو الوصل
رحت لشباك
شفت محمد يلزم ب علي يحاول يهدي
علي متعصب وميريد يسمع شي ويضرب بأيده على سياره مال البنيد
شمس...
اجه علي
نور
عفيه نزليني اله
نزلنه شفنه علي بالكراج راحت يمه تبجي
علي كولش جان خايف عليه بحيث اول ما شافه مسح ادموعه
علي..
بس فهميني شلون طلعتي اني مو خليتج يم عمتي
نور...
هو اجانه ودك الباب
ب7 دك علينه والولد جانو ممجودين
جرني بنص الشارع وكام يضرب
وانهزمت من يمه وصار كبالي هذا البيت
وداعتج اجيبله الج مثل الجلب
واخذلج حكج منه
علي راد يطلع يدور على زوج نور
محمد لزمه
اني من شفت خوف علي على نور ومتخبل عليه
وخاصتآ من اقترب من نور ومسح ادموعه
اكو شي بيه خنكني
محمد
علي الزم اعصابك مو هيج تنحل
انتظر الصبح واني وياك انخلقه هنا
لا محمد شنتظر هسه كوه واكف على اعصابي
زين فهمني شراح اسوي
دخلي الزمه ساعته يعرف عزرائيل كباله
يله نور امشي
محمد...
وين علي خليه هنا اكيد يعرفه يمكم ويجيكم
علي...
وربك دخلي اشوفه زين أذا ارحمه
وره
مأطلعو علي ونور يوصلهم محمد
احنه دخلنه جووه امي كامت تحجي على محمد وخايفه عليه
اجه ابويه حجتله امي
ابويه وكف ويه محمد
كال
صديقه وكفله والبنيه دخلت بيتنه وتنخت بيه
شتردينه يسوي يا أبتهال
بابا شمس انطيني ملابس اطب اسبح
اني جنت كاعده على الدرج وحاط راسي على المحجر
واسمعهم شحجون
كمت حضرت ملابس بابا انطيتهم اله
امي كاعده على قنفه تنتظر محمد
صعدت فوك دكيت الباب على فرح
ادخل
فتت شفت كاعده على الجربايه وتكلب بالتلفزيون
عبالي نايمه
لا وين كاعده محمد مرجع

بعده لهسه وامي كاعده جوه تنتظره وخايف عليه

حقه تخاف ابنه هذا

قابل طفل وتخاف عليه وهو عسكري يصادف هيج شي

مهم يكون ابنها وتخاف عليه حتى لو كبر يبقى بعين امه صغير

اكول اشو كرم مداشوفه

جرت نفس وابتسمت ابتسامه خفيفه
والله اخوج سالفته سالفه
شلون يعني
اباوع على وجهه اتغير وغيرت الموضوع حطت ايده على رجلي
مدام انتي يمي كومي طلعينه من الثلاجه قوطيتين ببسي نشربهن سوه وسولفي عنج

ابتسمتله من باوعتلي حسيت بنظره ادكولي اعرف كولشي وكمت جبت القواطي البسبي وانطيته اله
وكعدنه
تستمر القصة أدناه

