#قصة_وجع_قلب
#بقلم_أنسام_الربيعي
#البارت_السابع_والعشرون
#الناشربارق_العراقي
صاح ...علاااااا وخريه من كداااامي ..اجتي علا جرتني وصعد محمد يركض واني اشيل بروحي وابجي ...ميموت هووو عااااايش....
حاضتني علا وابجي واصيح ميموووت جان ينزل محمد يركض من فوك كمت بساع وكعت يم رجليه ....
..الله عليك لاتحرك كلبي كولي عايش موو .. كومتني علا واني مجلبه بمحمد وابجي والزم بقميصه ....
...هذا دمه موو لا تسكتتت محمد جاوبنيييي .. عاد جرتني امي من يمه ودخل كرم وابويه ركض ..شكو ..شكو ...
ودموعي عشره عشره كرم يسأل ..شنو شصاير.. واكفه وعيوني تترصد جواب محمد ... ابويه صاح بيه ماتحجييي..
كال...شهداء وجرحى من ضمنهم علي وحسين .. ابويه كام يصفك بايده ..لا اله الا الله ... اني اتهسرت وباب المطبخ يندك
كرم سد حلكي وشالني وكال...اسكتي منا عمر فضحتينه شبيييييج... بس ابجي رحت بساع كمت على شباك ...
كرم جان واكف ويمه عمر اسمع يكوله شايفه قميصه محمد دم ومتخبله عباله مصوب اتجيت على حايط وابجي ...
هذا حالي لساعه 4 العصر ونار تاكل بكلبي ساعه ابجي وساعه اسكت لحدما ماسمعت رمي طلق ولا اله لا الله ...
فزيت من مكاني ركض شفت جنازه واكفه كبال بيتنه نزلت ركضت حسيت بوكتها الموقف كله معيود الي وصاير من قبل
لكيت امي تبجي وفرح وعلا يباوعن من الكراج احجي بصوت مخنوك ...هاي المن الجنازه .. امي تباوعلي وتبجي ...
كالت... هذا حسين جايبيه شهيد (حسين صاحب محمد معرفه عنه بدايه القصه)
من سمعت هيج كمت اضحك وابجي ودموعي تصب اكول الجنازه مو جنازت علي كعدت يم امي وابجي ....
دخل كرم صاح ب علا وفرح يدخلن جوه من الطلق اعصابه تلافانه وامي لبست عبايته وراحت يم جوارينه ...
كعدنه كلنا نبجي واني بعده شي يأكل بيه ماعرف علي وين
لساعه 9 اجه محمد شاك قميصه وعيون حمر ...
امي كامت تبجي تكول ... سوده عليه يايمه صاحبه هذا انكسر بيه .. نزل مبدل والوجه مليان حزن والدمار البيه ...
كرم صاح عليه.... وين رايح محمد ... مخنوك ويحجي ...رايح اشوف علي ...
...انتظرني اجي وياك .. روحي مشتعله نار بس اريد اعرف علي شبيه ميت عدل امي تبجي .. متكلي يايمه علي شنو حالته ...
كرم كال ... حالته خطره جايه طلقه بصدره قريبه من كلبه والله يايمه بين الحياه والموت ...
سمعت هيج لو تخبلت كمت اصيح وابجي ...اخذونييي ويااااكم اشوفه الله عليكم ... سمعني محمد جان باوعلي وطلع بساع
..
أنت تقرأ
قصة وجع قلب بقلم أنسام الربيعي الناشربارق العراقي
Romansaقصة_حقيقيه_بعنوان_وجع_قلب 💔 #بقلم_انسام_الربيعي #الناشربارق العراقي عندما تزرع امل بأحد وبعدها تترك علامه اثر توجع له وانت لم تكن المقصود بذالك الوجع لكن الظروف كانت اقؤى من ذلك الامل أما اذ كان القدر قد اختار لك حياه غير خيارك ... تأمل بان تكون ا...
