قال لي ح تحبيها جدا❤،،،قولته ليهو واحتمال ما احبها،،،،قال لي ههه لا انا واثق إنك ح تحبيها،،،،،مسك يدي وضغط عليها❤ لما عاينتا ليهو،،،عاين بالشباك كأنو ماعامل حاجهه💜،،،،،،صحبو وقف العربيةة،،،وقال لينا مبروووك وربنا يسعدكم❤❤،،،،رائد قال ليهو تسلم يا ابو الشباب،،،،رائد نزل،،،،،وفتح لي الباب،،وشالني بين يدينو❤قولته ليهو الكرسي بتاعي وين؟،،،،قال لي مش قولته ليك انسيهوو،،،،،،قولته ليهو ح تشييلني كده لمتين؟؟؟!،،،قال لي لمن ترجعي وتمشي برجولك❤،،،،دخلنا البيت،،،،من برة شكلو مخيف عديل،،،أو يمكن علشان طافين الانوار،،،بس انا عموما كنتا خايفة💔،،،،،،،رائد لزا الباب برجلووو،،،قال لي ناس أمي سبقونا وكده😅،،،قولته ليهو اممممم،،،،،،،بقينا ماشين،،وطلع بي السلم،،،،قولته في قلبي الليله الراجل يدينو ح يتقطعوا💔😹،،،،باب غرفتو كان مفتوح،،،دخلنا ورقدني على السرير،،،،قال لي نازل ثواني وجاي،،،قولته ليهو طيب،،،،قعدتا اعاين للغرفة،،،كانت مفروشهه باللون الاسود❤،،،،وجدرانا رماديةة🍂،،،،،غرفتو كبيرة وواسعه،،،ومنظرها حلوو❤،،،جاا راجع قال لي اتأخرتا عليك؟،،،قولته ليهو اا لالا،،،اداني كباية مويةة،،،قال لي عشان التوتر يخف شويةة،،،،شربتها ورجعتا ليهو الكبايةة،،،،،مشى وقف جنب بلكونتو،،،قال لي،شايفهه الشبكه دي،،،قولته ليهو اي مالا،،،،قال لي جواها شهد،،،قولته ليهو كيف،يعني،،،،لما ركزتا شويةة،،،كانت خلية نحل كبيرة💜،،،طبعا قعدتا اصرررخ،،،،قولته ليهو رائد انت مجنون،،،الخلية دي بتعمل عندك شنوو😨،،،،جاا قعد جنبي،،،قال لي اولا اسمها شهد،،،ثانيا انا قبل فترة صحيت من النوم ولقيتا،،،ماحبيت ازعجها أبدا،،،بقيت كل مرة بقيف جنبها واحكي ليها أي حاجه بتحصل معاي،،،ممكن تقولي مجنون،،،ماواعي،،أي حاجهه،،،بس ح تصدقيني لو قولته ليك أكتر حاجه برتاح ليها في الدنيا،،،هي❤،،،،،ماعرفتا ارد أقول ليهو شنو،،،بس بقيت اعاين ليهو وخاته يدي في خشمي👊😷،،،،قال لي ماتخافي منها،،،وبعدين هي شريكتنا في الغرفة،،،يعني لما انا اكون ماف،،،ممكن تفضفضي ليها عادي❤😅،،،،،قولته ليهو استحالة تكون انسان واعي،،،قال لي ههههههههههههه،،،،واعي والله،،،،بس انا فجأه لقيت نفسي بتكلم معاها،،كأنها بتسمعني،،،واساسا ح يجي يوم وترحل،،،زي ما ناس كتار عملوا معاي💔،،،قولته ليهو قصدك على تنزيل💔،،،قال لي مابظبط،،،،،قولته ليهو حسيتا ندمت لما شافتك قبيل مع واحده غيرها💔،،،،قال لي هههه بس الندم مابيفيد،،،،قولته ليهو رائد انا مابعرف عنك شي،،،،غير انك مستفز ومغرور،،ومحور الكون🌚،،،،بقى يضحك،،،قال لي وزول مسكين🌚،،،قولته ليهو بالله،،،لا ماباين،،،،قال لي ابوي اتوفى لما كان عمري 21سنهه،،،،وانا اكبر اخواني،،،قولته ليهو اخوانك؟