الشهد

١٢

بكيت قدرتي💔💔،،،،بعدين حاولتا انوم💔💔 بس ما قدرتا،،،الأفكار الشينه ماخلتني في حالي،،،وإحساس انو رجولي ما ح تتحرك تاني مؤزمني جدا💔💔،،،،كنتا مغمضه عيوني ودموعي نازلة💔💔،،،،،،حسيت بحركة زول في السلم،،مسحتا دموعي وعملتا روحي نايمة،،،،كان بابا،،،لانو ريحة عطرو فاحت في الغرفة💜،،،ختا حاجه في التربيزة وطلع،،،فتحتا عيوني براحه،،عاينتا على جهه التربيزة،،،كانت كرتونة تلفون💜،،،،بعد شوية ماما جات لقتني صاحيه،،،قالت لي ننوستي،،،ماقدرتي تنومي صاح،،،ابوك جاب ليك تلفون،،لانو تلفونك ما اتلقى💔،،،واتصلتا على اسامة عشان يستخرج ليك الشريحه💜قولته ليها،،تمام،،،بابا لسه تحت؟؟،،،قالت لي رجع بيتو عشان يرتاح💕،،،ووجن كمان رجعت،،،بس في رائد،،،قال عاوز يطمن عليك💜،،،قولته ليها ماعايزة اشوفو،،،قالت لي ليه بس،،،،ايناس،،رائد كان خايف عليك لدرجه ماتتخيليها💕✨،،،،انا شفتا الحاجه دي في تصرفاتو وعيونو❤،،،قولته ليها ماما بليييز خليني براحتي،،،رائد يستاهل واحده كامله❤ ماناقصهه💔،،،قالت لي ماتقولي على نفسك كده💔،،،انتي الف مين يتمناك،،،،قولته ليها زمان،،،ما اسي💔،،،،قالت لي ايناس،،،قولته ليها ماما انا راضيه باللي فيني❤،،،بس كمان ما ممكن اكون انانية،،،،علشان كده لازم اخلي رائد،،،وكل واحد يشوف طريقوو💜،،،،فجأه باب غرفتي اتفتح،،،،كان رائد،،،،قال لي بس انا عايز طريقنا يكون واحد❤،،،،ماما قالت لينا طيب بعد اذنكم،،،،نازلة أشوف الدكتورة اتأخرت ليه،،،،بعد ماما نزلت،،،رائد جرا ليهو كرسي،،،وختا يديني على خدودو،،وفضل يعاين لي💜،،،،قولته ليهو بتسحرني❤❤👊👊،،،قال لي ههه،،،طيب ما ح اعاين ليك،،،قولته ليهو رائد انا ماعايزة اتزوجك،،،انا خايفة يجي يوم وو....قال لي وو أقول ليك ندمان أني اتزوجتك،،أو اتحملتك صاح؟؟،،،قولته ليهو صاح،،،قال لي ح ابقى ما راجل لو قولته ليك كده،،،قولته ليهو وانت حاليا علشان راجل عاوز تتزوجني وماتخزلني،،،شكرا بس انا ما محتاجه شفقه منك💔،،،قال لي انتي ليه معتبره الحكاية كده،،،،،قولته ليهو علشان هي فعلا كده،،،،،ماف تفسير غير كده،،،قال لي بس انا عندي تفسير تاني💜،،،بس ماعاوز اقولو اسي،،،،كل حاجه في وقتها حلوة❤قام طالع،،،،،،قولته ليهو رائد،،،قال لي نعم،،،قولته ليهو ولا شي،،،،بقى يضحك💜،،،،وطلع من غرفتي،،،،،،كان لابس ليهو بنطلون كحلي وقميص كحلي نفس الدرجةة،،،وفاكي كم زرارة❤،،،،،،سرحتا شوية،،وغرقتا في النوم✨💕💕،،،،،،،،،،،،،،مرت الايام والدكتورة كانت بتجيني تلاتة مرات في الاسبوع،،،بتعمل لي علاج طبيعي،،،،،كنتا بضغط على نفسي شديد💔💔،،،،وبعد