عشيقتي انتي

الحلقه 8

عشيقتي_انتي
الحـــلـــقـــة(8)😍:😍

نهار جديد و احداث جديدة على ابطالنا

ناضت الين شافت الساعة لقاتها 6 مازال الحال
دخلت دارت دوش و خرجت
هبطت للكوزينة  لقات تارتا صغيرة بالشوكولاته 😋 و صاتهم عليها من قبل 😘
حطت فيها شمعة و نجوم. حكمت بريكي و طلعت  وصلت للباب  الغرفة شعلت النجوم و الشمعة  و دخلت تغني
Joyeux anniversaire sisou
        joyeux      anniversaire Hasna 😍😍
ناضت حسناء بفرحة و جات تجري عندها باش تسلم عليها و بوووم  لاتارت في وجها هههه
حسناء : واش درتي واش درتي ارواحي هنايا ليوم نقتلك ههه
الين وهي تجري ههه عيد ميلاد سعيد يا احلى اخت  نحبك
حسناء :  اعلابالي و même  انا نحبك و ليوم نقتلك ههه مي علاه هكا  كنت حابة ناكلها و شوفي كش درتيلي
الين : هههه نورمال  يا المكراشا 
كملو يجريو ورا بعضاهم و صوت ضحكتهم ملى القصر
الين : ههه خلاص حبسي عيييت هههه😂
يلا . خفي دوشي و  صدري روحك عنا خدمة اليوم
حسناء : ههه اوكي اوكي
فتحت عينيا  بديت نهاري بالهبال يادرى كاش راح يكمل
الين : هههه

                                 _____________

من جيهة اخرى رجع رامي
من رياضتو   عمل دوش     راح لبس ✓toop 
هبط للصالة قا الفطور جاهز فطر هز مفاتيح موطوه و كانت و جهته دار عمو عزيز. تواحشهم و عندو مدة مزارهمش
  وصل  للقصر دخل قابلو عزيز. سلم عليه
  رامي : واش حوالك عمي
  عزيز : لباس الحمد لله 
  رامي : ويني المدام ههه
  عزيز : ههه اي لفوق 
   راح عند المدام نجوى   سلم عليها باسلها رأسها  يحسها في مثابة امو   لانو تعبت عليه و رباتو
نجوى : ياا وليدي هاذي غيبة طولتيها علينا
رامي : هه اسمحيلنا  اني جيت دركا 
نجوى : كون مجيتش نتا نجي انا
ههه هيا نقعدو في الصالة
راحو قاو عزيز
عزيز : ههه  لحڨتيوني
رامي : ااا راك تزعط فينا أكان نروحو نروحو هههه
عزيز :ههههه وليدي متنساش  ياك قريب حفلة الترحيب ب المدير الجديد
رامي : ايي صح  والله نسيت خلاه
عزيز : مالا اني فكرتك نحبك توجد روحك مليح المسؤولية لي راح تواجهها ماش ساهلة. و نعرفك راجل و تقدرلها انشاله تكون قد ثقتي
رامي : انشاله انشاله انا نوعدك ندير لي نقدر عليه
عزيز : اعلابالي بني فحل
                   ______________________

نرجعو. ل ايلين و حسناء بعد ما لبسو و سقمو روحهم  و فطروا راحو يشوفو المكان لي يديرو في الحفلة
عجبهم بزاف   كان في اوتال 5 نجوم   و كلشي فيه تحفة  تفاهمو معا الديجي و الباتيسري على  التارتا  خيروها بالشوكولاته   جهزوا كله  و تاكدو من كلش
حسناء : اوو الين راني متحمسا بزاف
الين : ربي يطول في عمرك
صونا تيليفون الين.
الين : الو
حكيم : اهلا بنتي واش احوالك

الين : الحمدالله عمو و نت
حكيم : لباس الحمدلله
عيطتلك بنتي باش تجي ليوم تتغذا عنا. من هذاك نهار مزدناش تلاقينا

الين:  ايه أن شاءالله عمو مي أي معايا صديقتي معليهش تجي
حكيم :  ايه نرمال حاجة باينة الدار دارك مرحبا بيها
الين: يعيشك عمو باي و مبعد
حكيم  : باي

حسناء : واش وين رايحين
الين : عند عمو حكيم عرضتا للفطور و قتلو بلي نتي جاية معايا
حسناء : علاه قلتيلو نرمال كون رحتي نتي برك انا منعرفهمش
الين : واش فيها تتعرفي عليهم ناس حبابين    انا تاقلمت معاهم  في وقت قصير

حسناء : هه و انت شكون يقدرك غير ربي هه هيا نروحو يا ربي ما نوصلو
الين : ههه اوكي هيا. هذاك هو وقت .
#Aya😍