،،،قال لي اي،،،وسام وأحمد،،،،بس ديل ماهنا،،،في ماليزيا،،،بكملوا دراسة،،،،ابوي الله يرحمو خلى لي مسؤوليه كبيرة شديد،،،،اتعلمتا شغل الادارة بسرعة ماتتخيليها،،،،وبقيت ماسك شركات ابوي،،،وسفرتا اخواني برة،،،،وحاليا متكفل بدراسة جيهان،،،شغل ابوي زمان ما كان متوسع،،،،انا تعبتا شديد،،،علشان اقدر اصل للمستوى الانا فيهو حاليا💜💜،،،،،،وأقول ليك حاجه انا مستعد اخسر اي زول بقصاد امي،،،وكم مرة ضربتا جيهان عشانها،،،،قبل كده كسرتا ليها يدها،،وماندمان،،،قولته ليهو انت جااادي😨،،،،أي نعم هي تصرفاتا ماحلوة مع أمك،،بس ما للدرجه دي💔،،،،قال لي جيهان بتعامل امي زي كأنها صحبتا ومامديها اي اعتبار💔،،،،قولته ليهو لالا،،لو بتعاملها زي صحبتا ما كان معاملتها بقت كده،،،،قال لي صحبه لصحبه بتفرق❤،،،،قولته ليهو فعلا،،،بس انت حاول اتكلم معاها ووعيها،،،ماتكون شرير معاها👊👊👊قال لي حلوة شرير دي❤،،،،،،،،طيب مانفسك تحكي لي عنك؟،،،سكتا شويةة،،،قال لي طيب،،،ح اخليك على راحتك،،،،،،قومي علشان أغير ليك ملابسك،،،قولته ليهو نعم😨💔تعمل شنو؟؟،،،قال لي مالك،،،قولته حاجهه غلط انا،،،،،قولته ليهو ب ب،،بغير براي،،بس جيب لي حاجه البسها وساعدني اخش الحمام،،،قال لي طيب يا جبانة😂😂،،،،مشى فتح الشنط حقتي،،،طلع لي جلباب قصير وشاذ😑،،،،قال لي يلا ارح،،،شالني دخلني الحمام،،،قعدني في المقعد وقال لي لو احتجتي لمساعده ناديني،،ح اخلي باب الحمام مفتوح،،،قولته ليهو طيب،،،،،،،طلعتا التوب،،،والفستان،،،ياخ حسيت روحي عايزة تطلع💔💔،،،،،،لبستا الجلباب بصعوبة،،،،،،اخدتا نفس وبقيت انادي رائد،،،،جاني،،،قولته ليهو خلصتا،،،،شيل التوب والدهب وتعال،،،قال لي طيب،،،مشى وجااني راجع،،،،قال لي لون شعرك💜،،حلو شديد،،،دا ميج؟؟،،،قولته ليهو لا طبعا،،،لون شعري كده اصلا،،،قال لي ايووة،،،شالني ورجعنا الغرفة،،،رقدني في السرير،،ورفع لي راسي بمخدتين💜،،،،بعدها غير جلابيتو،،،لبس ليهو تي شيرت اسود وشورت اسود💜،،وجاا رقد جنبي،،،،قولته ليهو بتحب الاسود؟،،،قال لي شدييد❤،،،،،بعد شوية باب الغرفة ضرب،،،رائد قام فتحو،،لقاها خالتو سارة،،،قالت لينا معليش العشاء أتأخر شوية،،،ومدت لرائد الصينيه💜، ،،،قالت ليهو تصبح على خير،،قال ليها وانتي من اهل الخير،،،،،رائد ختا الصينيه على السرير وقال لي يلا قولي بسم الله،،،قولته ليهو شبعانه،،قال لي اكلتي شنو،،،ماتخليني اتخرفن ليك واقول ليك نفسك دي ماحقتك براك🌚،،ياه ضحكني ضحك💜💜💜😹😹،،،،قولته ليهو ياسلام،،،يعني مانفسك تتخرفن؟،،،قال لي لا،،،يلا اكلي،،،قولته ليهو والله شبعانهه،،،اكل انت،،،قال لي طيب،،انا كمان شبعان،،بس قولته اجاملك،،،قولته ليهو بالجد؟،،،،قال لي بالجد،،،نزل الصينيهه،،،وجاا رقد جنبي،،،قال لي يلا تصبحي على خير💜،،،قولته ليهو وانت من اهلوو،،،،،ماعارفة الطمأنينة جاتني من وين،،،نومتاا وغرقتا في النوم❤❤،،،،،،،،،
