فصليه و ضابط

Bart "7

- قالت :
- انـا قويه لايصيبني شيء ، ثم بكَت 💘 ›
____________________________________

لكنه تفكر بواحد اكيد حته متقبل اتقرب عليه اكيد تفكر بي لازم اعرف علتها

ميس:خلصت تنضيف وبدلت وتعطرت
و للعصر خلصت  صعدت لكيته نايم مراد مراد
َ
مراد:مراد اني ماكدر اتقرب عليها مو شك بيها لا لان هي مو بنيه واشوفه تخاف مني

ميس:والله تعبت من الشغل يعني حتى اذا البيت نظيف  ام مراد  اطلعلي لازم شغل اوووووف ياحصره كلبي لشوكت اتفض
ما اكدر اكول عمه اريد ارؤح ارتاح
مراد:اجيت ولكيتها تريد ترتاح كتلها تردين امي تحجي عالشغل كومي كملي
ميس :ترا اني تعبت كتلها بس ارتاح اشويه
مراد:تقربت عليها اني كم مره كتلج لتصيحين 
ميس:اني مصيحت
مراد:لتراددين  ولج ولزمتها لويت يدها هي عاطت

ميس:الله اكبر كافي فدوه اني اسفه

ام مراد:وخر عنها خلي تولي

مراد:رحت نمت وخرت بس تفكيري بيها هي ذبها بس ابوها
ميس :رجع يضربني  مدري شجاه عليه
ميس :دا انضف البيت وام مراد كالتلي
ام مراد:ولج طلعينه بعد خاشوكه وماعون وزيدي الاكل منا وهيج
ميس:حاضر عمه ليش جاينه خطار
ام مراد:  ليش مكتلج راح تجيني جنه للبيت
ميس: شنو
ام مراد :ها لعد شنو تردين ابني يبقه على وحده فصليه وابوها كتال اخوه ولا يكدر يطلع وياها ولا يكدر يكون مزوج
ميس:عفت البيدي وصعت اركض بدون اي رد لان اذا احجي ماكدر اسكت
ام مراد: لعد شعبالج خاتون
مراد: رجعت من شغل ميت تعب لكيتها تبجي بالغرفه  ها شبيج اليوم  ولو انتي لازم تبجين دم مو دموع

ميس:كلت لازم احجي مراد لازم احجي وانت تسمعني ومتقاطعني

مراد: صايره تصيحين
ميس:اي اصيح ولازم اصيح عادي تعودت على الضرب وخليني اكمل واضربني

مراد:هههه اي بالله احجي
ميس:شوف  اني مدعمت اخوك  واني مو ذنبي مو عذراء  مو ذنبي انو اصير فصليه  وانحرم من عرس وفرحه واطلع من بيت اهلي بأهانه و واني مو ذنبي اعوف الدراسه واصير خدامه هنا واني من اجيت هنا لا سمعتو مني كلمه ولا رديت على احد ولا جاسرت وحالي حال الخدامه انتو كلكم دا تعاقبوني على شي اني ممسويه لا سويت ولا كتلك تعال اخذني فصليه الكم جان بأمكان تاخذ فلوس وتفض الشغله اني اتحمل علمود اخويه وابويه كلشي  يعني شاسؤي ودموع وصوتي بشهكه وقهر
مراد:اي وهسه شنو  شرايده

ميس:ابوس ايدك لا تخليها تجي هنا اني تعبت وعندي استعداد اخدمكم العمر كله بس ما اتحمل اخدم غيركم
انتو تهينوني وتذلون واني ساكته  بس لا تخلي وحده مقاربه العمري اشتغل اله واني صح مو مرتك بس بالورقه بس اصعب شي على المره من تفضل وحده عليه
مراد :بس اهدي وفهميني منيه هي

ميس :سويت نفسك متدري اكيد امك شافتها ونعجبت بيها حتى تخطبها الك

مراد :يلا اسكتي الصراحه قهرني حجيه وهيه صح دا تدفع ثمن هيه ممسويته
مراد:نزلت
ام مراد:تعال الله جابك  هاي شعدها تعيط فوك  عليك ها ولك
مراد:يمه عوفيه شتردين منه كافي عليه متسمع اخبار اهلها ومحبوسه بالبيت بس للخدمه

ام مراد اسكت بالله  عندي موضوع وياك
مراد: شنو
ام مراد :خطبتلك بنت عمك سهى
مراد بس اني مطلبت مره وهذي  لو ما فصليه جان مزوجت
واني ماريد ازوج اصلا مالي خلك
ام مراد:بس اريد اشوف جهالك كافي عليه فراس راح من اديه
مراد :يمه ماكدر
ام مراد :كافي هي تربي جهالك عود بهذا عمرك كافي رفضت هواي بحياتك
مراد: الله كريم
مرت 6اشهر
ام مراد: اليوم نروح نشوف سهى ومو بكيفك بعد
مراد:يا صدك يمه
ام مراد:اي لعد شلون

ميس :باوعت عليه ودنكت راسي ورحت
مراد:كلت هم تفكير امي صح خليني مدامني بهذا العمر كافي وهذي ماكدر اتقرب عليها هي تخاف مني واني ما اكدر اتقربلها كرامتي متسمحلي  كافي الوجع عليها
اي يمه خلينه نروح

ميس:حسبي الله ونعمه الوكيل
مراد:شفتها صعدت يمه ترا ما اجيبه هنا
ام مراد:يا ليش لعد وين تخليه
مراد :اجر بيت قريب ييت عمي  لان ترا مراح يتوالمن واني حارمه الهاي من هواي امور

هذيج راح تاكل وياي وتطلع وتمكيج ميصير حرام حته الله ميرضه لو فصليه لازم اعدل بيناتهن تقبلين
اخسر نفسي واخسر ربي بهاي الامور
____________________________________

كاتبه " شقراويه"