فصليه و ضابط

Bart "2

‏هل تعلم معنى أن تتألم لفترةٍ طويلة؟.
____________________________________
‏
اني ملازم اول مراد وعندي اخ واحد اصغر مني و عمره 20سنه وروحي من الدنيه وهوه عزيز امي وابونه توفه من جنه صغار وامي شالت مسوليتنه وعشنه الحمد الله

ميس:من نزلت ولكيت بابا مخطوف لونه
ميس:ها بابا شبيك
(ابو علي):بابا مابيه شي امج وين
ميس: نايمه
ابو علي :دخلت للغرفه ام علي كومي شوفي المصيبه الوكعت على راسي
ام علي:ها شكو شبيك ياستار

ابو علي:ولج طلع ولد من الفرع وما شفته ودعمته بالسيار ما شلته وعفته وطلعت خفت والله

ام علي:يا عزا العزاني وشصار
ابو علي :مادري لا تسأليني

مراد:جان عندي تفتيش على الدوريات واجاني اتصال من اخويه
مراد:ها يلثول شلونك

عفوا اني دكتور:سلام عليكم اني دكتور علي
مراد: اهلا وسهلا بس هذا تلفون اخويه فراس
دكتور: اي نعم اخوك مصاب وحاليا بالمستشفى
مراد:صدك دكتور جاي جاي يامستشفى
مراد: رحت ركض للمستشفى وصلت اني مراد اخو فراس اجاكم مصاب
دكتور: اي تعال ابني الصراحه
مراد:دكتور لتقلقني كول
دكتور:والله مراد اخوك اجه للمستشفى فاقد الحياه
مراد:دكتور شنو السالفه صدك تحجي دكتور كول غيرها الله يخليك شنو اكول الامي وفارت اعصابي دكتور لا دكتور فراس اخويه
رجعت للبيت واني الدنيه ضيقه بعيني باوعت على امي
ام مراد:شبيك يمه مراد يمه شبيك
مراد:يمه جنت بالواجب واجاني اتصال
ام مراد: وكالي اخوك
ام مراد:شبيك اخوك بي شي كلبي واجعني من الصبح عليكم كول شبي

مراد :لزمت ادين امي يمه اخويه فراس
ام مراد:ولك احجي شبي اخوك شلعت كلبي

مراد:يمه اخويه فراس ونزلت راسي على اديه راح من ادينه ودموعي وحركت كلبي بس الله الي يعلم بيها
ام مراد:ولك انت شتحجي امشي كوم اطلع برا لتجذب عليه ولك ولك
والطم على وجهي
مراد :شفت امي تلطم على وجها كافي يمه كافي كافي
ام مراد:ولك هذا وليدي ولك اخيك صدك يروح من ايدي ولك مراد

مراد:ولج يمه مادري شصاير وياه راح اموت واصيح من حركت كلبي والله لموته الي سؤه بيه هيج يااااااااااااالله ..

مراد:وصارت الفاتحه اخويه واني كلبي ميت قهر والله بس لازم احافظ على قوتي كدام العالم حته محد يستزغرني ويققل من قوتي ويكلون لان صرت وحيد ونكسر ضهري جنت عايش على مودهم وخلصت الفاتحه واني مكسور ومقهور على اخويه وحزام ضهري بس والله اله اجيب حقه

ابو علي :ام علي ولج مصيبه على راسي مات الولد شلون بينه

ام علي:والله مصيبه وكعت على راسنه اتصل بشيخ العشيره وكله على الصار

ابو علي :واتواصلت مع شيخ العشيره وكتله كلشي بالتفصيل
مراد: واني وبمعرفتي كدرت اعرف كتال اخويه واتواصلت مع شيخ العشيره ابو زهره

شيخ العشره (ابو زهره):وليدي مراد اتفقنه ويه عشيره الكتال وباجر ننجمع وياهم بس اريد منك تمسك اعصابك حته لا يضيع حقكم افتهم لو لا

مراد :احاول عمي ابو زهره

مراد: يمه باجر راح نروح لكتال اخويه

ام مراد: اي يمراد اريد حق اخوك ودمه ميضيع هدر بس اريد دمه بعقل فتهمت لو لا

مراد:كلام امي اثر بيه وكثر من حركت دمي على اخويه اي يمه ان شاء الله
ام مراد:كعدت من صبح صليت الابني ودعيت المراد يرجع حق اخوه
مراد: اني النوم مجاي على عيوني ابد نزلت للهول وشفت امي حاطه صوره فراس وتبجي يمه كافي والله ميصير هيج يا امي بس اني ابد ماكدر انزل ادموعي حته امي متنقهر اكثر واكثر اوعدج اجيبلج حقه حته لو باخر العالم
ام مراد: مثل ماكتلك يايمه
مراد :ان شاءالله
مراد : اتصل عليه ابو زهراء
____________________________________

كاتبه "شقراويه "