تاني يوم صحيت بصداع فظيع💔،،،عاينتا لتلفوني لقيت مكالمتين من ماما،،،رجعتا ليها،،،قولته ليها صباح الهنا💕✨،،،،قالت لي يسعد صباحك كنتي نايمة ولا شنو،،،قولته ليها اي والله ومصدعه،،،قالت لي سلامة راسك،،،يعني ما ح تمشي الاوتيل اليوم؟؟،،،قولته ليها لالا،،،ح أفطر واجي البيت طوالي،،،قالت لي طيب تمام،،،،يلا صحصحي،،،قولته ليها حاضر💕💕،،،قومتا اتسوكتا واتوضيت صليت،،،،فضلتا قاعده في غرفتي لحدي الساعه10،،،بعدين طلعتا،،،شربتا الشاي،،،،،،خالتو رانيا عملت لينا فطور على السريع،،،،فطرتا،،ورجعتا نومتا تاني✨😪،،،،صحيت قريب العصر،،،استحميت وصليت،،،ولبستا ملابسي،،وجيت طالعه،،،بابا قال لي كالعاده مابشبع منك بتمشي💔،،،قولته ليهو حقك علي💕💋،،بس ماما براها وبتكون ملت،،،قال لي طيب تمام،،،،اداني قروش كتيرة كده،،،قال لي خليها معاك❤،،قولته ليهو طيب💕،،،،،،ركبتا عربيتي وطلعتاا على البيت،،،في الطريق تلفوني ضرب،،،كان رقم غريب،،،رديت الو،،،قال لي وين انتي؟؟،،،قولته ليهو منو معاي،،،قال لي رائد،،،،نحنا لينا حكاية ساعه منتظرنك،،،،،قولته ليهو منتظرني لشنو،،،على العموم انا قربتا،،،قال لي خير وقفل الخط،،،يعني غياظ شديد،،،قال الكلام العايزو وبس😑💔،،،،وصلتا البيت،،،،كنتا شايله معاي مفاتيحي،،،،فتحتا الباب،،،لقيتهم قاعدين في الصالة،،،،والمرة دي جيهان معاهم،،،،قولته ليهم السلام عليكم،،،قالوا لي وعليكم السلام،،،بوستا ماما قولته ليها مشتاقين💕،،،قالت لي كتييير،،،،الصداع خلاك؟؟،،،قولته ليها لالا بس خفا شوية،،،قالت لي تمام،،،،خالتو سارة قالت لي نحنا ما ينفع يدونا بوسة ولاشنو،،،قولته ليها هههه لالا ينفع،،،وسلمتا عليها بالبوسة،،،،قولته لرائد إزيك،،،قال لي كويس،،،ايناس ممكن نتكلم شوية،،،على انفراد😊،،،،عاينتا لماما،،هزت لي راسا بمعنى امشي،،،،قولته ليهو طيب،،،ارح الصالة الفوق،،لانو برة في شمس،،،قال لي طيب،،،طلعنا فوق،،،،فضلنا قاعدين مسافة،،ماف زول فتح خشمو للتاني،،،قولته ليهو ح نسكت كتييير؟،،،قال لي اممم،،،فكرتي في موضوعنا،،،قولته ليهو اي موضوع،،،قال لي في كم موضوع بينا،،،ياهو واحد،،،موضوع الزواج،،،،اها فكرتي ولا لا،،،قولته ليهو فكرتا،،،بس لسه ما اخدتا قرار،،،،قال لي اممم ايناس انتي عمرك كم سنة؟،،،قولته ليهو الشهر الجاي ح يكون22سنهه،،،قال لي ههه صغيرة،،،قولته ليهو وانت عمرك كم؟،،،قال لي امممم32سنهه،،،قولته ليهو ما بصدق،،،أصغر من ماما ب6سنه بس،،وعاوز تتزوج بتها😪💔،،،،،،قال لي حتى امك عمرها صغير،،،بس عقلها كبير ومتفتح،،،من خلال ونستي معاها،،،عرفتا عنها حاجات كتيييرة،،،،قولته ليهو اممم كويس،،،،،،قال لي عايني انا عارف انو ما منطق،،اتنين يتزوجوا عشان بس أهلهم شافوا الحاجه دي مناسبه،،،،بس كمان انا مقتنع جدا بحكايه نظرة الاهل دي،،والناس الأكبر مننا،،، دايما بشوفوا حاجات،،يمكن نحنا لسه ما شايفنها،،ح نشوفا بعدين،،،،،،،قولته ليهو عاوز تصل لشنو؟