متاهة مشاعر

البارت 38

متاهة مشاعر
للكاتبة مهرة

: گعدت الصبح اني بحضن عُمر تذكرت ليلة البارحة وخرت راسي من حضنه وبقيت اباوع لوجهه يالله شگد
حلو وهو نايم اول مره أتمعن بملامحه من قريب شعره اسود حييل بس بي كم شعرايه بيضة ، لحيته خفيفه كُلش بس يسوي سكسوكه اتجنن عليه ،بست خده على كيف بس هو حس بيه گعد يفتح بعيونه بنعاس ويسدهن شافني ضحك وجرني لحضنه وخله رأسه برگبتي و گال خل اصبح عليچ بطريقتي هسه
:عُمٓرّرر گوم يله الساعة بثمانية هم يله نلحگ حتى توديني الأهلي
: اششش ، يول غير اريگ بيچ يله اوديچ أفيش ياريحتچ
: شال راسة مني ويباوع بعيوني ومبتسم و
: گال الله لا يحرمني من عيونچ وصباحهن
: بوست عيونه و گُتله ولا يحرمني من عيونك يا عمري حضني حييل لصدره ويضحك ويگول ول يابه انه اليوم بالجنه و مادري

: وصلني لاهلي بالتسعة وگال اخلص شغلي للوحدة واجي اخذچ نزلت هو بقى واكف لحد ما طبيت وسدت الباب يله حرك السيارة ومشى ، دخلت بابا يرش بالحديقة ترك الصونده إجاني
: هلا بابا سارة شلونج
: شلونك بابا ماما شلونها
: الحمد لله بخير بابا شو وحدچ يزن وين
: يزن بقى يم بيبيته اجيت اشوف ماما ، گادني من ايدي ودخلنه
: منو جابچ
: اجيت ويا عُمر ، راح للشركة وبالوحدة نرجع للرمادي
لگيت ماما گاعده بالمطبخ ( سوده عليه متغيره من المرض )
گمت ابچي من شفتها شكلها تعبان
: ماما حبيبتي والله صرت زينه ليش هلبيچي
: دخل علي مبدل يريد يطلع
: اهووو هم اجت أم لسان
: عابتلك هاي بدل ما تفرح بشوفتي لو مرتك غيرتك على أختك الوحيدة
: دنگ عليه باسني وگال ، يول مشتاگلچ چثيييير ويضحك ( يقلد على لهجت الرمادي )
: لچ شغير منه هو اخوچ ينحمل ( لتفت عليها )
: لچ اني ما انحمل !!!
شغل الليل مايغزر بيچ
: احنه متنه  ضحك عليه
، وهي خطيه انهزمت
: علي لتتأخر تره بالوحدة اطلع تعال من وقت خل نتعارك شويه ههههه
: ساعتين و ارجع ، ولو انتي صايره مثل زلم أهل الغربية تخوفين هههههه
: بعدين ماما گالت
:سارة ماما خابري عُمر خل يجي يتغده يمنه وتطلعون وره الغده
: اتصلت عليه
الووو عُمٓرّ
: عيونه
: ماما اتگول غداك يمنه حننتظرك
: ول أبويه هي مريضة  خطيه لا تكلفينها نطلع للمطعم ونتغده
: متقبل والله وبعدين احنه حظرنه الغده ، تعال
: ماشي حبيبي اخلص شغلي و اجي
: بابا وعلي بالبيت ب ١٢ ونص اندگ الجرس طلع علي لباب ورجع گال اجه عُمر
راحت ماما دخلت سلمت عليه و اني واگفه وراها املي عيوني من شوفته  احس اشتاقيتله واني مفارگته غير تلث ساعات بس ،
حضرنه السفرة وگعدنه نتغده  بابا و عُمر  يأكلون و يسلولفون ع العقارات والمواد الإنشائية واني و علي واحد يبسمر بالثاني همس ههه
وبابا يسولف ويفلس لحم وخلي گدامي
: بابا أكول أنت ، شنو قابل استحي
: لج بابا والله ضعفانه ليش هيچ هامله اكلج داشرفج تسولفين ومدتاكلين  ، وأنت علي اترك أختك خل تاكُل
: بابا والله داكُل ، اني گاعده بين على و بابا ، علي حضني وگال
: أُكلي حبيبتي وشال لگمته خلاها بحلگي واني أكُل و اضحك اجت عيني بعين عُمر باوعته ، حسيته مراضي
: خرررب عقلك عُمر حتى من اخوها تغار ، ما اريد احد يلمسها والله ما اتحمل مو بيدي
علي : آلك الله يا علي محد يشوفك تأكل لا حتى المره مو بحالك
: كُلنه ضحكنه عليه و النوب مرته خطيه خجوله كُلش و عُمر گاعد وهي خاتله بصف علي وتگرص بي حتى يسكُت
عُمر مدنگ ويضحك 
:
اني خلصت وگُمت خليت القوري ع النار و ماما و زهراء لمو السفرة
گعدنه شربنه چاي و عُمر گال
: يله سارة تحضري نطلع ورانه طريق
: لبست و ودعت أهلي وطلعنه
عُمر ساكت وأحس باله مشغول لتفتت عليه عُمر بشنو تفكر اشو ساكت لتفت عليه وبتسم فتح چف أيده خليت ايدي بيده گال

