~داخل غرفة چنى في المستشفى~
محمود:برا لو سمحتو بقا
قامو كلهم بس محدش فاهم حاجة غير علي و أنور فقالت نادية بهمس لأنور:هو مالو ابن المجنونة ده؟
محمود بسخافة:سمعتك على فكرة
چوانة بإستغراب:احم طيب يلا بينا يا جماعة ، انا اصلا عايزة اتطمن على عمار
علي:ايوه يلا بينا
وطلعو من الاوضة فقالت چنى:ممكن تفهمني هو فيه ايه؟ ، احنا منعرفش بعض الا من اربع اسابيع بالكتير فا جواز ايه اللي بتتكلم عنُه بقا !
رد بجمود:اكيد انا مطلبتش ايدك حُباً فيكي
قالت بدعاء:ربنا يحرق لسانك يا محمود يا ابن ااا اسمك محمود ایه؟
محمود:محمود حسن
ردت بشُكر:اها اوكي ميرسي ، ربنا يحرق لسانك يا محمود يا إبن حسن قادر يا كريم
محمود بإبتسامة:شكراً والله مش عارف اقولك ايه
ردت بعصبية:متقولش حاجة !
_حاضر وسكت
قالت تاني بعصبية:انت ساكت ليه
_لاء بِت ! انا خُلقي ضيق
_هاتلك واحد مقاسك
_اها شغل مسرحية كدا اوكي و القلش المنتن ده إبعديه عني
ردت بإبتسامة:انت شكلك يضحك اوي وانت متعصب
بصلها بإستغراب فقالت بتفهُم:ها يا سيدي عايز تتجوزني ليه؟ ، انا عارفة اني قمر و ألف مين يتمناني بس قولي احب اسمع
ضحك عليها فقالت:يلا يا محمود بقا
محمود:بُصي مراتي اللي هي مامة فا ..
قاطعتُه بعصبية:لا يا باباااا عايز تتجوز علشان تخلي طليقتك تغیر عليك وتيجي تعيط تحت رجلك وتقولك حرمت يا حودا حرمت !؟ انسى اني اوافق انا لن ولم اوافق على هذا القرار ابداً ده غير بقا ان ...
قاطعها بحدة:انتي هتخرسي ولا أفقعك إبرة هوا واهو نبقا خلصنا منك !
قالت بمسكنة مصطنعة:محمود انت بتعاملني معاملة قاسية اوي
_انتي شايفة انك تستاهليها ولا لاء؟
عنيها دمعت فقال بإستغراب:حصل ايه انا مش قصدي ازعلك
عيطت أكتر فقرب منها وقال:مالك يا چنى حصل ايه؟
_تعبانة اوي يا محمود
محمود بإستغراب:تعبانة ازاي انتي يعتبر مش حاسة بحاجة
_مش جسمي اللي واجعني انا ... انا بس مخنوقة ، مخنوقة وحاسة اني مش عارفة اتنفس ، انا مضايقة اوي