___________
تاني يوم صحيت بيد بتمر على انفي وخدي💜،،،فتحتا عيوني،،لقيتو رائد❤،،،،قال لي صحصحي،،،صباح الخيير💜،،،قولته ليهو يسعد صباحك،،،اسي الساعه كم؟،،قال لي 8وربع،،،انا صاحي لي ساعه،،،قولته وكنتا بتعمل في شنوو؟؟،،،قال لي بعاين ليك بس💕💕،،،،،سكتا ونزلتا عيوني،،،،قال لي يلا ممكن تقومي تاخدي دش داافي،،علشان دكتورتك ح تجي كمان ساعه،،،،قولته ليهو بس انا دكتورتي مابتجي يوم السبت،،،قال لي دي دكتورة جديده،،،انا جبتها ليك مخصوص ومعاها ممرضة ح تهتم بيك💕💕،،،،،قولته ليهو شكرا ليك💕،،،قال لي عفوا ليك،،،بقيت اضحك،،قال لي ممكن تبطلي الرسمية الانتي فيها دي،،،وبعدين دا واجبي،،،،ماعاوز منك حاجهه غير تركزي على التمارين،،،وماتشتغلي بكلام الناس،،،،قولته ليهو طيب،،،،،رائد دخلني الحمام واداني غيار💕،،،،،،عن المعاناة العانيتا لحدي ما استحميت،،،،،،قربتا ابكي،،،،،ناديت رائد،،جااا شالني،،،لقيتوو برتب في الدولاب والسرير كلو ملابسي،،،قولته ليهو ح تختني وين اسي؟؟؟،،،قال لي اكيد ما ح افضل شايلك ههه،،في كرسي في البلكونهه،،،مسكتا فيهو وقولته ليهو البلكونةة لا،،،،انت ناسي انو شهد هناك😷،،،،،ابتسم💕 ويلاااه من ابتسامتو💕💕👊قال لي عامل فيها شبكهه،،،يعني النحل ما ح يصلك،،،تمام،،قولته ليهو طيب،،،،قعدني في الكرسي،،،ومشى خلص ترتيب الدولاب،،،بعدين الدكتورة جات ومعاها الممرضة،،،،اتعرفتا عليها،،،قالت لي رائد حكى لي عنك،،،وعن قصهه الشلل،،،أن شاء الله مع التمارين الح اعملا ليك ،،رجولك ح ترجع لطبيعتا💕💕💕،،،،قولته ليها ياريت ياااخ💕💕،،،،،،عملت لي التمارين وخلتني اعيدها برااي كم مرة💜،،،آخر محاولة بكيت فيها💔،،،رائد جاا جااري،،قال لي مالك في شنوو،،،قولته ليهو تعبتا،،،رائد خلاص ماعايزة تمارين تاني😭😭😭💔،،،،،قال لي طيب اهدي،،،الدكتورة قالت ليهو مرتك خوااافة،،،،هي لازم تضغط على روحا اكتر من كده،لو عايزة تتحسن❤،،،رائد قال ليها طيب بس خفي عليها شوية،،،،،قالت ليهو طيب المرة الجاية وطلعت،،،،،فضلتا أبكي 💔رائد ضماني عليهو❤ وقال لي خلاص خلاص بطلي بكاا❤،،،،،قولته ليهو ماعايزة تمارين،،،خليني كده احسسن😭😭💔💔،،،قال لي لا ماتقولي كده،،،ربنا رحيم علينا،،،،،بس انتي كمان ساعدي نفسك شوية،،،،شالني ورقدني في السرير،،،مسح لي دموعي،،،،قال لي يلا ارتاحي💜،،،باسني في راسي،،،قبل يتحرك من جنبي،،،جيهان جات فتحت باب الغرفة،،،قالت لرائد خالتو نور وتنزيل جووا تحت😻😻،،وعايزنك تنزل😻❤،،،،،رائد قال ليها طيب،،،،،عاين لي قال لي ح اشوفهم واجيك،،،قولته ليهو ماتمشي😿،،قال لي ح اشوفهم بس،،،خمسه دقايق،،،وبجيك راجع اممم💕💕قولته ليهو طيب،،،،نزل وانا غمضتا عيوني،،،وبقيت اتذكر في ماما💔💔💔،،،بعد شوية رائد جاا،،،،قال لي ايناس،،،قولته ليهو ايووة،،قال لي يلا ننزل الفطور،،،،قولته ليهو كيف انزل افطر تحت بحالتي دي💔 أمشي انت وجيب لي فطوري هنا،،،قال لي حالتك مالها؟،،،،وبعدين انا اتزوجتك علشان اكون معاك حتى زمن الاكل،،ما اي واحد ياكل براهو💜،،،،ثواني،،،مشى على الدولاب،،،جاب لي توب،،،قومني براحه،،،،اثناء مابلبسني التوب،،بقى شبه حاضني💕،،،،لبسني ليهو،،ولبسني شبشب واطي،،،،قال لي يلاااا،،،شالني وقال لي خليك ماسكه كويس❤،،،،نزلنا تحت وانا الخجل عاوز يقتلني❤❤❤🙊،،،،،،همس لي ماف داعي للخجل،،،انا راجلك ياهبلهه❤
سلام✨
