متاهة مشاعر

﮼البارت،الأول

#متاهة_مشاعر

للكاتبة_ مهرة

سارة من بغداد عمرها ١٩سنة طالبة خامس ادبي بس متحب الدراسة لان تحس الدراسة قيود و مفروضة عليها ..
أم سارة : سارة ماما اشو گعدي الساعة سبعة و ربع يله لتتأخرين ع الدوام
سارة : اووو ماما اليوم عرس وسام ماريد اداوم حتى مريم متداوم
ام سارة : لج ماما مريم اخوها متزوج انتي شكو ! يله بسرعة لتخليني اعصب من الصبح
سارة: گايمه ماما اغير ملابسي و انزل
اوووف ياربي يمته اخلص من المدرسة اريد اشبع نوم ...
خسلت ووبدلت ملابسي لبست حجابي ونزلت لگيت ماما و بابا ديتريگون
صباح الخير
صباح النور

تريگت وطلعت من البيت .
طبعا سارة بنيه حلوة، لون بشرتها ابيض، عيونها احلى مابيها، وساع و لونهم بني، شفايفها مليانه مرسومات رسم، طولها وسط وجسمها حلو كلش، شعرها اسود ناعم طويل .
خلصت الدوام و رجعت وصلت لبابهم شافت هوسه بالباب مال جوارينهم الي مقابيلهم فرحة وعرس تعرفون العراقيين بالأعراس ثنين معرسين والمجانين الفين ههههه
وسام : بالباب لج سارة شكو اليوم مداومه انتي مو تعرفين اليوم عرسي !
عايفه مريم وحدها
سارة : ياخي غير ماما مقبلت اني لو عليه اداوم ؟!!
هسه اتغده و ارتاح شويه و اجي
سارة : ماما فدوه غده بسرعة حتى اروح لمريم
ام سارة : دروحي غيري ملابسج وحصبلج ، حتى نروح اني وياج خطية انساعدهم
سارة: اكلت وبعدين حضرت نفسي اني و ماما ورحنا البيت ابو وسام جوارينه
مريم : ست سارة هسه يله جايتني ذن كل وحدة حايرة بجهالها واني الشغل عليه

للكاتبة _مهرة
@mohra_9_30
‏
سارة : يله ولايهمچ هسه نخلص كولشي
خسلنه المواعين و نظفنه وخلصنه قبل الزفه بساعة
سارة : مريم اني لح اروح اغير ملابسي وارتب نفسي مبقى شي للزفه
مريم :اوك يله اني هم هشكل حسوي
ساره: لبست فستان وردي غامق مخصر
وحجاب نفس اللون بس مشجربأسود حذاء عالي اسود خليت مكياج خفيف خلت كحول و مسكارة أتحب تهتم بعيونها و ملمع شفه
باوعت لنفسي بالمرية وبتسمت أبتسامة رضى رجعت لمريم ، ها مريم اشو بعدج ممتحضرة !
مريم : متشوفين كل واحد يصيح من صفحة ، اخذي هذا الشسوار انطي لوسام ديبدلوله بالغرفة فوك
سارة :منو يمه ؟
مريم : لج دروحي منو يمه قابل، ودي ورجعيلي حتى تمكيجيني
سارة : اوك
صعدت دگت الباب صاح وسام منو گُتله اني سارة هذا الشسوار وسام
وسام :تعالي ادخلي
سارة: دخلت و جمدت بمكاني ،  لان تفاجئت چانو اثنين ولد يمه واحد لابس دشداشه بيضة و غترة بيضة وعگال وبيدة مسبحه، و الثاني هماتين دشداشة بيجي وغترة جوزي مشجرة ولافها على راسة

للكاتبة _مهرة
متاهة_مشاعر
@mohra_9_30
‏