عشيقتي انتي

الحلقة 4

عشيقتي_انتي
الحـــلـــــقـــــة 4 😍  :😍😍عــشـــقـــتيـي__انــت 😍😍
ردولها صباح النور
اشارلها مسيو حكيم راحت قعدت حدا المدام شهرزاد
حكيم : واش بنتي رڨدتي مليح
الين : ايه عمو يكتر خيرك
حكيم : اشش الكلمة هذي منزيدش نسمعها نتي في عوض بنتي
شهرزاد : تبارك الله  ،
الين :....
حكيم : بنتي هذه شهرزاد
. مرتي متحشميش منها ديريها في عوض يماك و هذا وليدي امير

امير : متشرفين الين
الين : الشرف ليا
شهرزاد:  بنتي ديريني كيما يماك و متحشميش مني كيما قالك عمك كاش محتاجتي اني هنا
الين : يعيشك طاطا
حكيم بنتي متنسايش مورا لفطو. نديرو واش تفاهمنا عليه راني صدرت كله
الين :اوكي عمو 🤩
كملو فطورهم و راحو مع بعض للمكتب  قاو المحامي يستنى فيهم
وقعت ايلين على الأوراق اللازمة و دات الثروة لي خلاها باباها
علابالي راكم تحوسو علاه باباها كتب ثروتو ب اسمها و هو مزال على قيد الحياة .
باباها رجل اعمال كبير و ناجح و لاكن اعداءو نصبولو كمين   كانو يحوسو يقتلوه مي هو منع و هرب   باباها هو اخ اب البطل تاعنا رامي
لي قلتلكم تقلبت بيهم الطكسي لأسباب مجهولة   باباة الين و اب رامي  إخوة كانو شركاء يخدمو مع بعض

  بالمحبة  طبعا راح يكونو عندهم أعداء و منافسين لانو كانو ناجحين في المجال تاعهم
بداو ب اب رامي قتلوه و كانت امو ضحية   ب  بعد 6 سنوات حبو يكملو خوه و لاكن هو فاقلهم  و منع  بدل البلد و عرف كيفاه يهرب و كمل خدمتو من بعيد  و كي زادت عندو الين خاف عليها بزاف و كان عارف كون يفيقو اعداؤو يسرقوها  و هي لي رآه  تكون نقطة ضعفو اقنع امها بلي هذا الشئ لمصلاحتها بعد معاناة كبيرة  و داها للميتم و نجح في خطتو و مافاقولوش اعداؤو  و درك كتبلها ثروتو باسمها  باش يخفف الاحساس ب الذنب شويا و زادا باش يضمنلها عيشة مليحة و هو حب يريح بالو و يتهنا من الحياة العملية

_ كملو كل الوراق و راحت الين  معا مسيو وحكيم كانت الوجهة تاعهم قصر والديها لي من الدقيقة هذي رجع باسمها
.
دخلو لحي فقير   و شعبي  بانت علامات التساؤل على وجها مدام والدها غني علاه  داخلين  لهاد الحي. لاكن مطولتش بزاف و تبدلت علامات التساؤل ب علامات الحيرة و الاعجاب
و قفت الطكسي و نزلو منها أما هي بقات تشوف مع القصر  بدهشة
حكيم : عجبك
الين :بزاف
مي علاش مدامهم الأغنياء خيروا هاذ الحي
حكيم : باش تنقص الشكوك و ميقدروش يتعرفو عليهم و يلقاوهم بسهولة  اعلابالي تتلفلك  مي معا الوقت تفهمي كلشي
هيا ندخلو مزال مشفتي والو  من القصر
تبسمتلو و دخلو  رحبو بيها الخدامين و عرفها مسيو حكيم علا كل واحد يخدم نتم. حبتهم و تاقلمت معاهم و هوما تاني حبوها و عرفو بلي هي مولات القصر
تعرفت على القصر  و قات فيه بيسين و قاعة رياضة  هاذ  الشئ زاد من فرحتها
خيرت غرفة  كبيرة و أنيقة منظرها خلاب طل على الحديقة  لي فيها كل انواع الورود تخليك تحس بالهدوء بمجرد رايتها
  و دعها مسيو
. حكيم بعد ما وصاها على روحها مليح و خلالها رقم الهاتف
دخلت لغرففتها   راحت قعدت فوق سريرها   ربعت رجليها و تبسمت على حياتها لي تقلبت في ليلة و نهار 
حبت ترفه على روحها شويا و تبدل الجو جبدت كتابها  فتحتو و بدأت تقرأ 
"" تمردي و لا تترددي  و كوني لهيبا يحرق كل من يريد اللعب به  كوني رصاصة قاتلة لكل من يعترض  طريقها تمردي  على سخافة الحب و حماقة الرجال  و قهر الزمن و غدر الاصدقاء  تمردي و اعلني تمردك """ 🤩
غلقت لكتاب و قالت بصوت مسموع يا الين.  
.
اراكم و توقعاتكم  ؟!😍🤩