عشيقتي_انتي
سلام انا جديدة في هذا المجال انشاء الله نلقا الدعم و التشجيع و فرد الرأي و الاحترام
العنوان :😍😍عــشـــقـــتيـي__انــت 😍😍
بون انا رايحة نكتبها ب 🤩اللهجة الجزائرية🤩 كوني متعلمة بلييز اعطوني رايكم و متبخلوش عليا و هذه اول كرونيك ليا...
عيطت ايلين لشوفار جا وصلهم لقصر مسيو حكيم وصلو استقبلتهم المدام شهرزاد و رحبت بيهم و قعدو يڨسروا و يحكيو حتى لحق وقت الغداء
قعدو على السفرة لي فيها اشهى الماكولات بداو ياكلو حتا قاو امير دخل امير : يوو عندنا ضياف اليوم شهرزاد : تفضل وليدي هاذي الين و صحبتها امير : واش راكي ايلين سافا الين : الحمد لله و انت امير : بخير الحمدلله و شاف معا حسناء جات العين في العين 👁️👁️💗 تبسملها و حكم بلاصتو حسناء قبشت الين و دارتلها عفسة بعينيها تع شكون هذا ردتلها ايلين في ودنها مبعد نقلك
بداو ياكلو و امير ساعا ساعا يسرق نظرة من حسناء عجباتو بزاف و حسناء تاني مكانتش قليلة تقدرو تقولو حب من اول نظرة هههه
نتابهتلهم الين و حبت تلطف الجو هه الين : امير ليوم عيد ميلاد حسناء. تقدر تجي نعڨبو وقت مليح امير : ( كان يستنا فيها و جاتو الفرصة بين يديه اكيد مراحش يضيعها ) اممم اكيد 😁 حسناء : 🤩 الين : ههه اوك اوتال ***** تعرفو امير : oui bien sûr شهرزاد : شحال راه تقفلي بنتي حسناء : 18 سنة طاطا شهرزاد : كل عام و نتي بخير الله يبارك صغيرة و زوينة حشمت حسناء قاتلها يبارك فيك طاطا يعيشك و هبطت رأسها كملو غذاهم و استاءدنو منهم خرجو ركبو في طاكسي و راحو لقصر الين في طريق الين : اييه يا ستوتة ضهرتي مش قليلة. حسناء : واش راكي تخرفي الين : هه متلعبيهاش عليا. انا لي كنت نشوف فيكم جيتي دقيقة ديتي عقل طفل حسناء : اييه مقلتيليش شكون هذاك الين : مم هذاك وليد عمو حكيم حسناء : أو الين : وي .. و صلو للقصر و بداو يصدروا في روحهم .
من جيهة أخرى بعدما خرجوا الين و حسناء. امير تاني خرج باش يشري كادو عيد الميلاد. مي حصل و معرفش واش يشري لهاذا حب يطلب المساعدة من رامي هز التيليفون شكل رقمو و بقا يستنى رامي : الو امير : خويا نتا علابالك رامي :( فهمها بلي يحتاج كاش حاجة ) لالا مكنش علابالي امير : 😣 معليش دوكا علابالك رامي : جيب من لخر واش تحتاج 🤔 امير : قتلك خويا تفهمني، و الله محتاج مساعدتك في أمر طارئ رامي : غير الخير امير : معليهش تجي لحديقة **** رامي : اوكي 5 دقائق و نكون عندك ضحك امير و كوبا التيليفون و قال اه سمحلي مي كون منديرلكش هكا مراحش تجي هههههههههههه شويا حكا وصل عندو رامي رامي : واش امير غير الخير امير : تبسم معاه خير خير محتاجك تخير معايا كادو رامي : وشنو على هاذي جبتني هاذي هيا الأمر الطارئ و معلاباليش و الله عيب عليك امير : و الله يا خو غير حصلت رامي : افف اخر مرة مي ليمن محكيتليش هههه امير : ممم لوحدة وسمها حسناء ليوم عيد ميلادها و عرضتني رامي : اوه جامي شفتك متعلق بطفلة حتا حكيتلك بلا قلب واش تغير امير : هه اوما انا خير منك متنساش روحك نتا مكاه خلاه رامي : هههه مراكش حاب تحكيلي هيا. وين تعرفت عليها امير : حكالو امير رامي : 😂 تقدر تقول حب من اول نظرة اه ظهرت موش قليل امير : مممم يلا درما عيطتلك باش تعاوني راح الحال
راحو امير و رامي و خيرو كادو لحسناء لي هو. عبارة عن هه: ساعة. كلاس 😍 و بارفا
رامي : يا خو راني حاب نجي معاك امير :هههه نتا. قول و الله. واش تغير. نعرفك متحبش هاذ الاجواء. ولا فقتلك غرتي كي انا راح تتزوج و نتا لالا رامي : واش من زواج ههه بعقلك برك juste ليوما معندي والو. و زادا حبيت نشوف هاذي لي دات عقا خويا من النظرة الأولى 😃 امير : ههه اوكي مكاه حتا مشكل. و مبعد نعدي عليك رامي : اوكي انا تاني درك نروح نشوفلها كادو عيب نروح حكيك امير : اوكي هيا صحا ومبعد 😍😍😍
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
