#MAHMOUD
فضلت قاعد مستنيهم كتير اوي الصراحه وانا بزهق بسرعة ، هما طلعو يحررو سينا ولا ايه ؟!!
_محمووود افتح الباب بسرعه
"ايه ده يانهار اسود فيه ايه؟"
علي بعصبية:افتح الباب يا غبي
فتحت الباب و ركبت نادية و چنى على حِجرها فاقدة الوعي و أنور قعد جمبي
قولت بقلق"رايح فين يا علي"
علي:هاخُد چوانه و عمار ، روح انت الحق چنى
"ماشي ماشي"
وطلعت جري بالعربية على المستشفى ، ما هو إحنا مبقاش ورانا غيرهم !
#ALY
"اخلصي يا چوانه بقا صدعتيني !"
چوانة بعياط:خايفة يا علي عليها اوي ، انا السبب انا السبب
"طب هو ايه اللي حصل"
چوانة: كان عندنا فار فنادية حطت جبنه تركي و عليها سم و انا مفهمتش ان عليها سم فحطيتها في التلاجة و چنى جت وكلتها
رديت بصدمه"احييه يخربيتكو !"
چوانة كملت لبس لعمار وهي بتعيط
"طب هاتي عمار انا البسُه الشوز بتاعتُه"
_خد وانا ... احيييهه انا مش لابسه الطرحه
طلعت جري على أوضتها فضحكت"دخلت قلبي و استربعت بنت الجزمة"
عمار:امنمنماا
"يابني قول علي بقا وريحني"
عمار بصعوبة:آعيي
بوستُه وقولت"والله احلى مرة سمعت اسمي فيها ، يا ترا هيمعها من ابن اختي ولا هيطلع ابن جزمة شبه اختي !"
ضحك و مردش
"بتضحك ؟! مش مهم اضحك انا بحب ضحكتك يا صغنن"
چوانة:انا جيت يلا بينا بسرعة
"لا ما هو انا مش معايا العربية استني اطلب أوبر"
جوانة بعياط:طيب بسرعة والنبي
"ماشي بس اهدي والنبي بقا"
أومأت براسها فا دخلت البلكونة أطلب أوبر ..
"يلا يا جوانة الراجل وصل"
جوانة:حاضر يلا
جت تشيل عمار فخدتُه منها
جوانة:شكراً
رديت بإبتسامة"ديماً في الخدمة"
ونزلنا
#MAHMOUD
دخلت المستشفى شايل چنى لإن أنور كان قاعد يسكت نادية !
"افتحلي أوضة العمليات بسرعة"
_حاضر يا دكتور
حطتها على السرير وخدوها وانا دخلت أجهز نفسي علشان أدخلها.
