،،،،،،،،،،،،تماره،،،،، ،،،،،،،،،
بعد اسبوعين ...
يونس ومهدي كملو شغلهم وخالو كال سمعت
المدارس بغداد فتحوهاوالطلاب كامت تداوم
اني راح اروح لبغداد اجيب نقلكم واجي لازم
تكملون دراسه خالي ميصير تضلون كاعدين
مستقبلكم اهم كتله لعدليش منرجع لبغداد مادام
فتحو المدارس يعني الوضع زين مقبل خالي وكال
هذه الكلام شيلي من راسج وخلوها حلقه باذنكم
انتم الاثنين اني لو اموت مااتيهكم ابغداد لان انتم
من ريحه اختي وبعدين وين والمن ترحون اشو
بيتكم وماعاد الكم كتله لعد خل خذني وياك والله
اشتاقيت لبغداد ولمنطقتنه كال خالي ممنوع محد
يروح من تهده الاوضاع كولش وبغداد تصير امان
اني اخذكم بايدي واجيبكم هسه بس اني اروح وارجع
ثاني يوم من الصبح كعد خالي يريد يروح ودعته زوجته
....ام مهدي حبيبي دير بالك على نفسك وارجع النه بالسلامه
....لتخافين عيوني الحافظ الله وان شاء الله ماكو
شي وديري بالج عالبيت ياسر والبنات امانتج
.....ان شاء الله بعيوني تروح وترجع بالسلامه
راح خالي وعده اليوم بشكل عادي يعني نفس
الروتين ولليل مارجع خالي هوه كايل لزوجته اذا
تأخرت ليضل بالكم معناهه مالحكت اجي ابات
بالفندق وثاني يوم ان شاء الله يمكم ضلينه بإنتظار
خالي ثاني يوم بالاربعه العصر يالله وصل بس شكله
حزين ومهموم حضرتله زوجته الاكل كالها شيلي
مااشتهي اكلت بالطريق كلتله لعد شصاير وياك ليش
هيج مهموم مكدرت تجيب نقل كالها لا جبت النقل بس وسكت
باوع علي كال توته صيحي على ياسر وتعالو طبعا
اني كولش خفت بس صحت على ياسر واجينه يمه
....خال خوماكو شي
......بابا اسمعوني زين الموت والحياة بيد رب
العالمين مو بدينه وهذه الشي لازم نتقبله تمام كلامي
.....تمام خالو بس مفهمنه شي
......ياسر خالو صاير شي
مااجه على بالنه جدو ابد مع ماهوه جان كولش
تعبان من تركنا قبل كم شهر
أنت تقرأ
((((تماره ))))) للكاتبه Entethar
Chick-Litاحيانا الحياة تنطيك كولشي لدرجه متخليك تعرف شنو معنه الحزن تعيش بين اهل وناس يحبوك وحياة سعيده وضع مادي جدا ممتاز وماناقص عليك شي مايخطر عالبال اي شي موزين ومايخطر عالبال انو الحياة مثل ماانطتك كولشي هم ممكن تاخذ منك بلحضه كولشي مثل ماصار ويه...
