احببت أخو زوجي 💞

البارت 13

البارت13
دينيز؛مسكين بقا فيا
انجل؛ خالي زوين بزاف و بوكوص ودليف هو
دينيز ؛هههه ياك ا لالة اوا مزيان ههه الله يخليه ليك
انجل؛حتا نتي زوينة 
دينيز ؛ لا نتي لي زوينة
انجل ؛عرفتي مني غلقا سوما انا غنقول ليها تزوجك بيه باش تولي ماماها
اية؛ انجل سكتي ا ماما شوية
دينيز ؛ لا غي خليها مقالت والو  عادي
انجل؛ وها نتي شهدي واش درت ليها شي حاجة
اية؛ ياك الالة
دينيز؛ نتوما بزاف 😂 😂 الله يخليكم لبعضياتكم
اية؛ امين
انجل؛ فين هو مروان
آية؛ مشا لبيتو
دينيز؛ مكتقوليش بابا
انجل؛ را هو مكيبغيش
دينيز ؛ مممم اوكي
اية؛ دينيز نتي مكليتي والو ا حبيبة اجي
دينيز؛ لا انا مبغيت والو شكرا
اية؛ ولكن الا بقيتي هاكة غادي تمرضي
دينيز؛ لا متخافيش..
دينيز؛ اية صراحة بغيت نخرج شويا واش نقدر ناخد معايا انجل
اية؛ اه اه معلوم خودي راحتك ا زين
انجل؛ (هابطة فدروج و كتغوت) ماما ماما فينك وا اية
مروان؛ اجي هنا اجي
آية؛ اش واقع تاني
انجل؛ (بصوت صخفان) مروان لقيتو كيتفرج فدوك الافلام تاني
مروان؛ لا انا مدرت والو والله
اية؛ و را هيا شافتك
مروان جر اية و عنقها من جنب و همس فودنها را بغات 100 درهم احياتي
اية؛ كفاش؟؟ هادي ولات تصمصر فينا عين باين
انجل؛ اش كتوشوشو تاما درني راصي
اية؛ شوفي نتي اجي معايا لبسك حوايجك باش تخرجي نتي و دينيز
انجل؛واش بصح اخيرااا يااااي
اية؛ ويلاه باش متعطلوش
انجل؛ممم قولي باغا تبقايَ مع مروان
اية؛ انجل غنضربك
مروان؛ الا قديتي
اية؛ نتا راك ضسرتيها بلا قياس
انجل؛ لا بالعما
اية؛ و يالاه باش تلبسي
مشات دينيز مع اية و بنتها لبسو حوايجهم و هبطو عند مروان لي كان بارك و شاد تيليفونو
مروان؛ احح تيتيز شابها لماماك اصاطة
انجل؛من لخر شكون كتعنب انا و لا اية
مروان؛ ههههه بجوج
مروان؛ دينيز تبغي نعطيك طونوبيل
دينيز؛ ولكن تقدر تحتاجها
مروان؛ لا مغنحتاجهاش غي خوديها هاكي سوارت
دينيز؛شكرا اخويا لهلا يخطيك
مروان؛ سميتي مروان مشي خوك اوكي معنديش مع رسميات
دينيز؛ ههههه صافي صافي واخة
خرجات دينيز هي و انجل ركبو فلوطو و توجهو لبحر...

🌺عند جسور🌺
...... من امتا و نا هنا
جسور؛ يمكن شي شهر
...... توحشتك بزااف احياتي
جسور؛ وصال بعدي عليا حسن ليك مرشقاش ليا
وصال؛علاش كتعامل معايا هاكة انا را خطيبتك ا جسور خطيبتك
جسور؛ اخر مرة تقولي هاكة هنا غنفسخو هاد الخطوبة
وصال؛ ولكن ا جسور انا را كنبغيك
جسور؛ حياتك هاديك ودابا سيري البيرو ديالك
وصال؛ ولكن را
جسور؛ خرجي برا خرجي
خرجات وصال لي كانت كتقول نتا ديالي بوحدي ديالي انا
المهم وصال بنت خدامة فالشركة ديال جسور و هيا كتموت عليه عندها عندها 23 عام .عيون عسلية .وبشرة بيضة.هية بنت قصيرة شوية .وعامرة . لاطاي ديالها كتبان مقودة خخخ .شعرها طويل ضارب فالمؤخرة ديالها .ولونو مارو./هية بنت دازت من ضوروف صعيبة .من بعد ما باها ومها طلقو وكل واحد تزوج .وهية عايشة مع باها .ومراتو لي محررة عليها لعيشة .......

يتبع