متاهة مشاعر
للكاتبة مهرة
عمو اريد اروح لأهلي ، عمو و عُمر اثنينهم شالو راسهم ، عُمر باوعلي و رافع حاجبه معاجبه ، و عمو گالي يمته تردين ترحين ،
اني سكتت ، لان ماريد أبقى ولا اريد اضغط على عمو لان اعرف بي مشغول گال
:عجل اليوم أوصي الولد ع المعرض و باچر من الصبح نطلع
كملنه الغدة وصبيتلهم چاي نظفت المطبخ و دخلت لغرفتي خليت راسي ع المخده اتذكرت الي صار ، جسمي كزبر واخذتني الرجفه واني اتذكر عُمر وشلون چان يبوسني ، أنفاسه ، و ريحته ، و سؤال واحد چان يدور بعقلي ، ليش هشكل سوا ؟!
مو هو نفسه الي مچان طايق شوفتي اول ما رجعت ؟!!
صعدت لغرفتي وانه افكر ليش تريد تروح لأهلها ؟!
لأن فشلتها گدام نور و كنعان لو لأن بستها ، اوووف ... ضوجتني بهاي سالفت روحتها الأهلها ، بس بعد طعم بوستها على شفايفي ، أبتسم لا اردياً من اتذكرها
:العصر طلعت من غرفتي ، وهو نازل من غرفته مبدل باوعلي بطرف عينه وطلع ، وره ساعة خابرتني رنا
:الووو
: هلو رنا
: هلو سارة يول صدگ تردين ترحين لأهلج
: اي ، بس منو گلچ
: عُمر چان يمي و گلي ، سارة حبيبتي اريد اوصيچ على شي
: أئمريني
: فدوه لگلبچ أحبيبه ، اريد تچبيلي فستان و حذاء و حجاب على ذوقچ و مقاسچ ، اريد كشخه مال عرس كامله
: اي بس أنتي مو نفس مقاسي !!
: لا انه تچبيلي مقاسي ،لان تعرفين عرس زياد مبقه عليه شي و الثاني على مقاسچ أريده هديه لوحدة
: هااا ماشي تدللين
: شكرا أحبيبه راح اتعبچ وياي
: ديله امشي تره متلوگلچ هاي الرسميات هههه
: عابت والله بس الصوچ مو بيچ بيه انه عود احترمچ هههههه بس انتي مو وجه احترام يله باي
:باي
رحت حضرت غراضي الي أخذهم وياي الي و لزيون
بالليل تعشينه و شربنه چاي و بقينه گاعدين اني وعمو و عمتي وزيون يفتر بيناتنه
أم عُمر : محمد شو خابرو لعُمر ليش تأخر
عمو شال تليفونه و تصل بي
:ها يابه أنت وين
:عجل سلمنه عليهم ، الله وياك
:ها وينه
:يم بيت عمه صباح ، يله انه گايم أنام باچر ورانه طلعه من الصبح
:من سمعت عمو يگول يم بيت عمه صباح ما اعرف ليش ضجت ، أكيد راح يراضيها علمود الغرفه خاف زعلت ، بس اني باقي يزمخ عليه ...
عمو و عمتي راحو نامو واني اخذت زيون و دخلت لغرفتي بقيت اتفرج ع التلفزيون و سويت ممه ليزن خليته بفراشه نام ، باوعت الساعة بالوحدة ، ترمز المي مال ممت زيون مخلص طلعت ادفيله مي اخلي بي ، البيت اظلم بس المطبخ مبقين بي ضوا ،دخلت المطبخ و عُمر دخل هستوا راجع من بره كملت طريقي للسنك ،هو بقى واگف و يباوعلي ،بعدين مشى متجه عليه ،اني رجعت ليوره لحد انصدمت بالحايط هو وصل يمي خله اديه ع الحايط و حصرني بين اديه و مدنگ رأسه الي ، وعينه بعيني ابتسم ويحچي بصوت ناصي گال
:اي سروه تردين ترحين لأهلچ ، وتاخذين أذن من أبويه شنو انه ما تارس عينچ
يحچي وانفاسه تضرب بوجهي و عطره أحسه محاوطني ، گُتله
: شنو الي تغير اني كل ما اريد اروح أگول لعمو وياخذني ، متحملت قربه الي لهذا الحد ضربته بصدره أريده يوخر مني گال
:ااااخ ول أبويه لا تضربيني هيچ ،گلبي يگوم يوجعني ومبتسم
نزل رأسه خله خشمه وره اذني ويشم بيه گمت ارجف واني احس انفاسه برگبتي ، حسيت نفسي رخيصه ما رضيت النفسي وضع هشكل عيوني نملت دمع و خنگتني العبره گُتله ليش هشكل تسوي بيه اني مو رخيصه ، شال رأسه مصدوم و باوع بعيوني گال
:ول أبويه أنه ارخصچ !!!
:لعد الي دتسوي شنو ؟
واهانتك الي گدام ولد عمك شنو ؟
جر راسي لصدره و باس راسي و گال
:ما عاش الي يرخصچ والله
وعافني و راح
أنت تقرأ
متاهة مشاعر
Romanceگعدت واني مدنگه ما اعرف شبيه عبالك اول مره أشوفه لو أگعُد مقابيله و أكُل ، حاولت أتجاهل وجوده ، بس وين واني أحسن نبضات گلبي يدُگن بإذاني ، داحس عيونه عليه تراقبني ، اريد اكذب إحساسي ، رفعت راسي ، وطلع إحساسي ميكذب ، شفت عيونه عليه ، تمنيتكم تشوفون...
