رائد فضل يقول الو الو،،،وهو سامع صوت العربات،،،أتحرك من شارع النيل،،،،وبقى ماشي لحدي ما لقى الحادث💔💔،،،،الناس الواقفة اتصلوا بالاسعاف،،،في واحد قال ليهم ما اظن تعيش البت دي،،،عاينوا ليها،،،وعاينو وش العربية بقى كيف💔💔ومنهم البقول لاحول ولا قوة الا بالله،،،،الناس كانو متجمهرين،،،،عربية الإسعاف وصلت،،،،،ونقلوني مستشفى()،،،،رائد اتصل على امو وكلمها،،،بعدين اتصل على بابا،،وقال ليهو يمشي يكلم ماما عشان ماتتخلع💔💔،،،،كلهم وصلوا المستشفى،،،،وماما كانت حالتها صعبة💔💔💔،،،بس خانه يدها في قلبها ودموعا حالفة لو تقيف💔💔وبابا كل ما دموعو تنزل بمسحا💔،،،،اسامة جااا مع حبوبة،،،،،قال لرائد ايناس مالا،،،الحادث حصل ليها كيف؟،،،قال ليهو كنتا بتكلم معاها بالتلفون ومتفقين على اساس نتلاقى،،،فجأه بقت تصرخ،،،ومشيت لقيت الحادث💔💔،،اسامة قعد في الأرض وقال لا حول ولا قوة الا بالله،،،ربنا يقوما بالسلامة ومايورينا فيها شر❤❤،،،،أما انا فكنتا في دنيا تانيه خالص،،،،كنتا في الانعاش💔💔،،،،يعني حالتي كانت صعبه بالجد💔💔،،،،،،،ماما قالت لبابا انا قلبي كان حاسس،،،،والله كنتا حاسة💔،،،كلو بسببك،،،لو ما العربية الفقر الجبتها ليها دي،،،ماكان حصل الحصل💔💔أحيي يابتي،،،،يارب ماتحرمني منها😭😭😭💔💔💔،،،يارب ماتحرمني منها💔💔،،،اسامة مسكها وقال ليها دا قضاء وقدر،،،ما في يدينا غير ندعي،،،،خليك قويةة،،،حبوبة قالت ليها ان شاء الله ربنا ح يقوما بالسلامة،،،،أن شاء الله،،،،،ماما بقت تبكي،،،اسامه ضماها وهو زاتو بكى💔💔،قالت ليهو بكره عيد ميلادها😭😭😭،،،،،،،،،بعد يومين من وجودي في المستشفى،،،،الدكتور جاا عشان يتكلم مع اهلي،،،،بابا قال ليهو خير يا دكتور،،،بتي مالا،،،،،،الدكتور قال ليهم عندها اصابه في الكتف اليمين،،،،بس الضغط طبيعي والسكر طبيعي في كدمات في الرأس،،،،بس مابنقدر نحدد أي حاجه حاليا،،لحدي ماتصحى،،،،،،ماما قالت ليهو يعني،،،يعني هي كويسة صاح،،،قال ليها أيوة الحمد لله،،،،بس ادعي انو مايكون في فقدان ذاكرة او كده،،،،قالت ليهو لالا ان شاء الله ح تبقى كويسةة،،،،،طول اليومين المضوا،،رائد واسامه وماما ووجن كانو ببيتوا في المستشفى💔💔💔،،،،،،،لحدي اليوم الرابع،،،حتى صحيت،،،الممرضة كانت جنبي،،،شافتني بحرك عيوني،،وبقول ماما،،مام،،ماما،،،،مشت نادت الدكتور وجات،،،الدكتور فحص لي،،،بعد فتحتا شوية كنتا حاسه بألم في راسي وكتفي،،،الدكتور قال لي حمد لله على السلامة،،،،مارديت ليهو،،،،قال لي متذكرة عملتي الحادث كيف؟؟،،،،قولته ليهو بصوت تقيل،،،كنتا كنتا طالعه من محل،،محل شغلي،،،قال لي اها وبعدين،،،قولته ليهو كنتوا سايقه وبتكلم بالتلفون،،،ااخخخ يا راسي،،،قال لي واصلي،،،قولته ليهو وو،،،ووفجأه دخلتا في العربية القدامي💔💔💔،،،،قال لي امممم،،،طيب حاسة بألم وين تاني،،غير راسك،،،قولته ليهو،،،كتفي،،،كتفي حاساهو ح يتقلع من محلو،،،قال لي لالا كان كده انتي تمام،،،،حمد لله على سلامتك❤✨،،،،بعد كم ساعه كده نقلوني غرفة تانيهه،،،،،،ادوني حقنه مسكنه للالم،،،،الدكتور طلع طمن اهلي❤❤،،،ماما بقت تبكي💜💜💜،،،قالت الحمد لله😭😭😭،،،طيب،،،طيب ينفع اشوفا؟؟