،،،،قال لي نعمل خطوبة،،،انا صراحه مازول لعب،،ولا زول طلعه ونزلة،،،،،فترة الخطوبة دي ح تحدد مدى قدرتنا على اننا ح نقدر نستمر او لا،،،،قولته ليهو دا اللعب البجد،،،،اها يعني،،لو ما قدرنا نستمر،،،ببساطة نفسخ الخطوبة صاح ؟،،،قال لي اكيد،،،،،قولته ليهو رائد انت جادي،،،،،،قال لي ايوة،،وبعدين ماتنسي زمان حبوباتنا اتزوجو كيف،،،الواحده مابشاوروها اصلا،،،بس بعقدوا ويجو يقولوا ليها شيلي شنطه ملابسك واتبعي راجلك،،،،وفي النهاية تلقيها ماسكه راجلها واولادا❤❤ في رايي زمان كان زمن الزواج الصاح،،،قولته ليهو يعني انت ضد انو يشاورو البت صاح ؟،،،قال لي لا طبعا،،لانو الزمن اتغير،،،بس دا رأيي الشخصي،،،،هاااا قولتي شنو،،،موافقة نعمل خطوبة،،،مع انو حاسس اننا مختلفين عن بعض كل الاختلاف،،،بس عاوز اخاطر واجرب❤❤قولته ليهو على فكرة انا حتى لو وافقتا ح اوافق بس علشان أشوف اختيار ماما ح ينفع معاي ولالا،،،،قال لي طيب،،،ما ح اضايقك اسي،،،بس،ياريت تردي لي قبل يوم الاتنين😊،،،قولته ليهو طيب،،،،،،نزل تحت،،وأنا دخلتا غرفتي،،،اتصلتا بوجن،،ما ردت،،،رسلت لي رساله """مشغوله بتصل عليك بعدين"""،،،،،،تاني رجعتا نومتا،،ما صحيت الا بصوت وجن،،،،قولته ليها بسم الله جيتي متين انتي،،والساعه كم اسي،،قالت لي الساعه8،،من قبيل بصحي فيك،،،،اها مالك في شنووو؟؟،،،قولته ليها ثواني اصحصح،،،قالت لي سرعه عشان طايرة البيت،،،،قولته ليها طيب نضفي اضانك واسمعيني كويس،،،قالت لي اها اتكلمي،،،،،حكيت ليها بموضوع رائد من الاول لحدي الاخر،،،قالت لي انا كالعاده آخر من يعلم،،،قولته ليها لا والله،،حتى سمسم ماعارف لسه،،،،،قالت لي والله يا صحبتي،،،الولد مابتعيب،،،،من ناحية الشكل ومن ناحية الماده،،،،بس انتي عارفة اخلاقو كيف وتعاملو؟؟،،،،قولته ليها معاي زفت😒،،،مع باقي الخلق محترم،،وواعي❤❤،،،قالت لي ايناس وافقي،،،في النهايه دي خطوبة ماعقد،،،ولو ما نفع معاك،،،،رجعي ليهو دبلتو وانتهينا،،،،قولته ليها ماعارفة يا خ،،،فكرتا كده،،بس في توتر حاصل،،،،قالت لي عادي يابت،،،بكرة لمن تتخطبوا وتتعودوا على بعض،،التوتر بختفي❤🙈،،،،قولته ليها طيب ح ارد ليهو يوم الاحد،،،قالت لي ليه،،،بكرة مالو،،،،ولا اقول ليك اسي مالووو،،،،قولته ليها انتي مجنونة،،،لا طبعا،،،ما ح ارد اسي،،،بعد بكرة احسن،،،قالت لي التشوفيهو،،،المهم ماشفتي الحصل،،،مهند يا نوسة،،وواااي من مهند،،،قولته ليها مالوووو،،،،قالت لي احم احم قال بحبني❤🙈قولته ليها انتي بتأمني بالشي دا يعني💔😹😹😹،،،،يابتي ماف اي حب،،،كلو كلام فاضي،،،قالت لي أمشي يا سنقل ياحقوده يا بائسه😹😹💔،،،،قولته ليها يومين بس والسنقل ح تتخطب😹😹💔،،،انتي اقعدي مع مهند بتاعك دا،،،يا معفنه بعتي خالي خلاص😹😹💔،،،،،قالت لي هههه خالك ماشغال بي الشغله،،،أخير لي هنودي دا😹😹💔،،،قولته ليها يازولة ربنا يسعدك😙،،،اتونسنا شوية بعدين طلبتا ليها ترحال،،،،قولته ليها لمن تصلي اضرب لي،،قالت لي طيب،،،،،،،دخلتا جوه،،،مشيت لماما في الصالة،،رقدتا في رجولا،،،،قالت لي رائد قال لي لمن تتفقوا ح يجي يعمل خطوبة رسمية،،،اها وصلتوا لشنو؟؟