هي تمشي بحاول اعيد التمارين براي❤،،،،،،،بعد حكاية اسبوع،،ريم ومهند،،،ونص دفعتي من ناس،الجامعه💕❤ومي جات من شهر العسل،،أول ماشافت حالتي قعدت تبكي زي الشافعه💔💔💔💔،،،يوم بالصباح تلفوني رن،،،رفعتو بدون أشوف الاسم،،،قولته الو،،،،،جاني صوت رائد وهو بقول لي،،،الله على جمال صوتك💜فتحتا عيوني،،،وصحصحتا شويةة،،،قال لي الو،،قولته ليهو اي معاك،،،قال لي ههه مقاس رجلك كم؟؟،،قولته ليهو هم وينهم رجولي💔قال لي جاوبيني بس،،،قولته ليهو 38،،،قال لي رجلك حقت اطفال ياخ،،،،طيب بتصل عليك بعدين،،،،فقلتا منو،،،ورجعتا نومتااا،،صحيت بعد الضهر بصوت جوطةة،،،،اتصلتا على ماما،،،ردت لي بحبيبي،،،قولته ليها دي شنو الجوطة دي،،،قالت لي جابو شيلتك،،،قولته ليها ماما انا جاده،،،قالت لي انا كمان جاده،،،جابو شيلتك،،،،بقيت في حالة عدم استيعاب،،،قولته ليها شيلة شنو،،،دا كلام شنوو دل؟؟،،،قالت لي انا متفاجأه زي زيك،،،،كده برجع ليك،،،قفلت الخط،،وأنا بقيت قاعده على اعصابي😪💔،،،،،،،بعد شوية ماما جاتني ومعاها خالتو سارة،،،،،،،،،لما شفتها ابتسمتا ليها،،،جات قعدت جنبي،،،قالت لماما جايه أسوق مرت ولدي يا اية💜💋،،،،قولته ليها في شنو ياخالتو سارة،،،قالت لي رائد طلب يدك من ابوك،،،وعقدكم الجمعه الجاية دي💕،،،انا يابتي والله ردتك ودخلتي قلبي💋💋💕،،،،وماعايزة غيرك لولدي💜،،،،شوفتا فيك ام اولادو،،وبتي الماجبتا زيها❤،،،،قولته ليها يا خالتو سارة كلامك على العين والراس،،،بس انا ماعايزة اظلم رائد،،،،،،مقدرة تعاطفكم معاي،،،بس والله صعبه،،،صعبه علي شديييييد💔،،،قالت لي ماتقولي كده،،،كلامك دا بزعلني،،،،رائد ولدي وانا عارفاهو،،،لو عارف نفسو ماقدر مسؤوليتك،،،كان أعتذر ليك زمان،،،،،وكان ما جازف،،،بس هو شكلو عندو حاجه ليك،،،ومتمسك بيك💜💜💜،،،،،نزلتا راسي،،،،وفضلتا ساكته،،،باست راسي وقالت لي الله يرضى عليك يابتي،،،وبالمناسبه جبتا ليك الشيلة على ذوقي❤❤ماما قالت لي شيلة الهنااا💜💜،،،،بعد نزلو،،شلتا تلفوني واتصلتا على رائد،،،،أول ما ردا،،،قولته ليهو انت بتتصرف على كيفك،،،عقد وشيلة،،،رائد ماممكن معاك ياخ،،،،الغي اي حاجه،،،افهم يابشر انا ماعايزااااااك،،،،سكتا مسافة مستنياهو يتكلم،،،قال لي خلصتي؟،،،،ما رديت ليهو،،،قال لي افهمي يااااا بشر،،،انا عايزك❤،،،،وعلى فكرة كلمة بشر طالعه منك زي الشهد💕،،،قولته ليهو شهد في عينك،،،،قفلتا الخط في وشو،،،اتصلتا على اسامه،،،قولته ليهو تعال لي انا محتاجاك😭💜💜💜،،،،قال لي مالك في شنووو،،،قولته ليهو تعال بس😭💕،،،قال لي طيب مسافة الطريق بس،،،،،