: تدرين ما چنت متصور علاقتچ بأهلچ هيچ يحبوچ و مهتمين بيچ
:ليش ؟! ، لعد شلون متصورها
: من أبوية گال ابوها مصر يزوجها و راد ينطيچ لابن عمچ وهو متزوج وعنده جهال، ورغم أنتي مچنتي موافقة گلت الظاهر ابوها يريد يخلص من مسوؤليتها واهم شي متبقى يمو
: صح الي يشوف المسئلة بشكل سطحي يتصور هشكل بس بابا چانت اله اسبابه
: لتفتت عليها ادحگ الملامحها تقلصت و مدحگه بالطريق بشرود وتحچي
: بابا چانت عنده أخت اصغر منه وهما اخر ثنين بعائلتهم ، فچانت علاقتهم مثل الأصدقاء وچان يحب عمتي كُلش هوايه ، عمتي حبت ابن عمها وهي بعمر ١٥ سنه وهو هماتين چان يحبها ونتظرها لحد ما كبرت حبها كبر وياها وصار عمرها ٢٠ سنه خطبها وتمت الخطبة وبالاسبوع مال زواجهم صارت عرگه بين جوارين بيت عم ابويه وهو طلع وراح يحجز بينهم واحد منهم چان لازم سلاح ومن رمى اجت الطلقة بي ومات ، عمتي من مات حبيبها من القهر وبالبچي تمرضت وراه بابا چان يحاول بكل الطرق يطلعها من حزنها بس ما گدر ، بقت بعده ست اشهر وماتت ، وأبوية چان خايف يكون مصيري مثل مصير عمتي  لان شافني كُلش تأذيت بعد وفات أحمد الله يرحمه ، لهذا لسبب رادني اتزوج و يدخل حياتي رجال ينسيني أحمد ، وابن عمي حسن صح هو متزوج بس يحبني التفتت عليه خازرني گال
:منو هذا اليحبچ يول !!! وتگولينها بوجهي ؟!! ( يحچي بعصبيه )
: عُمر أني داحچيلك الي صار ، اترك الموضوع ، على شنو هل عصبيه ،
: احچي لشوف شنو قصة هذا حسن النوب ، ولا تظمين عليه اي شي
: حسن اتقدملي واني بالثالث متوسط بس بابا و ماما من يمهم وسدوها گالولهم بتنه زغيره مو مال زواج وهو تزوج بت خالته وصار عنده أطفال ثنين بس هو بقى من يشوفني يبقى يباوع عليه ،
اني احچي واباوع على عُمر ، ، هو لازم الستيرن وضاغط عليه بحيث أطراف اصابيعه صارن بيض ، من العصبيه بس محچه كملت كلامي
بابا لان يعرف بي يحبني راد ينطيني أله
: خلصتي موشح الحب مالتچ مو
: أني بقيت ساكته محچيت بعد هو طلع جگاره وگام يدخن
: منين طلعي هذا حسن انه اخوها وما هان عليه يحط ايده عليها النوب ابن عمها يحبها حتى الجگارة خلصتها بنفسين من قهرتي
: أباوعله ضاج كُلش اخذت ايده وبستها هوباوعلي متفاجئ گُتله عُمر أني مرتك وعلى ذمتك وحچيتلك حتى تعرف بابا شلون چان يفكر ميهون عليه تكون نظرتك على بابا مو حلوه ، شال ايدي لشفايفه وباسها وحچه بنبره مقهوره
: يول والله ما اتحمل تجيبن طار رجال على لسانچ 
دمي يكوم يفور مو بيدي انه الله بلاني بعيونچ وطيرو لعگلي
: حبيبي انه آلك وحدك والله عيني ما يمليها غيرك  باوعلي بنظره وكيحه
: تخلينه نكمل دربنه لو والله هاي كلمت حبيبي اطلعها هين بالسيارة منچ
: ههه لا يمعود خل نوصل والله شتاقيت لزيون
وصلنه البيت العصر كُلش دخل لسيارة ونزلنه دخلنه المطبخ  يزن أجاني يركض شلته وابوس بي حبيب ماما شتاقتلك عمو و عمتي گاعدين سلمنه عليهم وگعدت اخذت يزن  بحضني بعدني مشاقتله
: يمه امچ شلون صارت
: الحمد لله زينه وسكرها بدا يستقر
: الحمد لله على سلامتها يمه
: الله يسلمج عمه
عُمر بدل ونزل گال سارة سويلي چاي گمت خليت القوري ع النار و رحت بدلت و رجعت دگ تليفون عمو
: الوو ، هلا أبو كنعان ، خير خو ماكو شي ، لا هلا بيك
عجل باچر ننتظرك ع الغده ، الله وياك
: خير يابه شكو ؟!!
: والله يابه ما ادري بس عمك گال باچر لا تطلع انه اجيك عندي شغله وياك
: اني و عُمر واحد باوع على اللاخ بس لا عمو صباح سمع بالعركه الي بين عُمر و كنعان !؟