"လွမ်း..."
"အင်း..."
"လွမ်း...တစ်ခြား... Ent တစ်ခုဆီ သုံးနှစ်သွားနေရမယ်..."
"ဗျာ.....!!"
"အင်း.. French က Ent နဲ့ ခဏ စာချုပ်ချုပ်ပေးရလိမ့်မယ်..."
"စေ..! မ.. မနောက်ပါနဲ့..။ ဘာကပြဿနာတွေဖြစ်နေလို့လဲ..။ ကျွန်တော့်ကို ကာကွယ်ဖို့လား..?
ဒါဆိုရင်တော့ မလုပ်ပါနဲ့..။ စေ.. ကျွန်တော်ကစေရဲ့ ဘေးနားလေးနေခွင့်ရရင်ကို ကျေနပ်ပါပြီ...။.ကျေးဇူးပြုပြီး စေ ရဲ့အဝေးကိုတော့ တွန်းမထုတ်ပါနဲ့.."
ကျွန်တော် သွေးရူးသွေးတန်းဖြင့် စကားများစွာကို ဆက်တိုက်ဆိုနေမိသည်..။
~~ ဟင့်အင်း စေ..။ အခုမှ ငါ့တစ်ဘဝလုံးမင်းကို ပုံအပ်လိုက်တာလေကွာ...။ အရာရာကို လျစ်လျူရှုရင်း ဖြတ်သန်းချင်သလိုဖြတ်သန်းနေတဲ့ ငါ့ဘဝကို မင်းက လာချယ်လှယ်တာလေ....။
အခု မင်းချယ်လှယ်လို့ ဝမှ ငါ့ကို ထွက်သွားပါတော့တဲ့လား..။
စေ..ငါ ဘဝဆိုတာကြီးကို ဂရုမစိုက်ပဲ တစ်ယောက်တည်းအရွဲ့တိုက်ဖြတ်သန်းလာခဲ့တာ..။ အဲ့တာက မင်းနဲ့မတွေ့ခင်လေးပဲ..။
မင်းနဲ့တွေ့တော့ အဲ့ဒီဘဝဆိုတာကြီးကို ဂရုစိုက်တတ်အောင်သင်ပေးခဲ့တယ်..။ ပျော်ပျော်နေတတ်အောင်သင်ပေးခဲ့တယ်..။ အခု နေတတ်ထိုင်တတ်ရင်း ဂရုစိုက်တတ်လာတော့မှ ..၊ ငါ့ဘဝကြီးတစ်ခုလုံးနဲ့မင်းကို ပုံချစ်မိတော့မှ.. ထွက်သွားတဲ့လား...
စေ.. မင်းရဲ့ အတွေးတွေကို ဘယ်တုန်းကမှ ငါမဖတ်တတ်ခဲ့သလို.. မင်းဘာဖြစ်ချင်နေမှန်းလဲ ငါဘယ်တုန်းကမှ မသိခဲ့ဘူး...။
အခုရော.. ။ ဟင်..! အခုရော မင်းဘာတွေကြံစည်နေတာလဲ..။ ဘာအတွက်ငါ့ကို တွန်းထုတ်ချင်နေတာလဲ...~~
"လွမ်း.. ကိုယ်တောင်းပန်ပါတယ်..။ မင်း သူတို့ဆီ ခဏ သွားအလုပ်လုပ်မှကို ဖြစ်မှာ.."
~~ လွမ်း..တောင်းပန်ပါတယ်..။ ကိုယ်ဘယ်လောက်အားတင်းပြီးပြောနေရလဲ လွမ်းမှမသိတာ...~~
YOU ARE READING
"စေ" (SEASON-1) {Unicode}+{Zawgyi}
Romanceတစ်ချို့သောပေးဆပ်ခြင်းနဲ့ချစ်တဲ့အချစ်လေးတွေက အားလုံးထက်ပိုလှနေတတ်တယ်....