،،،قولته ليها ح ارد ليهو يوم الاحد بالموافقة💕💕❤،،،قالت لي بالجد😻،،،،دقيقه دقيقه،،،اوعى تكوني بتعملي كده عشاني،،،ح اقتلك فهمتي😒،،،قولته ليها لالا،،،بعمل كده عشاني❤قالت لي رائد انسان محترم وود ناس،،،ورايق،،،اخلاقو حلوة،،وهو زاتو حلو😹،،،ح يسعدك صدقيني💕💕💋،،،،قولته ليها ماما،،ممكن سؤال؟،،،قالت لي إسألي،،،كانت بتمشي يدها على شعري،،،قولته ليها انتي وبابا اطلقتوا ليه؟؟،،،جاوبيني،،،،دموعا جو نازلين،،،،قالت لي انا و ابوك اتزوجنا عن حب،،،كان صاحب خالي هههه،،،كنتا كل ما اشوفو بضحك بدون سبب،،لانو كان فكاهي شديد،،،،المهم مع جيتو الكتيرة لناس حبوبتي،،،حبيتو،،وقتها كنتا في تانية ثانوي،،،وهو كمان حباني شديد،،،المهم قال لي خلينا نتزوج وكملي قرايه من بيتك،،،في الاول ابوي الله يرحمو رفض،،بس خالي ادخل في الموضوع وبعد تعب ابوي وافق❤❤،،،اتزوجنا،،،وجينا البيت دا💋❤،،،عشتا اجمل ايام حياتي هنا،،،علشان كده بحب البيت دا جدا،،،،حملتا بيك💋وكنتا مبسوطة شديد،،احساس انا شايله جواي حته من الراجل البحبو،،ابوك كان مبسوط بيك أكتر مني❤،،،،المهم مرت علينا سنتين من زواجنا،،،وأنا طبعا امتحنتا شهاده بس،،،ماقدرتا اقرا الجامعه،،إلا بعد عمرك بقى خمسه سنين،،،قريت دبلوم تجارة واكتفيت،،،،لما كان عمرك سنتين قررنا نجيب ليك أخو،،،بس كل مرة ماكان بيحصل حمل،،،مشينا لكم دكتور،،بس انا وقتها اكتشفتا انو عندي مشاكل في الرحم،،،زعلتا شديد،،،بس ابوك كان بخفف عني دايما وبقول لي ايناس ح تكفينا،،،،لحدي ماعمرك بقى 11 سنه،،،،وقتها حبوبتك ام ابوك الله يرحمها،،،قالت ليهو يتزوج هي نفسها في حفيد،،،،بس ابوك كان دايما برفض الفكرة،،لحدي ماوصل بيها الحال وقالت ليهو لو ما اتزوجتا رانيا بت عمك ما عافية ليك،،،صراحه انا ماكنتا بقدر اختو في موقف زي دا مع امو،،وهو كان متمسك بي لحدي آخر حاجه،،بس انا الطلبتا الطلاق،،،،صح انا اتحرمتا من الاطفال من بعدك،،بس ما كنتاا حابة احرمو هو،،كان لازم اتنازل💔،،،،،عاينتا ليها،،وهي دموعا نازلة،،قولته ليها علشان كده بتحبي يس وعلوش،،،قالت لي يعلم الله بحبهم زي التقول اولادي❤❤،،،مسحتا ليها دموعا،،،وقولته ليها خلاص ماتبكي،،،اسفه ذكرتك بالماضي💔،،،بس لازم تفرحي،،انا كمان ماهينه❤😹،،،قالت لي أي والله،،ربنا عوضني بيك❤💋،،،قولته ليها بحبك انا ياخ،،،،قالت لي انا اكتر❤😹،،،،نعستا زاتي طالعه انوم،،،قولته ليها انا يادوب صحيت شكلي ح اساهر،،،ماما قالت لي مع نفسك❤😹😹،،،يلا تصبحي على خير،،،قولته ليها طيب،،،،كان في فيلم مصري اسمو صابر قوقل،،قعدتا احضرو موتني ضحك😹😹😹😹❤
____
تاني يوم مشيت الشغل،،،،،ونفس البرنامج بتاع كل مرة،،،،،في نص اليوم جو تلاته بنات،،،طلبوا،،،وأنا نزلتا ليهم الطلبات،،،فجأة سمعتا صوت جيهان وهي بتقول للبت الجنبها،،،دي العاوز يتزوجا رائد يا تنزيل،،،،،،
يتبع
