فصليه و ضابط

Bart "8

تـمـطـر وگـلـبـي ؏ صـوت الـمـطر يـدعـيلك 🥺🧿🙏
____________________________________

ام مراد:ولك انت جنك نسيت ابوها شسؤه
مراد: لامنسيت بس خلي اعزللها لان حرام حرام بس ماكدر كل ما اذكر اخويه اذب حركت كلبي بيها
وافقت امي على كلامي انو اعزللها

مراد : صعت الميس لكيتها كاعده تصلي وتقرا قران

ميس:كملت لكيته كاعد اسؤيلك جاي
مراد:لا ماريد اكلج راح ازوج
ميس:حسيت كلامي مأثر بيه اي مبروك  وردت اطلع
مراد:بس مراح اخليها هنا
ميس: رجعت صدك تحجي  مراد
مراد:اني مو حبا بيج بس هي تريد يم اهلها
ميس : ضحكت اول مره اضحك بوجه اي الله يسعدك
مراد:اول مره اشوفها تضحك والله يلا اطلعي خلي انام
ميس :كلت مو حبا بيه صح بس امك  اكيد تريد تجي هنا حته تخليني خدامه الحمد الله صخرك عليه

مراد:اني اباوع بعيونها واشؤف القهر والحزن

مراد:صارت خطوبتي لا فرح ولا هوسه لان تراب اخويه بعده مناشف بس امي تخاف عليه وتريد احد يبقه من ريحتنه يمها
ميس :سديت باب غرفتي وام مراد مصاحتني قدرت ضروفي الاول مره
مراد:خلصت الخطوبه  دخلت للغرفه لكيتها كاعده بالكاع يم الجربايه  لزمتها لان هاي كسره خاطر اكثر ما هي فصليه
ميس:عيطت وخرو عني وخرو كافي تعبت وبقيت اعيط
مراد:ضربتها راجدي حته تصحه من عياطها
ميس:لزمني واني لزمت ايده كتله لايكتلك الحلقه
مراد :نامت وماجيتها
ميس :من كعدت لكيته يتصل وليل كله سهران
مراد: اممم سديت التلفون حضري ملابسي  عندي دوام
ميس:حضرت ملابسه بس كلش ضايجه انام ودموعي على خدي من اني وصغيره ماعندي حظ دومي متعوبه امي الماشبغت منا ولا حسيت بهتمامعا وحياتي الصارت عدم ابسبب النكس فهد وزواجي الماهوه اصلا زواج مجرد عالورق مسجل وجتي خاتمتها زواج مراد من غيري .ياربي هم يجي وكت ارتاح وحس نفسي اني مدلله ومسنوده من ظهر

مراد:رجعت من الدوام وامي مجروحه يدها
عطت ع ميس لج هاي ليش امي هيج صاير بيدها    انتي متنبهين وين جنتي فهميني

ميسم:والله جنت امسح الكاع وسمعتها عاطت رحت شفتها بالقوطيه مال المعحون مكصوصه يدها
داويتها ولفيتها
اكلني بالعياط والغلط والسب وراد يمد يده حتى يضربني
لميت نفسي وغطيت وجهي حتى ما احس بقوه الضرب
بس اسمعت امه تكله عوفها

وبالليل واكفه كدام لمرايه وباوع على نفسي وهوه نايم
مراد :صار الصبح  لكيت ملابسي محضرات وهيه ماكو بفراشها  كلت بس لا سوت شي بنفسها

ميس: كاعده بالمطبخ من الصبح للن الفجر كمت صليت ودعيت ربي يفرجها وياي ورجعت اريد انام بس محالي نوم كلت اكوم احسن
طلعت سويت معجنات لحم بعحين وحاول الهي حالي رجعت امسح الكاونترات الثلاجه  وامسح بالكاشي ظليت اجلف بي لان لونه فاتح واحنه عدنه منظفات قاصر ومانكس اخذني الواهس
خليت زاهي صار يزحلك المطبخ حبيت العب وازحلك ارجع لطفوله الي نحرمت منها
لعبت وزحلكت بالمي مال المطبخ واضحك بسكوت حسيت فعلا روحي طفله وجاي تلعب  وهدومي منكعات  ضحكت ع حالي بله اني شجاني ليش هيج سويت بله لو كاعدين جان اكلت طن كتل منهم والله وظليت ودردم وذكرت مراد وتخيلته يمي كاعده عالكاشي ومغمضه عيني وتخيله كاعد بصفي ويسولف ويايه
هاي طفلتي شنو اسوي شجاي تلعب
تعال مراد الله عليك العب ويايه
ولج كومي مخبله راح تتمرضين خبله
اسولف وياه واني بعالم احلامي الي اني صنعته الروحي خالي من كل اليأذوني خليت بس الي اني احبهم واريدهم
احجي ويه حالي اني ماريده يزوج والله اني احبه واريده الي 
بس لازم هو يزوج ويشوف حياته ويخلف خوما يبقه هيج زين منه ساكت لحد الان وما شهرني
ورجعت غمضت عيوني واضحك بكلبي والعب وافتر