တဖြည်းဖြည်း နာမည်ရလာသည်နှင့်အမျှ Ent သည်လည်း နာမည်တက်လာသည်။ ထို့ကြောင့် Ent ဆီဝင်ချင်ကြသူများကလည်း များပြားလာ၏။စေ နှင့်ကိုထွဋ်သည်လည်း ထိုကိစ္စနှင့်ပတ်သတ်ပြီး အလုပ်ရှုပ်နေကြသည်။
အကြောင်းသည်ကား လူသစ်ရွေးပွဲ ကျင်းပရန်..။စေ တို့ စီစဉ်ကြသည်ကား..Ent တွင်သရုပ်ဆောင်ပိုင်းအပြင် ဂီတ ပိုင်းပါ ထားကြရန်ဖြစ်သည်။
ဂီတပိုင်းတွင်ကျွန်တော်တို့ကဲ့သို့ piano,violin စသည်ကျွမ်းကျင်သူများအား သပ်သပ်၊ vocal ပိုင်းအား သပ်သပ်..၊ ထို့ပြင်band များ..၊ dancer များအား သပ်သပ်မွေးထုတ်ပေးကြရန်စီစဉ်နေကြသည်။
သို့သော် စဉ်းစားသည်ထက် လုပ်ကိုင်ရသည်က ပိုခက်သည်မဟုတ်ပါလား..။ ထို့ကြောင့်တစ်ပိုင်းစီ ခွဲကာ လူရွေးပွဲ ကျင်းပနေကြသည်..။ ထို့ပြင်composer များအားလည်းရွေးချယ်ခေါ်ယူနေကြသည်။
ရွေးချယ်ပြီးသည်နှင့် Ent မှ စာချုပ်နှင့်ခေါ်ယူ ထားကြသော ပညာရှင်အသီးသီးများကလေ့ကျင့်ပေးကြသည်။ရွေးချယ်ပွဲကိုမူ show တစ်ခုအနေဖြင့်ရိုက်ကူးတင်ဆက်သည်ဖြစ်ရာ အသုံးစရိတ်နှင့်ဝင်ငွေကား မျှတလျက်ရှိနေ၏။
ထိုသူဌေးနှစ်ယောက်အလုပ်လုပ်ကြပြီဆိုလျှင် ထောင့်စေ့အောင်စီစဉ်တတ်ကြလွန်းသည်ကိုတော့ မချီးကျူးပဲမနေနိုင်ပါ..။
ထိုသို့ အလုပ်များ မူးနောက်နေအောင်လုပ်နေရင်းကြားထဲမှ စေ က ကျွန်တော်နှင့်လာတွေ့ဖြစ်အောင်လာတွေ့သည်။ သို့သော်လည်း စကားလေး လေး၊ ငါးခွန်းပြောပြီး ပြန်ပြေးရသည်ကများသည်။
ကျွန်တော်ကမူ စေ အလုပ်ကြောင့်foreign ထွက်ရလျှင် ပွဲတစ်ခုခုတိုက်နေ၍ လိုက်မပို့ဖြစ်တတ်သော်လည်း စေ ကမူ ကျွန်တော် ပြည်ပထွက်ရလျှင် မဖြစ်ဖြစ်အောင်လိုက်ပို့တတ်သေးသည်။
ယခုလည်း အလုပ်ကြောင့်စင်ကာပူပြေးရပြန်ပြီ..။စေ တော်တော်ပင်ပန်းလွန်းနေချေပြီ...။ ယခုမူ ကိုထွဋ်က ပြောစရာရှိသည်ဟုဆို၍ ရုံးခန်းထဲသို့ သွားလိုက်သည်။
YOU ARE READING
"စေ" (SEASON-1) {Unicode}+{Zawgyi}
Romanceတစ်ချို့သောပေးဆပ်ခြင်းနဲ့ချစ်တဲ့အချစ်လေးတွေက အားလုံးထက်ပိုလှနေတတ်တယ်....