فصليه و ضابط

Bart "3

بكت وقالت : يا رب انت تعلم وهم لا يعلمون
____________________________________

ابو زهره:ها وليدي مراد جاهز  بس كتلك تمسك اعصابك حته تاخذ حقك
مراد ان شاء الله عمي
وصلنه البيتهم واني اعرف انو ابوهم الي دعم اخويه  سلمنه ودخلنه
ابو زهره وابو علي احجينه شلون صارت  الحادثه 

مراد :اني اول مره بحياتي حاط عيوني بالكاع حته لا اسؤي شي خطا واني اسمع المناقشات

ابو زهره: ناخذ فصل 50مليون
مراد:لا عمي اني ابيع دم اخويه بالفلوس لا وسفه الدم بالدم
ابو زهره :لا وليدي ميصير هيج 
مراد:لعد اني ماكدر اخذ فلوس خلي القانون ياخذ مجراه
ابو زهره: اصبر ابني اهداء
مراد: رجعت عيني بالكاع لا بعد ما اتحمل اشوف وجوهم
ابو زهره: اي لعد ناخذ بنتك فصليه لمراد
مراد:رفعت عيني ابو زهره  شنو هل حجي  الله يخليك
ابو زهره: هذا المعروف عدنه اذا متقبل لا بفلوس ولا غير حل واذا تريد تاخذ حق اخوك اقبل بهل شي

مراد :بالبدايه ارفضت الفصليه بس بعدين فكرت عدل وكلت اكيد الاب راح ينحرم من بنته مثل ما حرمني من اخويه و اشوفهم ينذلون
اي اني موافق على هل شرط

ابو علي بس هذي بنيتي ماكدر
ابو زهره:لو دم ولدك
ابو علي :بس وبنيتي
ابو زهره :بنتك تعيش لو احد من ولدك تخسره

ابو علي :الله كريم
ابو زهره :نقرا الفاتحه

مراد:طبعا اني كلش مصدوم بس لازم اذلهم واحرك كلوبهم
ابو زهره :باجر نجيب الشيخ ويعقد على البنيه وتاخذها وياك 
مراد :رجعت للبيت 
ام مراد ها يمه شصار

مراد:يمه انطوني بنته فصليه
ام مراد :اي مضاع دم اخوك هدر هاي اكبر اهانه الهم ييمه
مراد:اني مقبلت ابيع دم اخويه بالفلوس ييمه ماكدر

ام مراد:اي عفيه يايمه مضيعت حق اخوك  عفيه بوليدي
ام علي:ها ابو علي شصار وياكم

ابو علي:اخذو ميس فصليه

ام علي:عزا العزاني شتحجي ابو علي بنيتنه صغيره
ابو علي :مابيدي شي  لو دم واحد من ولدي لو فصليه ميس روحي احجي ويه البنيه وفهميهه
ام علي هسه ارؤح عزا العزاني

ام علي:ميس تعالي يمه
ميس:نزلت  ها ماما

ام علي:انتي تخافين على اخوتك وابوج
ميس:هوه هذا هم سوال يمه طبعا

ام علي:انتي الي دكدرين تحفظين دمهم
ميس:شنو يمه خوفتيني
ام علي:اليوم مو الكعده

ميس: اي ادري يمه اليوم الكعده وشصار
ام علي:يمه اخذوج فصليه

ميس : يمه يعني لا زواج ولا احترام ولا تقدير صدك تحجين  يمه
بس فكرت بخوتي وابوي لا ينكتلوت بس اني كله كلت عادي بكلبي بس شلون اني مو عذراء  احجي وي نفسي ...يمه الله يخليكم ماكدر
ام علي :واخوتج وابوج لازم تقبلين

ميس:يمه
ام علي: يلا كومي خلي نلم غراضج
ميس:شفت امي لمت غراضي بجنطه وحطلتي ملابسي  وخلصت  واني بالي مو يم كل هذا

ام علي :سامحيني يمه بس انتي لازم تضحين على مود اخوتج وابوج

ميس:ماشي يمه الله كريم طلعت امي وسدت الباب واني بجيت ومتت من البجي مو لان اني فصليه لا لان اني راح انهان اكثر واكثر وراح انزل راس اهلي يربي حلها من يمك
وجبت الكرسي وجبت من فوك الكنتور البدله وضميتها بالجنطه الي حظرتها  امي واني ميته خوف كمت صليت ودعيت ربي يسامحني ويساعدني على الراح يجيني
و نمت وميته خوف

____________________________________

كاتبه " شقراويه "