دينيز ؛ نتي غتعلمي كلشي ا حبيبة مع لوقت و حتى حاجة مغتكون صعيبة....
. وصلو لدار خدات دينيز سوارت و حلات دخلو و كل واحد و احساسو ريم لي كتنقز بالفرحة حيت ولات عندها دار و ام فحال دينيز اما مينة لي تفكات من داك الحي واخا غتوحش جاراتها و البطلة ديالنا دينيز لي ملي دخلات تفكرات كل مدازت منو فديك الدار امين و حياة لي كانو منورينها و كفاش عاشت بيناتهم فحال الأميرة و حبيبيها و بابات ولدها لي خلاتو فاقت من سهوتها و مشات وراتهم كل وحدة و البيت ديالها وطلعات لبيتها لي عامر بذكريات امين توضات و صلات و طلبات الله يعونها ومشات دوشات ل ريم و لبساتها بيجامة صخونة واخة كبيرة عليها و لكن كانت كتبان وسطها كيف شي ملك وهبطو وجدو لغدا كلاو و بركو مجمعين مع مينة و كيدحكو معاها حتى قالت ريم
ريم؛ علاش مشيتي و خليتيني
تنهدات دينيز و عودات ليهم كل موقع ليها و ملي كملات عنقاتها ريم و بدات كتبكي من طبعها حنينة
ريم؛ سمحي لي انا ضلمتك ميحسابليش هاكا و الله
دينيز؛ ههه هبيلة متبكيش صافي اجي عندي اجي (و عنقاتها)
لالة مينة؛ الله يا بنيتي هادشي كلو واقع ليك و صابرة
دينيز ؛ هادا مكتاب الله وكنصرفو فيه اخالتي معندي مندير
مينة ؛ كون غي كانت سمية فحالك كون راها مزال معايا دابا
دينيز ؛ شكون سمية و اش وقع ليها
مينة؛ سمية بنتي كانت زوينة و كلشي عزيزة عليه كانت ضريفة و مصوابة و ديما هازة لباها راسو قدام الناس كانت عندنا غي هيا وكانت نور عينينا وكانت عزيزة على المرحوم باها كانت كتقرى مزيان و ديمة هيا اللولة حتى نهار لي مات فيه باها تأزمات و مبقات كتاكل مكتشرب غي كتبكي وسادة عليها خرجناها بزز من ديك الحالة وملي ولات بيخير مشات خدمات فواحد الشركة و تما تعرفات على مولاها وو لاو كيبغيو بعضياتهم و بنتي الهبيلة تيقاتو واعدها بلي غيتزوج بيها و ضحك عليها و حملات منو و من بعد ملي طلباتو يسترها مبغاوش عائلتو حيت مشي من مستواهم صبرات بنتي حتى ولدات و لكن مقدتش على بنية بوحدها و عاد هدرت الناس و عطاتها لشي ناس يربيوها كانت كيف شي وردة منورة ما شاء الله وملي ندمت و مشات بغات تجيب بنتها لقاتهم كذبو عليها فالعنوان و مصبراتش و نتاحرات داكشي ا بنتي علاش غنقوليك سيري صارحي بابات ولدك بلي نتي حاملة منو ورا مكين حتى شي حد فالدنيا يقدر ياخد ليك ولدك من غير مولاك
دينيز؛ صراحة بقيتي فيا و كيبان ليا نمشي عند جسور اخالتي
ريم؛ اجي و اش كتسناي سيري دابا ههه
......
يتبع
أنت تقرأ
احببت أخو زوجي 💞
Roman d'amour😘هاني جيت لا تگولو مجيت 💯 وجبت ليكم قصة من كتاباتي بطبيعت الحال قصة تحث عنوان #احببت اخو زوجي كانت اول قصة📚 كنكتب وحمد الله منسيتهاش عزيزة❌ عليا 😂 بغيتكم تفاعلو معايا😋 يلاه توكدو ويلاه نبداو ولا بلاتي بلاتي شوية نمشي نتعشا ونجي 😂 قصة اح...