فرح داريد اسألج سؤال
اي اسالي
شلون تعرفين الشخص يحبج
ها ولج شمس منو الي تردين تعرفيه يحبج
ضحكت
لا بس مجرج سؤال
امبينه عيني من تصرفاته اهتمامه الج واهم شي الغيره
تباوعلي تبتسم وتحجي خجلتني
حسيت علي كبالي من تحجي القوطيه اجيبه من منا ورجعه منا
وحتريت برغم هي مشغله سبلت
هاا شمس احتريتي
لا عادي
تحجي وتغمزلي
امشي ولي دشوفي نفسج عبالك واحد ذاب عليج مي
احجيلي هذا علي مو
عدلت كعدتي وكحيت
لا اصلآ حاله من حال محمد
احجي ومرتبكه محد فضحني غير ارتباكي
مممم
دارت وجهه على التلفزيون
احجي صدوك فرح ترى
فرح،،،اي حياتي اعرف
دخل كرم احنه التفتنه عليه
اليوم مشرفتنه شمس
اي اجيت اندردش اني وفرح
خوش الله يديمه
باوعت على فرح وجهه اتغير من دخل كرم كامت من الجربايه فتحت الكنتور مادري شسوي
كرم يباوع عليه ومنخزر عليه
يله اني اروح تصبحون على خير
سديت الباب وطلعت
نزلت جوه
شفت امي نايمه بالهول مكعدته وابويه نايم بغرفته باوعت الساعه ب12 محسيت على وقت من كعدت يم فرح وسولفنه
كمت افتر بالبيت انتظر محمد واريد اعرف
شصار وياهم
شويه وانفتح باب المطبخ
دخل محمد
شعندج كاعده لهسه
مجاني نوم
اهاا
فتح البوري يغسل وجه
محمد شصار وياكم
التفت عليه
وانتي شعليج
لا بس حبيت اعرف شصار ويه نور لان تكسر الخاطر
باوع عليه
لاتتدخلين بشي اكبر منج
باوعت وسكتت دخل شاف امي نايمه كعده
باسه من راسه وداهاا الغرفته
صعد محمد فوك وصعدت دخلت شفت علا نايمه طفيت الضوه
واتمدد على الجربايه
واحجي ويه نفسي
شصار ويه علي
وافكار صارت تجي ابالي
اكيد علي يحبه قبل
وهيج مخبوص بيه
كمت اتكلب بالفراش باوعت الساعه ب12ونص
كمت فتحت الشباك الشارع فارغ
سديته ورحت نمت
الصبح ...
كعدت اخذت شور وبدلت ملابسي
دانزل سمعـت محمد يحجي ويه امي ضليت واكفه يم ادرج
محمد...
البارحه مثل ماتوقعنه كاعدين ومانحس لا الباب صار يندك قوي
كمنه نتراكض اني وعلي شفنه واكف يم الباب وياه اثنين بس شلون اثنين يمه جنهم شياطين وبعدين طلعو اخوان علي ورانه
علي....
الله جابك
محمد...
البارحه مثل ماتوقعنه كاعدين ومانحس لا الباب صار يندك قوي
كمنه نتراكض اني وعلي شفنه واكف يم الباب وياه اثنين بس شلون اثنين يمه جنهم شياطين وبعدين طلعو اخوان علي ورانه
علي....
الله جابك
محمد...
لك هذا شارب منتهي
طلعت البنيه خطيه هي وام علي واكفت وره الباب وخبزناا خبزه مرتبه
وهو خلصه يصيح زوجتي واريده اذبحه اكطعه بكيفي ويطوطح منا ويجي منا
كام علي بوكس كسرله سنونه
كسرناهم ثلاثتهم كام واحد منهم وكسر الجامه مال السياره علي
بس علي انجرح بيده
بس شلون عظم عليهم جنهم عظام جلاب حتى ايدي انتهت
اجتي البنيه تركض داوت ايده
يمه اباوع على وجهه مخربطه تخربط الله يساعدها
شمس...
كول هذا الحجي راح بقت بس سالفه وحده ادك براسي من انجرح علي وتركض اداوي
دخلت للمطبخ. ...
صباح الخير
الكل صباح النور
اكولج ماما سويلي وياج لفه اكله على سريع اخاف اتأخر
محمد..
اكعدي اكلي اني اوصلج
اني صفنت بوجه
حجيت ويه نفسي
شتوصليني واني منتظره الصبح على نار حتى اشوف علي
محمد...
شبيج صفنتي متكعدين
كعدت شربت بس جاي واكلت صمونه وتفكيري يم علي كملت اكلي وطلعت اني ومحمد صعدت بسياره
وطلعنه على الشارع
وصلني وراح
نزلت اباوع على الشارع بلكي اشوف سياره علي ماكو
التفت شفت عمر واكف وراي
فزيت من مكاني
شنو خوفتج
لا بس فاجئتني
شلونج
الحمدالله
احجي ومستغربه هذا شجابه هنا
شنو مضيعه شي
لا ليش
شفتج اتباوعين ومحتاره
هاا....لا بس نسيت كتابي بسياره محمد
دنحجي اشو هذا عيونه وملامح شكله كله اتغيرت الى اعصاب ويباوع على الي وراي
درت وجهي مشفتي شي بس سيارات تروح وتجي
باوعت عليه
اكو شي
لا ماكو شي روحي انتي
مشيت
وهو راح صعد سيارته وكام يخابر بسيارته
مفهمت شي من تصرفه مهتميت
دخلت لمدرسه سلمت على البنات
شفت مريم واكفه يم مجموعه بنات باوعتلي عبرته وكأنو مشفته
لبنى
شمس
ها حبيبي
صاير بينج وبين مريم شي
لا
بس هي اتكول على اساسا اخوج يحبه و عافتيه على هذا السبب
احجي وامشي بالممر المدرسه ولبنى تمشي وياي من سمعت الكلام وكفت والتفت على لبنى سكتت ورجعت لمريم
رحت جريته من يم البنات
شبيج شمس هديني
دخلنه الصف
لج انت شمفكره نفسج تروحين تحجي على اخويه كدام الرايح والجاي
وليش الحجيته غلط وانتي بالفعل من عرفتي كرم يحبني انفعلتي على شنو
لج منو كلج يحبج اصلآ
طلعت كلاده وهاي شنو
انتي عبالج بكلاده معناه يحبج ترى عادي الف واحد يسويه
يعني علي من الف واحد مو
ضحكت لج انتي تقيسين علي بكرم
بابا كرم انسان مزوج اخرته يرجع لبيته وانتي مجرد حلم عابر وانتهه افتهميه عاد
ماشي شمس جايج يوم
عافتني وطلعت
شنو اتقصدين
تعاي
كمت اصيح عليه
ياربي اني منين الكه اففف
كعدت على الرحله وكل تفكيري يم علي
كملت دوامي وطلعت باوعت على مكان الي يتواجد بيه علي
ماكو
ياربى
شنو معقوله هيج نور نسته حتى نفسه
التفت شفت عمر سيارته واكف يم الرصيف
بقه بس يباوع عليه
سويت نفسي مشفته واشويه شفت علي اجه
اني هنا وكف كلبي
ياربي استرك وابلع بريكي
طبك سيارته وباوعلي ملامح شكله تعبان امبين عليه منايم
باوعت عليه وعبرت من يمه هو بقه يخنزر بس مانزل من السياره
مكدرت اروحله لان عمر موجود اذا شافنه راح يعرف بعلاقتنه
وعلي اذا شافه راح اكلهه اني
كملت طريق اول مدخلت فرع بيتنه شفت واكف ويدخن فاتح باب السياره وكاعد
شفت ايده صدوك ملفوفه بالفاف