،،،قال ليها بعد ساعه كده،،،،بابا مسكا وقال ليها الحمد لله،،،ربنا ما حرمنا منها،،،،رائد كان مبسووط بالخبر💜✨،،،وهو كان متكفل بكل المصاريف حقت المستشفى❤،،،،،رائد اتصل على امو وطمنها علي،،،قالت ليهو الحمد لله،،،ماح تصدق يارائد انا مبسوطة قدر شنووو❤❤😭،،،اها ح يخرجوها متين،،،،قال ليها لسه الدكتور ماحدد،،،،قالت ليهو طيب،،،انا وجيهان ح نجي بعد شوية،،،قال ليها تمام،،،لبعدين،،،قفل منها،،،،،ومشى على جهه غرفتي،،فضل يعاين لي من برة💜،،،،،،،،،بعد الساعه تمت،،،ماما جات غرفتي،،قعدت جنبي وبقت تبكي،،،باست راسي،،،فتحتا عيوني ببطء شديد،،،قالت لي حمد لله على السلامه حبيبتي،،،ماتتخيلي كنتا خايفه عليك قدر شنو،،،حسيت الدنيا واقفة في وشي ومضلمه،،،،كنتا خايفة اخسرك💔💔😭،،،،باست راسي تاني وخدي،،،قولته ليها ماما،،كملتيني بوس،،،بقت تضحك💜،،،قالت لي اسي حاسة بوجع او اي شي،،،قولته ليها شوية بس،في راسي وكتفي،،،قالت لي تبري من الألم ستي انا✨❤❤،،،،بعدها جاا بابا قعد جنبي وقال لي تاني ماف سواقة عربية خالص،،،قولته ليهو ههه لافي،،،،صحي عربيتي حصل ليها شنو،،،قال لي حالتا مستعصيهه،،،،في الورشة حاليا،،،ما قامت بالسلامة،،،قولته ليهو ربنا يقومها زي ما قومني ههه،،،،بعد طلعو،،جاا سمسم ووجن وامها وناس خالتو هاجر،،قعدوا معاي شويةة وطلعوا،،،،،،،،بعدها الم راسي خفا،،وكتفي كمان💜💜،،،،جاتني خالتو سارة،،،قالت لي حمدلله على سلامتك يابتي،،،،كيفك اسي كويسة،،قولته ليها الحمد لله،،،قالت لي ربنا يتم شفاك يارب❤ قولته ليها اميين يارب،،،،جيهان قالت لي شكلك اتغير خالص،،،،ماشفتي وشك من الكدمات💔،،،مسكينه،،،،قالت كلامها دا بطريقة مستفزة💔،،،خالتو سارة قالت ليها اسكتي يا بت،،،،قالت ليها مابسكت ،،،وبعدين يلا ارح،،،وراي عرس صحبتي بعدين،،،،يلا قومي،،،قولته لخالتو سارة،،،شكرا لجيتك،،،انا كويسة❤،،،قالت لي طيب يابتي بنجيك وقت تاني،،،،،قولته ليها طيب،،،،،،بعد طلعوا،،قولته ياربي وشي يكون اضرر شديد؟💔💔ختيت يدي في وشي وبقيت امررها،،،،،،أثناء مابعمل كده،،،رائد جاا داخل،،،نزلتا يدي،،،قال لي قولته اجي بعد الناس تخف شوية،،،قولته ليهو اتفضل،،،قعد جنبي،،،وقال لي حمد لله على سلامتك❤❤،،عارف انا السبب،،،يمكن لو ما اتصلتا عليك وقتها...قاطعتو وقولته ليهو الحادث دا مكتوب،،،،عاين لي يدي الفيها الدبلة❤،،،قال لي ضروري يعني إنك تفتشي المحبس في زمن زي دا،،،قولته ليهو انا طلعتو الصباح لانو ضايقني،،،وقولته البسو بعدين،،،بس ما كنتا عارفة انو ح يحصل لي حادث،،،،قال لي كلو لخييييير💜💜،،،قرب مني وباس جبيني💜،،،قال لي اخليك ترتاحي طيب؟؟،،،قولته ليهو طيب،،،،بعد طلع انا نومتا❤،،،،،،،عديت اسبوع في المستشفى،،،وخلال الاسبوع دا،،،ماكنتا حاسة برجولي،،بس ما كلمتا الدكتور،،لحدي ما كتب لي على خروج،،،ماما قالت لي ح تنوري البيت😻😻،،،،قولته للدكتور،،،معليش بس انا عاوزة اعرف انا ليه ماحاسة برجولي💔💔؟؟،،،قال لي كيف يعني،،،،ليه ما اتكلمتي،،،ليك كم يوم حاسة بكده؟؟،،،قولته ليهو اسبوع،،،،شال الغطاء،،،عاين لرجولي،،،قال لي حركيهم كده،،،،حاولتا كذا مرة ماقدرتا احركم،،،قولته ليهو ماقادرة💔💔،،،بالجد ماحاسة بيهم،،،،الدكتور بقى يعاين لي وفي وشو علامات مابتبشر بالخير💔💔💔،،،،قال لي دقيقه،،،،ضربني كم ضربة في رجلي،،،حتى ماما قالت ليهو براحه عليها،،،قال لي حسيتي بالضربات دي،،،،رديت ليهو وانا الدموع مالية عيوني وصوتي مخنوق،،،قولته ليهو لا،،،لا،،،ماحاسة بشي،،،كأنهم ماجزء مني💔💔،،،،مسكتا يد ماما وقولته ليها ماما في شنو،،،انا ماحاسة بأي شي،،،ماقادرة اتحكم في رجولي😭💔💔💔،،،بقيت ابكي،وبعاين لرجولي،،،،ماما قالت لي أهدي اهدي،،،دكتور في شنو،،،بتي مالا،،،،الدكتور طلع نظارتو وقال لينا،،،رجولك اتخدرت او بمعنى طبي صحيح،،،اتصابت بالشلل💔💔،،،،بقيت اتنفس بصوت عالي وعيوني برزت لبرة💔💔،،،،قولته ليهو لالالا،،،كيف يعني،،،بقيت اصرخ زيادة،،،،وماما ماسكاني،،،وهي زاتا مصدومة💔💔💔،،،الدكتور طلعها برة،،،وفي ممرضتين جو مسكوني،،،،،الدكتور اداني حقنه مهدئه💔💔،،،بقيت اقول ليهو رجولي،،،رجع لي رجولي💔💔،،،،،،،طلعوا خلوني بعد الحقنة اخدت مغعولها💔💔،،،،،،،