______

جاني بعد ساعه،،،لقاني نافخه وشي،،،قال لي مالك وقعتي قلبي،،،في شنو،،،قولته ليهو جابو شيلتي،،وعقدي الجمعه الجاية،،،قال لي عارف😹،،،وين الجديد،،،قولته ليهو كيف يعني عارف،،،قال لي يعني عارف،،رائد كلمني وابوك كلمني💜💕،،،وزي ما قولته ليك الولد مزة ابن مزة،،،واخلاقو انضف من حياتي وحياتك😹😹👊،،،،يعني من الاخر عريس مابترفض،،،الا لو انتي مجنونه،،أو متخلفه عقليا😹😹،،،،قولته ليهو سمسم،،رائد بعمل كده بدافع الشفقه،،،قال لي لا والله،،،انا قعدتا معاهو،،،طريقة كلامو عنك مابتوحي بكده خالص،،،وصدقيني لو كان بكذب في حرف بس انا كان عرفتو💕،،،،قولته ليهو طيب انا خايفة،،،خايفة عديل كده،،،،قال لي بطلي أمور البايرات دي😒،،،ماف حاجه بتخوف،،،انتي المفروض تكوني مطمنه،،،،،،لانو معاك راجل❤ ماكيس جوافة👊👊،،،،قولته ليهو هو من ناحية راجل فهو راجل،،،بس......قال لي ماتبسبسي😒👊👊،،،اصلا الفارغة اتحسمت❤❤💃،،،،قولته ليهو بطل،،،قال لي أمور القونات👊👊😹😹😹😹،،،،انا راجع الاوتيل،،،نتلاقى،،قولته ليهو تمام،،،،،،،ماما جات شايله شنطة ومعاها مي وفاتن وخالتو هاجر،،،شايلين شنط✨،،،،قولته ليهم ديل شنوو،،،مي،قالت لي الشيله،،،ماشاء الله رهيييبة❤❤،،،وبقت تطلع لي في التياب والشباشب وارواق النوم😷وملابس البيت،،،،فاتن قالت لي عقباااااالي يارب،،،قولته ليها اتلهي خلصي جامعتك أول،،ماتبقي زي ناس،،،مي حمرت لي😷😹😹👊،،،ماما قالت،،اها موضوع حفله الحنه كيف،،،قولته ليها حنه شنوو،،ماعايزة اي حنه انااا،،،،،قالت لي انتي جنيتي،،،قولته ليها بالجد والله،،،وماعايزة اعمل زفاف،،،،خالتو هاجر قالت لي ليه كده يابتي،،،قولته ليها البس زفاف واقعد في كرسي متحرك،،،ما عاوزة😹😹،،،ماما قالت لي طيب تمام،،،بس غصبا عن عينك ح اعمل ليك جرتق😒قولته ليها،شرط يكون في البيت،،،قالت لي لا طبعا،،في صالة وماعايزة نقاش،،قولته ليها ياماما😟،قالت لي هسسسس😒👊،،،،،،،مي قالت لي يابختك برائد💕💕،،،قولته ليها ايشمعنا😷،،،قالت لي بنات اهلنا بحلموا بيهو حلم اقسم بالله😹😹😹💔،،،سبحان الله طلع من نصيبك❤❤❤💕،،،،قولته ليها يحلموا ويلقوا العافية،،،انا كمان سبحان الله بحلموا بي💃❤،،،ماما قالت لي بايرة😹😭😹😭😹😭😹😭،،وطووول عمرك سنقل😹😹❤،،،،فضلنا نتونس ونضحك الليل كلووو❤❤💕،،

______

تاني يوم،،كان يوم تلاتاء صحيت بحركة زول في الغرفة،،فتحتا عيوني لقيتو رائد،،قال لي صباح الخير،،رديت ليهو بإبتسامة صباح النور،،،فجأه النوم طار من عيوني وبقيت اصرخ،،،قولته ليهو رااااائد،،اطلع برة،،،كيف تسمح لنفسك تخش علي وانا كده،،،جريت الملاية واتغطيت،،،كنتا لابسه فنيله رماديه كت😷❤و شعري طاير،،،،حالتي كانت صعبه،،بقى يضحك فيني،،،قال لي عادي عادي،،،،اصلا كلها ايام ويكون الوضع بينا عادي،،،،قولته ليهو ههسسس،،،أمشي اطلع برة،،،كان ماسك علبة في يدو،،،قعد جنبي في السرير وفتح العلبة،،،مسك يدي الشمال،،،لبسني 6غوايش❤،،ومحبس وساعه✨،،،وطلع السلسل،،كان عاوز يلبسني ليهو،،،رجع غير رايو،،،قال لي البسي براك،،،،بما انك قولتي مابتحبي الدهب،،،جبتا ليك حاجه بسيطه بس❤،،،،،ماعايزك تطلعي الدهب دا نهائي💕❤،،،،حلو عليك💕💜،،،،،قولته ليهو رائد اطلع بررررة،،،،ماشايف شكلي،،،حرام تشوفني بالمنظر دا،،،يلا برررة،،،قال لي طيب طيب،،،،،طلع بره وقفل الباب،،نزلتا الملاية مني،،واخدتا نفس،،،تاني جاا راجع قال لي متأكده عاوزاني امشي🌚،،،قولته ليهو بصرخه رااائد،،،وفنيتو بالجداعه،،بقى يضحك طلع وقفل الباب،،،،،،ابتسمتا،،ورجعتا اتغطيت💕💕😹😹

سلام✨