احببت أخو زوجي 💞

البارت 20

البارت 20
واقفة دينيز فحي عشوائي قدام واحد الباب دقات و خرجات عندها
مينة ؛سلام بنتي كيف دايرة دخلي مرحبا بيك فين غبرتي
دينيز؛ لا غادي نمشي بغيت ريم واش كينة
مينة ؛لا هيا مكيناش ابنيتي مشات و لكن الى قلبتي فالبحر تلقايها هيا ديمة تماك.
دينيز ؛ وجدي حوايجك نتي وريم غتعيشو معايا
مينة؛ لا منخليش جاراتي و داري و نمشي معاك و اصلا غنزيدوك غي بهمنا و نتقلو عليك
دينيز؛ لا اخالتي متقوليش هاكة المهم سيري لبسي جلابتك و يلاه نمشيو نقلبو عليها
مشات مينة لبسات جلابتها و هزات حوايجها و توادعات مع جاراتها و تاجهو للبحر بقاو كيقلبو عليها فكل بلاصة و ملقاوهاش ركبو فلوطو و بداو غادين حتى كتبان ليها كضارب مع شي واحد نزلات و مشات عندها كتجري و الخوف على وجها اما ريم لي غي شافتها جات كتجري عنقاتها
ريم؛ ماما دينيز عافاك قولي ليهم انا ماشي شفارة انا والله حتى كانو عندي لفلوس و لكن معرفتش فين مشاو
دينيز؛ صافي ا حبيبة تهدني موقع والو انا غنحل المشكل(شافت فالرجل) نتا اش بغيتي منها
...... انا بغيت غير فلوسي هيا كلات و مبغاتش تخلصني
دينيز؛ واش نتا مريض را قلت ليك طاحو ليها لفلوس و معندكش لحق ضربها بديك الطريق (جبدات لفلوس و لاحتهم عليه) هاك خلي عندك ضمير را البنت مزال صغيرة شوف غي حالتها كيف ولات دابا ... ريم يلاه ا ماما نمشيو را حليت المشكيل
ريم؛ سمحي ليا عافاك انا مبغيتش ندخلك فالمشاكيل
دينيز ؛ مزال هدرتك كبر منك زيدي قدامي
مشات ريم ركباات و غير شافت لالة مينة و هيا تعنقها وبدات كاتبوس فيها
ريم؛ توحشتك بزاااف بزااف
مينة؛ تا انا توحشتك
دينيز ؛ و انا مكين لي توحشني
ريم؛ انا اصلا نسيتك يحسابلي مغترجعيش مرة خرا اجي فين كنتي هاد المدة و علاش مجيتيش كيف واعتيني
دينيز؛ قصة طويلة نوسلو لدار و نقوليك ا حبيبة
ريم؛ و لكن هادي ماشي هيا الطريق ديال دار فين غادين
دينيز؛ غتمشي معايا لداري من ليوم نتي و خالتي مينة غتسكنو معايا و نتي غتولي تمشي لمدرسة فحال قرانك فهمتي
ريم؛ ولكن انا عمري مشيت ليها و مكنعرف عليها والو

يتبع