متاهة مشاعر

41

#متاهة_مشاعر
للكاتبة مهرة

:اتحدد يوم زواج عُمر بعد أسبوع ، ويوم عادي مثل كل يوم أخلصه بالبيت ، عمو و عُمر طلعوا لشغلهم ، عمتي اخذت يزن وراحت على جوارينه ، واني انظف بالبيت خلصت الجوه وطلعت أخسل الطرم ، لابسه تراك وشعري رافعته بعشوائية ، انفتحت الباب الخارجية ، رفعت راسي نور و وحده وياها ما اعرفها ،
:صباح الخير شلونج سارة
: صباح النور انتي شلونج ، والبنيه الوياها هم سلمت عليه
: بخير حبيبتي هاي بت خالتي يمامه
: أهلا وسهلا
:عجل عمتي وين
: عمتي طالعه شويه وتجي تفضلو
:جبت غراض الي اريد اصعدهم لغرفتي
: اي تفضلي براحتج البيت بيتج
: اعرف عيوني البيت بيتي وبيت عمي

:مرديت عليها هاي تريدلها خلگ رجعت للباب الخارجي واني بقيت أخسل رفعت راسي اشو هاي داخله و وياها ولد ما اعرفه شايل كارتونه ، اني تفاجئة مادري بيها وياها احد واني لابسه تراك وشعري وهو بس شافني يريد ياكُلني بعيونه ، ما گدرت حتى ادخل للبيت لان إذا امشي گدامه يبقى يباوعلي واني امشي ،وتراكي ضيگ ، احس وجهي صار نار ، بقيت مصنمه بمكاني وهي تحچي ويا ، عفيه سلمان تره غرفتي فوك ، وهو يگُللها تدللين بت خالتي ، دخلو انتظرت بين ميصعدون للغرفه ، رحت لغرفتي وانتظرت ينزلون ، هما ما تأخروا ، نزلوا ع الدرج اسمعه يحچي وياها
: لچ يول هاي منو ؟!!بت عمچ !!
: ههههه لا هاي ارملت أحمد شبيك تخربطت مشايف
: اي والله هاي النسون عجل مثل العندي ااااخ
:ديله يله خل نمشي تعبت من السوگ

:هما عبالهم اني بعدني بره النوب بت خالتها تكُللها
:يول دري بالچ منها لا تأخذ رجلچ ماتدحگين هي شتلبس
: لا تخافين عليه هسه تشوفين شراح اسوي بيها هههه
: كفو والله گدها ههههه

: اني بقيت فاكه حلگي ، هاي شتريد تسوي طلعو هما وبعدين رجعت نور للبيت صاحت عليه وطلعتلها من غرفتي هي رتبكت
:ها انتي هين حسبالي بعدج بره
:لا دخلت وراكم ، بس انتي شلون اتدخلين عليه رجال واني بملابس البيت وحتى حجاب ملابسة
:على كيفچ عيني انتي مو تلبسين هيچ گدام عُمر
عجل عُمر مو رجال
: عُمر عاقد عليه يعني مو حرام إذا البس گدامه
عاد هي خزرتني تريد تاكُلني ، بس دارت وجهه وراحت

:رجعت عمتي وسولفتلها كُلشي ، عمتي ضاجت حييل ، بس گالت
:يمه لا تسولفينها تره بس يسمع عُمر يگلب الدنيه ، انه هسه اخابرها وحطلها حد
: اني اعرف عمتي فقيره متگدرلهن بس تحچي هشكل حتى ما اگول ويسمع عُمر وتصير مشكله

:رجع عمو الظهر بدل وگال
سارة بنيتي صبيلنه غده عُمر يتاخر عندوشغل ،

:تغدينه و شربنه چاي و عُمر بعده مراجع دگ تليفون عمي
:هلا عمي سيف شلونك
: هااا اي هسه اني راح اجيبها الكم
سد التليفون وندار على عمتي
: يله أم عُمر سرى عدها ولاده خل اخذچ
:عاد عمتي خطيه انخبصت ، يمه سارة شو خابريلي رنا خل تجي وياي ، وجيبيلي جواريبي من الحبل ابنيتي ،
اي عمه على كيفچ لا تنخبصين ،
خاب يمه هاي الزعيره شما تكبر بعدها بعيني زغيره ، والله ما اخابرها خاف تگلي عدها وجع
: أم عُمر يعويناتي شو گمتي تطلگين گلبها ههههه
:صُدُگ عمو  ههههه اليوم سرى تطلگ وعمتي وياها
:تره ما عندي مانع بعد تسع تشهر اخليها تجيبلچ حما زغير
:اني هنا متت ضحك هههههههه
: يا على بختك حجي شو گايم ما تستحي وانتي يولي شو خابريلي رنا يله
: صار عمه صار هههههه
خابرت رنا وگُتلها تحضر حيمرون عليچ
لبسوا وطلعو تلاگه وياهم عُمر گالوله راد هو يأخذ عمتي بس عمو مقبل گله ورح اتغده اني اخذها