عشيقتي انتي

الحلقة 16

الحــــلقــة(16)😍:😍😍#عــشــيـقـــتيـي__انــت 😍💗

نهار جديد و احداث جديدة على  ابطالنا 😍
فاقت الين على صوت المنبه   شافت معا سقف شويا و ناضت غسلت  وجها.
راحت للخزانة  فتحتها عوجت فمهما  و تخمم واش تلبس
شافت شافت و مبعدا جبدت روب نواغ فيها شويا  des fleurs rouges  لبستها  دارت معاها ساك نوار  و  طالوا نوار بعدها. دارت شويا مكياج سڨمت شعرها و طلقتوا.   عبقت روحها بعطرها المفضل  شافت معا روحها في المرآة  تبسمت  فتحت الباب و هبطت باش تفطر. لقات لفطور جاهز و كالععادة واحد مكاين  كلات شويا و شربت جي ووجات خارجة
الين : صباح الخير عمو
الشوفار : صباح النور بنتي
تبسمتلوا و راحت ركبت في الطاكس
لحقها 
الشوفاو : وين نروحوا بنتي
الين :  لهاذ العنوان **** دار حسناء
الشوفار : اوكي بنتي

ناض بطلنا الصباح بكري دار رياضتوا كا العادة رجع عمل دوش  و لبس كوستيم نوار. معا كرافات روج.  ماداموا رايح للشركة كونوا المدير الجديد لاكيد لازم يكون لباس رسمي و محترم.  
فطر و كانت وجهته دار عموا عزيز باش يتفاهموا على الحفلة و كلمة الافتتاح 

وصلت الين عند لدار حسناء. عيطتلها بتيليفون باش تخرج
الين : الو حسناء صباح الخير
احسناء: صباح النور
الين : هيا اهبطي اني قدام الدار
شافت حسناء معا ساعتها و قالتلها.  مي أي العشرة مزال الحال و انا مزال موجدتش روحي كون قلتيلي رايحا تجي بكري
الين : افف اوكي خفي اني نستنا  لازم نروحوا للجامعة  باش نسجلوا راحي قريب الدخلة
حسناء :  اييه صح  باي  دوكا نجي
  كوبات عليها و ناضت غسلت وجها و هبطت عندها
حسناء : الين الين
الين : وي
سلمت عليها.
حسناء : هيا تدخلي لداخل بيدما نصدر روحي . و هذاك هو تتعرفي على ماما باسكوا تشوقت تشوفك بزاف
الين : ههه اوكي هيا  même انا حبيت نشوفها
        دخلت الين و حسناء للدار قابتهم امها
حسناء : ماما هاذي الين صحبتي
امها : اهلا بنتي. مرحبا بيك 
الين : هه سافا طاطا
ام حسناء : و الله الحمدلله. اتفضلي ادخلي
الين :.  يزيد فضلك
( دار حسناء ناس بسطاء من الطبقة المتوسطة  امها معلمة و ابوها مهندس معماري  عندها اختها صغيرة تقرأ في الابتدائي ملاك )

طلعت حسناء لغرفتها. و راحت للخزانة. جبدت روب بيضة سامبل تجي في الركبة  و ساك احمر معا طالون  احمر
لمت شعرها   كود شوفال   دارت ماكياج خفيف و هبطت عندهم
شافتها الين ناضت
الين : معريفة خير طاطا
ام حسناء :  و الله دخلتي في قلبي عودي ارواحي معا حسناء. فاكري فينا
الين : ههه اوكي باي

خرجت الين و حسناء  و كانت وجهتهم الجامعة.  
وصلوا وتبحروا فيها
الين : اففف عييت و ملقيتش  وين نسجلوا اكان البداية هكا كفاش راح يكمل العام
  حسناء : من بكري و انا نقلك هيا نسقسيو كاش واحد و نتي لالا كون سقسينا رانا لقينا لبلاصة
  الين : ضبري راسك انا منا منتحركش اني هنا مقادراش نوض. روحي سقسي و انا راني نستنا فيك
  حسناء : اوكي اوكي ضرك نشوف
   راحت حسناء سقسلت وحد الكوبل  وراولها. رجعت عند الين   داتها راحوا سجلوا وو خرجوا
    الين : افف و الله عييت   و جعت
    حسناء : مام انا هيا نشوفو مطعم نتغذاو و نرتحوا شويا و مبعد نروحوا.
    الين : ايه فكرة هيا
    😍😘🤩

#aya