چنى بعصبية مبالغ فيها:انتَ بتمد ايدك عليا؟؟ ، انتَ تعرفني علشان تقرب مني اصلاً ؟!!
بصلها احمد بصدمة:هو ايه اللي تعرفني؟ چنی انا ابوكي
چنی بعصبية:هيهيهييي *** يابويا
احمد بعصبية:لا ده انتِ محتاجة تربية من اول وجديد
چنى:نعم وانتَ مالك؟ انتَ ليك عين اصلاً تقف قدامي انتَ و ال*** اللي وراك ده؟ ها رد علياااا زعقت: ماترد ساكت لييه بقولككك رددد
چوانة بخوف:والنبي يا چنى خلاص بالله عليكي تهدي
چنى بعياط:اهدى؟ اهدى ازاي و هو واقف بكُل بجاحة يتكلم عن تربيتي ، اهدى ازاي وهو جاي بعد كاااممم سنةةة يضربني بدل ما ياخُدني في حضنُه و يقولي حقك عليا كملت بعياط:عارف يا بشمهندس؟ انتَ دمرتني و بدأت تصرخ: دمرتناااايييي والله دمرتنيييي
قرب منها محمود ومسكها من إديها بحنان:چنى خلاص هو هيمشي بس اهدي
بصتلُه بعياط:دمرني يا محمود والله تعبت كتير بسببه
مشى بيها نِحية السلم وفضل يهديها:ششش خلاص هدي نفسك كدا كدا اللي فات مات وضحك:انا لو اتكلمت تاني ههيجك اكتر انا ببقا بأف في المواقف ديه
ضحكت:لا مانا خدت بالي
محمود بضيق مصطنع:ياربي ما كُنت عطيتها إبرة الهوا و خلصنا ، بس مش مهم طلاما ضحكتي
چنى:لا انا متعودتش على الحنية ديه
محمود ببرطمة:هو فعلاً خيراً تعمل شراً تلقى وبصلها بضحك:ده انتِ تستاهلي الحرق !
چنى بضحك:محمود انتَ جميل اوي وانتَ بتضحك
محمود:وانتِ مش حلوة وانتِ بتعيطي ، خليكي بتضحكي على طول ضحكتك جميلة اوي ما شاء الله
بصتلُه بكسوف فقال بهمس المفروض انها مسمعتهوش:يانهار زي وِش علي وأنور قولت مش عايز احبها لما اتجوزها امال مالي ريلت عليها قبل الجواز ليه !
علي:وايه دخل وشوشنا في الحوار دلوقتي يا حودا
محمود بإحراج:هَه ! ، مسمعتونيش صح؟
چنى بضحك:لا إطلاقاً
أنور:كذابة في أصل وشك ده دخلة العمارة كلها سمعتُه
نادية بضحك:اتفق وبشدة
چنى:طب انا عايزة اطلع بيتي فا اتكلو بقا
أنور بَص لنادية:قليلة الذوق صاحبتك دية
عمار:مَممم
علي:يا جماعة فهموني هو طالع مفجوع كدا لمين ، عمار يا حبيبي هو انا مكتوب على وشي طفح؟
ضربه على وشُه فقال علي بضحك:انتَ محترم اوي ياسطا والله
بصلُه بعصبية:آعيي
